Jeem 3:13 - ŊWÀʼ NYÙY

¹³ Wìr fo vèn wo wù yén ji wun kér vifií ve ru ví, a wun kì vinyo, ŋgaàŋ dzə̀ la? Wù din kitú kfə́ fó liì wo juŋ wo wù yii, a wù yii, e làa yòʼ a saà wún, mo vifií ve ru ví yii dzə́.

Jeem 3:13 Referans Kwoze

Galatia 5:23

Aá yii bèy, e làa yòʼ a yen vitú vév gheéy, kinyo ki kooyì, á kù kfə̀mén. A wìr yii a dzə̀ vinyo vìn, bo bó nsər yìmòʼ yòʼ dzə̀ shó ye dzə̀ wù wàa fàn.

Jeem 3:17

Kinyo ke kí din ji wìr kér rú vifií ve ví lo a dzə̀ fo Nyùy ki dzə̀ jii, ŋgaàŋ dzə̀ kfə́, a bó wù yòʼ wáy kiwó e kinyò ke bi kí gheéy. Wù kfə́n a dzə wir nyaáŋ, a ker wíri ji weè, a yuurí kinyo ke wìr, a sham wíri ghán sidzə̀m, a yiì vinyo ve juŋ vi é ŋàŋ. A bó wù yòʼ yii vinyo vìn, yuúri kisùúyjii, a bó wù yòʼ din wún.

Matio 5:5

Bòŋ ké wìr ve á bórkir e Nyùy si, bìʼ fo áwune wíy yòv kitú ke nsay.

Kolosia 3:12

Mo Nyùy shoʼon ne ven, e nàŋsín ji və́ vee wír, a rəsí, a kòŋ ven ghán sidzə̀m, vèn ku nèn a ker liì a dzə̀ və́ə. Wìr wáa sham fə́r və, a yiì kinyo ke juŋ ki shó. Wìr kú a lì kitú kfə́ shishàr, a ker wir dzə̀m ji weè, a lò ji nyaáŋ,

1 Pita 2:12

Vèn lóo dzə vèn à wír ve bó á yòʼ kiìn Nyùyi, vèn kù a dìn a dzə̀ liì wo juŋ. Aá fə̀m lór ven, aá kú a yen a dzə̀ vinyo vén ve ru ví, wíy lóo dzə e kishiíy ke Nyùy taʼ, e sham áwune, wù jaŋè, aá nèn màʼtì liì wov wo bi və̀y, e bìnkìr, a ghvəm a dzə̀ wun.

Titur 3:2

Lá á yòʼ a suúy a kinyo ke bi kí e wìr bàm, a yen fo wùn à wìr wáa taŋnín. Á kú a ker wir dzə̀m ji weè, a fo kilíŋ ke dzəə̀n ké wìr e ŋgaàŋ.

2 Timoti 2:25

Wíri lóo kìnèn kinyo kfə́, wù wàa naàrì áwune ji weè, a leéy a dzə̀ ji Nyùy ku shàm wír vee shooy, aá biner vifií vév, e biìmé a kinyo ke dzəə̀n ke ru kí,

Filipi 1:27

Á bèy lèn, kinyo ke vèn wáa yiì ki dzə̀ jii, vèn wáa ker liì a dzə̀ á wo wìr ve á jumrì rú kinyo ke Jesus Kristu. A ke m taʼ ki dzə̀ jii, kìn m wìy fo vèn, kìn bó m yoʼ wìy, m kù a yu a ji vèn tíy kitávín, kér shilív shimòʼón, e kfə̀n a yu ji vèn wày vifií, a fùnèn kinyo kimòʼón cáʼ ji sáʼka Nyùy wo juŋ wáa dù fo mbìy, é wíri wáa biimé.

