Jeem 3:1 - ŊWÀʼ NYÙY

¹ Afə̀r vem, vèn wáa yen fo wìr dzə̀m kú a tàʼ ji bo wun kì yéʼey wíri. A dzə̀ vèn wàa kiíy sa jii, á wíy a saáy vinyo vér vee aŋgàa yeʼéy, a shaà vé wìr ámóʼó.

Jeem 3:1 Referans Kwoze

1 Timoti 1:7

Áwune yáŋri ji bo á kì yéʼey wíri nsər se Nyùy, a bó á yòʼ fə̀m kì kinyo ke á yéʼeyì gheéy, a bó á yòʼ kì nsàv nsər ye áwune rə́si sə́ ŋgúm shó rə̀n.

1 Pita 5:3

Lá vèn yòʼ a ker liì ŋaáka vèn à wír vee shoone. Vèn wáa dìn a dzə̀ liì wo juŋ wo dzə̀ á wàa yen, a jùmrì.

1 Korin 12:28

A Nyùy‑iì lèm ne wíri, á wáa yiì lim jeéy jeéy é kintatì ke dzəə̀n ké wìr və́ kin. A vé mbìyi dzə̀ ve dzəə̀n aŋgàa ntum Jesus Kristu, ve á batiné dzə̀ wír ve á lo, á wàa yu kinyo fo wun woo Nyùy, a tiisí e wíri, ve á meen ji ataári nén a dzə wír ve á tóʼti kinyo ke Nyùy e wíri. Aámóʼó dzə̀ ve wù‑uù foon vitaáví, á wáa yiì vinyo ve ghaʼtín ví, ámóʼó wáa fèr kév a dzə̀ aŋgàa yàsí. Wù kfən lèm ámóʼó, á wáa sə wíri, ámóʼó wáa sìysì vinyo ve kintatì, ámóʼó lo, á wàa suŋnín lám se bó á yòʼ kiìn.

Matio 23:13

«Yìiy, wír ve á duŋrì nsər Nyùy wùn à wír Farasi, abìnbìnteʼnsə́m, ŋgeʼ dzə̀ yéen. Vèn yoŋ sáʼ Nyùy ji yén, nèn sə́ti dzə́ə fo wír ámóʼó nəə́. A bó ven vitú vén yòʼ wíy nəə́ sho. Vèn yii bèy, téʼtin a dzə̀ dzə́ə fo wír ve á koŋ fó nəə́ shoo nəə́. [

1 Timoti 2:7

Jesus Kristu nèn lì mo ji ŋgaà ntum və ji m wáa fìʼtì a dzə̀ kinyo kee shoon. Wù‑uù lo lì mo rú, a bó m yòʼ bóʼti. A wù‑uù lì jii, m wáa yeʼéy wír ve bó yòʼ dzəə̀n veé Isray kinyo ke dzəə̀n ke ru kí, aáwune wáy shilív e wun woo Kristu wùn.

Efesor 4:11

Mo wù kfənen, e nèn jàv ambùʼmé e wíri é kitu kitu. Wù bùʼ ámóʼó, á wáa dzə aŋgàa ntum və́, ámóʼó wáa yu kinyo fo Nyùy, a tiisí e wíri, ámóʼó wáa fìʼtì kinyo kfə́ e wír ve bó á yòʼ kiìn Nyùyi, ámóʼó wáa leéy fo kintatì ke wìr Nyùy ki, ámóʼó wáa yeʼéy kintatì.

2 Korin 5:10

A vèr kì jii, vèsən adzə̀m kér fó wìy tiím e Kristu si, é wù tar vinyo vesən, é wìr wáa kav kifá a dzə̀ ke wù‑uù lim e nsay fèn, kìn dzə̀ vijuŋ, kìn dzə̀ vibí.

Hibru 13:17

Vèn wáa yu vilìmbìy vén ví, a yiì mo áwune suuyì. Lèm Nyùy áwune, á wáa shìy melív men fo wìr jáy dzə́ə, a kù kíyri Nyùy lim yév. Vèn kú a yiì, aáwune wáa yiì lim yév, a wàrkìr. Aá lim, rəm ntéŋ, bo bó yòʼ dzə̀ kí sə̀ ven gheéy.

