Jeem 2:8 - ŊWÀʼ NYÙY

⁸ A vèn kì taʼ, a yiì réŋ, bo á kì lem a dzə̀ nsər ye yì tíy vitú e Nyùy mvə̀m vifòn, a dzə̀ ye yì dzəə̀n é Ŋwàʼ Nyùy jii, «Wìr wáa kòŋ fə́r və mo wù koŋ kitú kfə́.»

Jeem 2:8 Referans Kwoze

Cù 19:18

Lá wìr yòʼ a siìr ŋkfə́tír. Lá wìr yòʼ a màʼ ŋkfəə́mé e fər və́ kitu. Wìr wáa kòŋ fə́r və mo wù koŋ kitú kfə́. Dzə̀ mo Nyùy Tàr.

Galatia 5:14

bìʼ fo nsər se Nyùy‑iì foon sidzə̀m si tàtí a dzə̀ é kitu ke kinyò kee jii, «Wìr wáa kòŋ fə́r və mo wù koŋ kitú kfə́.»

Jeem 2:12

M nén a suúy e vèn jii, vèn lóo suúy vinyo, lóo yiì ve yiìn ví, vèn wàa yiì moo wír ve á kiìn ji Nyùy wíy saʼ áwune é shùu nsər ye Kristu foon ji á wáa lèm, e fíʼ bòy.

Matio 22:39

Ye yì batin nen shèmsín wùn à yee shoon, a yì dzə̀ jii, ‹Wìr wáa kòŋ fə́r və mo wù koŋ kitú kfə́.›

Galatia 6:2

Wìr kú a sə fə́r və kibeʼèy ke kí gháʼ wun. Vèn lóo yiì bèy, bo vèn sí lem nsər ye yì lo a dzə̀ fo Kristu.

Cù 19:34

Vèn wáa ker kiŋgwìy ki moo wan nsay, a kòŋ wun mo vèn koŋ vitú vén. Vèn wáa kuumé ji vèn‑eè dzə̀ sáa viŋgwìy e wòŋ Ejiv. Dzə̀ mo Nyùy Tàr woo Nyùy won.

1 Pita 2:9

Yii bèy, fo kén kí, vèn dzə̀ kén rám, a shòʼ Nyùy ven. A vèn dzə̀ atàá cù, lim a dzə̀ fo wun woo Fon. Wù‑uù nàŋsín ven ji kitúm kee jeéy kí, vèn wáa dzə və́ vee wír ji vèn wáa fìʼtì vijuŋ ve vinyò ve wù rə́si yii e vèn, ven ve wù‑uù fəərin fó ndzə vitsə̀ʼ, e wày e wùn mvə̀m ran ye ghaʼáné.

Jeem 1:25

Yii bèy, a wìr tùy kfə́ sí a dzə̀ é nsər Kristu ye yì tatin nsər se Nyùy sidzə̀m, a yiì, bo wìr wáa bòy, bo Nyùy wíy sə ŋgaàŋ, é vinyo ve wù yii vidzə̀m vi wáa dù réŋ, a wù fèn sáyri ghán sidzə̀m, yii mo yì dzəə̀n, e làa yòʼ a yuurí yuurín cáʼcáʼ, a làysìn.

Jona 4:4

Nyùy Tàr suúy shó jii, «Kù yòʼ dzə̀ ghay wó fó a shwiíy kilòŋ á?»

2 Afòn 7:9

Áwune nèn lò, a dzə̀mnìn, a suúy jii, «Kinyo ke vèsən yii kìn ki yoʼ bòŋ. Mo vèsən kooyin sáʼka wo juŋ lán bèn, a vèsən lòo dzə, a lèm ji ndzə bvəə́shí, e ràn, é bo á wáa fèr, bo ŋgeʼ si‑íì nəə́ vèsən. Vèsən du, e fìʼtì e ntoʼ.»

1 Tesalonika 4:9

Fo kinyò kee kùm kikoŋnìn ke fə̀r wùn fə̀r vee aŋgàa biimé, bó vèn yòʼ dzəə́ kér shií wo vèr wáa saŋ fo vèn, bìʼ fo vèn‑eè yeʼeyin ne fo wun woo Nyùy mo dzə̀ vèn wàa kòŋnìn.

Filipi 4:14

Mo m fə̀m suuy bèn, vèn‑eè lo yiì kijuŋ feyì, e sə̀ mo é ghan sé ŋgeʼ sìn.

Matio 25:23

Tàr wov shéʼrí jii, ‹Beerì feyì, à dzə̀ wánlè woo jwáʼ, aà kér liì wo juŋ. Mo wò‑oò siiyin, a leéy fo shifarìn fèn kijuŋ, m yíi lèm wò lèn, áà wáa leéy fo ke kuʼùn kí. Shaà ri, e nə̀ə́ e mǒ mvə̀m vijùŋ.›

Jona 4:9

Nyùy suúy e Jona jii, «Kù yòʼ dzə̀ ghay wó fó a shwiíy kilòŋ, a dìy tíŋ kifa və̀n a?» Jona bìnèr jii, «Kí bìr mo féyì, a m koŋ lèn e kpu kpuún.»

1 Afòn 8:18

Nyùy Tàr nèn sùúy e tàr wor Davir jii, mo wù kér e wun shiliv ji wun baʼri á lav ye á wáa cù wun sho, bo dzə̀ á kwaʼtì ye juŋe.

Jeem 2:19

A wìr biìmé ji Nyùy kù jòʼsì e mòʼón, bo wù kù yòʼ biìmé a dzə̀ kinyo ke ru kí. Yii bèy, kù dzə̀ sá mo *anyùyi biíme bèy, fan, yaʼà.

Matio 25:21

Tàr wov shéʼrí jii, ‹Beerì feyì, à dzə̀ wánlè woo jwáʼ, aà kér liì wo juŋ. Mo wò‑oò siiyin, a leéy fo shifarìn fèn kijuŋ, m yíi lèm wò lèn, áà wáa leéy fo ke kuʼùn kí. Shaà ri, e nə̀ə́ e mǒ mvə̀m vijùŋ.›

Matio 7:12

«Kidzə̀m ki wáa dzə jii, vèn wáa yiì kinyo e wíri, a dzə̀ sá ke vèn koŋ ji á wáa yiì e vèn. Kee shooy ki tàtí kinyo ke Mooser wùn aàŋgàa ntum Nyùyi suuy kidzə̀m.

Ŋwàʼ woó Rom 13:10

A wìr koŋ fə́r və, la wù yòʼ dzəə yiì kinyo ke bi kí shó gheéy. Wìr lóo kòŋ fə́r və, bo ŋgaàŋ sí yii a dzə̀ vinyo ve nsər taʼ vidzə̀m.

Jeem 4:11

Afə̀r vem, lá wìr yòʼ a ghvə̀vrì fə́r və. Wìr wo wù ghvəvrì fə́r və, kìn wù say sàyìn, ŋgaàŋ ghvəvrì a dzə̀ nsər Nyùy, say wun woo Ŋgaà Nsər. A wìr yèn ji dzə̀ wun wàa sayrí nsər se Nyùy, bo bó wù yòʼ dzəə́ yén nsər ji kifá ke dzə̀ wun wàa yu fo fo. Wù wày ne kfə́ ji wun kú a sayrí sayrín.