1 Timoti 6:11

Ké wò woo Timoti ki nén a dzə, aà dzə̀ ké ji ŋgaà lìm Nyùy. Kú a leʼ vinyo vee shooy vi léʼén vidzə̀m. Ku wày vifií ví cáʼ ji à wáa yiì a dzə̀ á vinyo ve ru ví, a yiì moo wír wo dzəə̀n wo Nyùy, a way shilív é wùn wó, a kòŋ wir dzə̀m, a tiy e Nyùy wùn kitávín, a lì vinyo vidzə̀m ji weè.

Jeem 2:18

A tàm wìr wùmòʼ wàa dzə jii, kfə́ kí dzə̀ á ji wun wáy shilív e Nyùy wùn, ké wùmòʼ woo wír a ji wù yii lim se Nyùy. M nén a ghay kém jii, wù din mo á mo wù wáy shilív e Nyùy wùn, a bó wù yòʼ yii mo Nyùy suuyì. A m yíi dìn sa sho mo m wáy kém shilív e Nyùy wùn a dzə̀ fó vinyò ve m yii mo Nyùy suuyì.

1 Pita 2:9

Yii bèy, fo kén kí, vèn dzə̀ kén rám, a shòʼ Nyùy ven. A vèn dzə̀ atàá cù, lim a dzə̀ fo wun woo Fon. Wù‑uù nàŋsín ven ji kitúm kee jeéy kí, vèn wáa dzə və́ vee wír ji vèn wáa fìʼtì vijuŋ ve vinyò ve wù rə́si yii e vèn, ven ve wù‑uù fəərin fó ndzə vitsə̀ʼ, e wày e wùn mvə̀m ran ye ghaʼáné.

Jeem 1:21

Kí nén a dzə jii, vèn maʼti á liì joònè e dzə̀m, e fəə̀ fó bǎm vinyò ve kisaŋ vi vidzə̀m, a neŋ a dzə̀ e Nyùy si, a yu a dzə̀ fo wùn jì ye wù wayin e věn meliv. Á kinyo ke dzə̀ kí dànèr ven é dzə̀ʼə̀m yee là may.

Ŋgaà Tàrvìnyò 8:1

Dzə̀ la moo fií? Dzə̀ kìíy la móo toʼtí nsàv se vinyò? À yén fií, à kìíy fo wun vishi ve bvərkìn ví, à fo wun rər se sí kúvsinè.

Nsùyrì Nyùy 107:43

Wìr wo wù kér vifií kú a rə̀tì vinyo vìn. Wìr msòŋ kú a kwàʼtì koŋ ye Nyùy Tàr kér fo wír vəə́.

1 Timoti 4:12

Lá à yòʼ biìmé, é wíri wáa kay wò ji bìʼ fo à dzəə̀n wánlè fo áwune. Kú a dìn a dzə̀ liì wo dzə̀ aŋgàa biimé, á wàa jùmrì, kìn dzə̀ kinyo ke à suuy suùyín, kìn ke à yii yiìn, a kòŋ wíri, a way shilív a dzə̀ e Nyùy wùn, e làa yòʼ a ker liy yee kùm kinjàŋ.

2 Korin 10:1

Mo woo Por, m kì ji wír ámóʼó lo, á wàa suúy a jii, m lóo saŋ kinyo, a m dzə̀ fó səné, m wàa ghàŋtì shuu, mee fo si, m wàa boòrì a lám. Mo woo shooy, m nén a boòrì ven ji weè, mo Kristu kù yii boorì, a suúy jii,

Matio 11:29

Vèn toór kimbùŋ a dzə̀ kém, a yu a dzə̀ fo mò. M yii géʼ e wíri géʼén, kér shilív shee nyaáŋ. Vèn ku wìy, e meèmè, é meliv men mè rəsin.

Jeem 3:1

Afə̀r vem, vèn wáa yen fo wìr dzə̀m kú a tàʼ ji bo wun kì yéʼey wíri. A dzə̀ vèn wàa kiíy sa jii, á wíy a saáy vinyo vér vee aŋgàa yeʼéy, a shaà vé wìr ámóʼó.

