Jeem 3:16 - ŊWÀʼ NYÙY

¹⁶ Wíri yii lóo siimé kinsiimè, lóo dìy a dzə̀ antaʼ, á nèn bvəə̀rí, vinyo ve bi vidzə̀m vi nə̀ə́ fó nsàn.

Jeem 3:16 Referans Kwoze

Jeem 3:14

A wìr lò, a ker kfə́ a dzə̀ kinsiimè e wùn shiliv, a dìy a dzə̀ ntaʼ, ŋgaàŋ wàa yen fó a dìn kitú kfə́ ji ŋgaà vifiì. A wù yii bèy, bo wù sí bívir kinyo ke Nyùy ke ru kí.

1 Korin 3:3

Vèn kù dzə̀ə́ moo wír ve á yú a dzə̀ fo mensə́ mev mè. Mo vèn rə́si gheʼnìnè, táŋnin ghán sidzə̀m, bó kí yòʼ din ji vèn dzəə́ yú a dzə̀ fo mensə́ men mè à? Vèn kù dzəə́ yii a dzə̀ kinyo ke wír veé ndzə fène yii.

1 Korin 14:33

A Nyùy sìysì bèy, bìʼ fo wù koŋ kfə́ a dzə̀ nyaáŋ, wù yòʼ koŋ njèʼèr. Ké vikìy kí nén a dzə jii, vèn kú a yiì réŋréŋ á mo vintatì ve wìr Nyùy vímóʼ ví yii vidzə̀m.

1 Joon 3:12

A bó kí yoʼ ghèén ji vèsən wáa yiì moo Keen. Wù‑uù dzə̀ kfə́ wan Satan woo ŋgaà vinyò ve bi ví, e nèn lò, e yùyrí wan yè wov. A yì‑iì yiì ka, bo wù wáa yuyrí fə́r və? Wù‑uù yúyri, bìʼ fo wù‑uù yii kfə́ a dzə̀ vinyo ve bi ví, a fər və yii ve juŋ vi.

Galatia 5:20

Aá kfə̀n ghvə́m anyùy kisaŋe, wáy vifií vév a dzə̀ é səm. Á lo, á wàa bànnìn, a taŋnín, a ghèʼ kighèʼ, a shwiíy kilòŋ. Wìr kù a dìy a dzə̀ shuu və́. Wìr lo, wù jàvsìn wíri ji wun fiʼ kòóy rə́ə yee mbìv.

Kèʼlo 11:9

Á kinyo ke kí‑iì yiìn, bo á wáa yòŋ yír ŋkàlaʼ yee shooy ji Babel, bìʼ fo dzəə̀n fó, fo Nyùy‑iì tòvsìn lám wìr dzə̀m, e nèn tàʼár áwune kitú ke nsay kidzə̀m.

Lim Aŋgàa Ntum 19:29

Ntèʼ nèn lò, e bvəə̀rí e dzə̀m. Wíri báʼtí, e bàm Gayur wùn Aritakur ve vé‑eè ghán wùn à Por, a dzə̀ wír veé Masedonia, a sə̀ŋ, a dù sho e kirə̀ʼ ké kileèy.

Ŋwàʼ woó Rom 2:8

Lóo dzə wír wo wù‑uù rə́si kfə́, táv a dzə̀ kitú, ŋwáy kinyo ke dzəə̀n ke ru kí, tíy a dzə̀ e vé kisaŋ vi, é Nyùy nèn dìn mo wù shwiiy kilòŋ fó vinyò foo fèy, e fò ké ŋgaàŋ a dzə̀ lòn wo biibií.

2 Korin 12:20

Kinyo ke m fan ki dzə̀ jii, ghanmóʼ, é m wìy wìy, e yèn kinyo ke kí wáa nyar mo, é m nèn a nyarnín sa. A m fan fó wìy wìy, e yen, a vèn seʼnìn, gheʼnìnè. Kìn vèn shwiiy a dzə̀ kilòŋ, kìn wìr diy a dzə̀ və́ woo shuu. Kìn dzə̀ ji vèn duú viduú, súʼ kinsuʼ. Kìn ámóʼó kóʼor wún, a wíri dzə́ jeéy jeéy.

Kèʼlo 38:9

Onan kiíy ji wun bèn sí lem a dzə̀ á vitsə́ʼ vé ŋkfə fər və, wù lóo lì wiíy və̀n, wù nèn a fəə́r shindzə́v a dzə̀ é kwaʼ ji lá ŋkfə fə̀r yòʼ wìy a ker a wán.

Maak 3:25

A wír veé laʼa kfə̀n lò, e jàvsìn, a taŋ kóy, bo bó yòʼ dzə̀ láʼ yee shooyi wìy tìím.