Ŋwàʼ Luk 16:2

Wù nèn jàŋ ŋgaà lìm və̀y, e dzə̀r shó jii, ‹Ke m yú ji à yii bèy ki dzə̀ ka? Ku bàʼtí aŋwàʼ ve à sáŋ kéŋ yém shóo, e wìy, e siìr. À yòʼ dzəə́ wìy a leéy fo mǒ vifa.›

Cù 10:3

Mooser nèn yòŋ e Aaron jii, «Á kinyo ke Nyùy Tàr‑iì suuy e ghan se wù‑uù yòŋèn jii, ‹Fo wìr ve dzə̀ á wàa koʼtí e mǒ ghaŋ, m kù wíy a dìn mo m dzəə̀n jeéy, e ránén, a m wíy a ker ghvə́m e wìr dzə̀m si.› » Aaron yú bey, e kù nèn gòʼ kisə́sə.

2 Timoti 1:11

Nyùy‑iì lì mo ji m wáa fìʼtì a dzə̀ á sáʼka woo shooy, a ghan, a tiisí ntum Kristu, a yeʼéy wíri kinyo kfə́.

Joon 3:10

Jesus bìnèr jii, «Yéʼey wò wír veé Isray, kfə̀n méŋ vinyo vìn à?

Matio 10:24

«Bó yòʼ dzə̀ wàn lìm kùʼ, e shaà tàr wov lìm. A bó yòʼ dzə̀ sá wánlè wìr kùʼ, e shaà ŋgaà lav.

Ŋwàʼ Luk 6:37

Vèn wáa yen fó a roòmè wír, fo Nyùy wáa roòmè sa ven. Lá vèn yòʼ a nyàysì wír wùmòʼ ji wo bi, fo Nyùy wáa nyàysì sa ven. Vèn wáa làysìn ajay wíri, é Nyùy wáa làysìn sa vén.

Matio 9:11

Wír veé mbìv *Farasi ámóʼó yén bey, e dzə̀r e wón lìm Jesuse jii, tàr wov sà yíkir wùn à kfə́ə wìr vee béne bìʼ ka á?

Malakay 2:12

M tóŋ feyì ji Nyùy Tàr ku fə̀ə́r kfə́ə wìr vee ben fəə́rín fo wír və́ vee rám Jakoví mvəm. Wù ku fə̀ə́r feyì adzə̀m, é la wìr yòʼ bèr, fə̀m mo áwune wiy e cúu ji á cu Nyùy Tàr woo Taà Mànjòŋ sho.

Lim Aŋgàa Ntum 13:1

Wír ámóʼó wáa dzə e kintatì keé Antiyok a dzə̀ ve vé‑eè lo, á wàa yu kinyo fo Nyùy, a tiisí e kintatì, ámóʼó aŋgàa yeʼéy. Aáwune dzə̀ jii, Banabar wùn Simon wo vé‑eè yoŋ ji wo sənér, à Lushor woó Serina, à Manen wo vé‑eè lìyìn wùn ŋgaà saʼ woo Heror, e lì Saul.

Jeem 1:16

Afə̀r vem, vèn wáa yen fó a boʼtí vitú vén.

Jeem 1:19

Afə̀r vem, vèn səəm kinyo kìn ki kijuŋ. Wìr ku yuùrí kinyo kijuŋ. Wìr wáa səʼə́m, e bó a suŋnín. Lá wìr yòʼ a tav, a shwiíy kilòŋ.

Jeem 3:10

Shuu e mòʼóné nén a fəə́r vinyo vibaà, a fəə́r liy, a fəə́r beerì. A bó kí yoʼ ghèén bèy gheéy, afə̀r vem.

Matio 23:14

«Yìiy, wír ve á duŋrì nsər Nyùy wùn à wír Farasi, abìnbìnteʼnsə́m, ŋgeʼ dzə̀ yéen. Vèn lo, á rə̀sí, a rèr bunrì e wírí si, bin fo bàm, á wàa kùvrì vikǐy ŋkfə, a faàsì lav sév. A vèn yii bèy, dzəsì a dzə̀ ŋgeʼ ye tavín e věn kitu.]