Efesor 4:2

Vèn wáa lì vitú vén shishàr, a borkír, a ker wir dzə̀m ji weè, a kòŋ áwune, é la wìr yòʼ a yen jay wìr.

Galatia 6:4

A dzə̀ wìr kù a sayrí a dzə̀ rə́ yee lim, yén, a yí dzə̀ e juŋ ye dzə̀ wù wàa binsí, wù nèn a binsí, e làa yòʼ a binsí ji bìʼ fo wun fiʼsìn wùn à yé fər vəə́.

Galatia 6:1

Afə̀r vem, kinyo kímóʼ kí nén a dzə jii, a vèn yèn, a fər won wùmòʼ jáy kinyo, wìr fo vèn wo wù yú a dzə̀ fo Kiyoy ke Ranén kí kù a mùm a fó tir ŋgaàŋ, é wù maʼti kinyo kee shooy. Yii bèy, wù lóo tir, wù kù yòʼ a tir ji weè, a yen fó to sa e kinyò.

2 Korin 8:24

Wùn áwune wiyì, vèn kù wày áwune e věn shiliv, a dìn, é vintatì vidzə̀m vi wáa yen ji vinyo ve vèr‑iì suuy aáwune, meer yír yén, ví dzə̀ á réŋ.

Daniel 2:21

Wù lo, wù kùvsín ghán sé vinyò, à seé kiya si. Kù kóʼor wun afon, a kù sə́ wun vifon fo áwune. Kù fó wun vifií áàfií, yii, a wír ve á fiiriné kiiy jeéyjeéy fó vinyò.

Matio 21:5

«Vèn suúy e wír veé *Sione jii, ‹Vèn yén mo Fòn won wiyì. Wù lì kitú kfə́ shishàr, e kòʼ a dzə̀ kimbèʼbìy, kimbèʼbìy, a dzə̀ kee wán.› »

Tsəfaniya 2:3

Ven adzə̀m veé wòŋ fèn ve á li vitú vén vitérí, ven ve á yúnin nsər se Nyùy Tàr, vèn kú a yiì vinyo a dzə̀ ve wù taʼà. Vèn kú a neŋ e wun si, a tàm, é wù kim ven e wun kishiíy ké dòʼshwiíy.

Jeremia 9:12

M nèn dzə̀r e Nyùy Tàr jii, «Nsay yèe, e bóo bir, e kfən e ghá moo wóʼ, a bó wìr yòʼ kfə̀n shaa fo? Dzə̀ la wo wù kér vifií vée kiíy kinyo kìn? Nyùy Tàr, à naàrì kinyo kìn a dzə̀ e la wo dzə̀ wù sùúy e wíri?»

Aysaya 61:1

Kiyoy ke Nyùy Tàr woo Taà Ndzə ki shiy mo, bìʼ fo Nyùy Tàr yoʼon ne mo, e tùm ji m wáa fiʼtì sáʼka wo juŋ e vé ŋgeʼe. Wù‑uù tùm mo ji m rəər wír ve melív mev mè seèmèn ne, a tiisí e wír ve á koon é shùu rərí ji á yíi bòyìr áwune fó vikwàn, a tiisí e vé sháŋé ji á sí lo, e fəə́r áwune fó lav sháŋ.

Nsùyrì Nyùy 149:4

Nyùy Tàr yii kér shií fo wír vəə́, buʼ wír ve á néŋ e wun si, buʼù, aá gháʼ aŋgaà vév vibàn.

Ŋwàʼ Jov 28:28

«Á bèy, Nyùy nèn yòŋ e wìr msòŋ jii, ‹Rúrú, wìr lóo ghvəm Nyùy, bo sì vifií bey, lóo bìn ndzə̀m é kinyò ke bi kí, bo wù sí kiiy jeéyjeéy fó vinyò.› »

Kintaŋ 12:3

A Mooser‑iì dzə̀ kfə́ wir kiman feyì, a bó wìr kiman wùmòʼ yòʼ kfə̀n‑eè dzə̀ shó e kitu ke nsay moo wun.

1 Pita 3:4

Viŋgòn vén ví kú a dìn a dzə̀ fo věn meliv. A dzə̀ jii, vèn kú a ker a liì wo juŋ, a dzə ji nyaáŋ. Á viŋgòn ve Nyùy yii yén ji viŋgòn feyì, a bó yòʼ dzə̀ ví kòsìn.

1 Korin 6:5

Vèn wáa woomé fo věn vitu. Bó fèn dzə̀ ji wìr yòʼ dzə̀ e věn mvəm wo wù kér vifií ve dzə̀ wù wàa tàr vinyo ve ví kooy e ven vee afə́rí mvəm á?

Matio 7:24

«Vinyo vìn vidzə̀m vi nén a dzə jii, a wìr yuúri vinyo ve m tír wíri shó vìn, yii mo ví dzəə̀n, bo ŋgaàŋ fìír feyì moo wír wo wù‑uù baʼrì lav, e wày kinsə̀ŋ a dzə̀ é kitu ke kilan.

Jeremia 9:23

Nyùy Tàr kfə́n a suúy jii, «Lá ŋgaà kìíy yòʼ a sùmrì wún bìʼ kiíy rə́. Lá ŋgaà vitaàví yòʼ a dzə̀v nsaŋ bìʼ vitaáví və́. Lá ŋgaà bùʼ yòʼ a koʼnín bìʼ bùʼ və.

Aysaya 60:6

Á wíy bèʼèy bùʼ və̀n aàkamer, e wìy sho, áàkameri rún nsay yen. Mbèʼŋkùm və̀n wíy a wìykìr fo Midian, a wìy fo Efa. Wìr dzə̀m woó Sheba wíy a wìy, a ker *kisha ke mbàm ke baar kí wùn à kiláy kee *frankinsen ki. Wiyì, aá kweʼ viŋgaʼnìn ve vinyò ve Nyùy Tàr yiìn, e fèr e vèn.

Ŋgaà Tàrvìnyò 8:5

Wìr wo wù yúnin sáʼ yeé ntoʼ, yòʼ dzə̀ wù kfə̀n nə̀ə́ e ŋgeʼ. Wìr wo wù kér vifií kù kì ghán sée yiì kinyo, e kìíy dzə́ə yee réŋ yée yiì sho.»

Nsùyrì Nyùy 45:4

Á kóʼ á nyám rə moo fon wo ghaʼán. Á fəə́, e tòn a aŋgaà və́ vibàn. Á tóm á suuyrú, e tòm á kinyo ke á tínen là kiloʼ. Á ku dìn a viŋgaʼnìn və́ vé vinyò, vinyo ve á yii e kóy və́ wo tavíné.

Nsùyrì Nyùy 25:9

Wù danèr wír ve á néŋ e wun si mo á wáa tiír kiwuú kév, a fìʼ, merìr áwune mo á wáa jùmrì kiwuú kfə́.

Hibru 13:5

Wìr dzə̀m wáa sheʼrí a dzə̀ kifá ke wù kérí, e màʼtì shií woo kùm mbàm. Nyùy‑iì sùúy jii, «M yòʼ wíy màʼtì wò, a bó m yòʼ wíy màʼày wò e ghan símóʼ sí gheéy.»

Aysaya 29:19

Nyùy Tàr wíy yiì, é wír ve vé‑eè nyavrì aáwuneé kfə́n, a sheʼrí, e yiì, é vé kitàne wáa yu vijuŋ, bìʼ Ŋgaà wo Ranén woó Isray.

1 Pita 1:15

Mo Nyùy wo wù liìn ven ji wír və́ dzəə̀n e ránén là jay, vèn kú a yiì vinyo vén vidzə̀m, é ví wáa dzə viránén là jay.

Nsùyrì Nyùy 122:8

Bìʼ koŋ ye m kér fo afə́r vémé wùn aàŋgaà vém ŋgoo, m wáa bùnrì ji nyaáŋ kú a dzə e vèn veé Jerusalemé mvəm.