Jeem 2:6 - ŊWÀʼ NYÙY

⁶ Vèn ló kén, e nèn a shoór wír woo ben shoórín ji ŋgaà kitàn. Mo vèn sí yén kén a dzə̀ aŋgàa mbàm, wír ve á rə́si táy ven, li, ghán sho e virə̀ʼ vé nsaʼa dzə̀ ala? Bó yòʼ dzə̀ vé mbàme a?

Jeem 2:6 Referans Kwoze

Ŋgàn 17:5

Wìr wo wù té lám e ŋgaà kitàn, kuu a dzə̀ Nyùy woo ŋgaà mbom və, a wo wù shéʼ ŋgeʼ se wùmòʼ yòʼ wíy bòy fo ŋgeʼlàʼ.

1 Korin 11:22

Kee ben ki dzə̀ ka? Bó vèn yòʼ kér sén see lav fo dzə̀ wìr yì və́ vee vifá, e nò mvə́ə mee meluʼ à? Vèn taʼ, a shoór kintatì ke Nyùy, a yiì, é wír ve bó á yòʼ kér kifá kée wìy shoo wáa woomé bìʼ ka? Kinyo ke dzə̀ m sùúy kí dzə̀ ka? A dzə̀ m wàa sheʼrí ven fó kinyò fèn a? Bó yòʼ dzə̀ m wàa sheʼrí gheéy.

Ŋgàn 14:31

Wìr lóo nyàvrì e ŋgaà kitàn, bo wù kuu Nyùy woo ŋgaà mbom və, wìr wáa rər mendzən me ŋgaà kitàn, bo wù ghvə́m Nyùy.

Nsùyrì Nyùy 14:6

Ven vin, vèn yii koŋ a bvəə́r antaŋ aŋgàa kitàn, yii bèy, a Nyùy Tàr kù yíi a dzə kikfə́vsì kév.

Jeem 5:4

Vèn‑eè rə́si bóʼ aŋgaà vén lìm. Á ghitìr, káv vifá vén fó sum, vèn kfə̀n yì vilaʼày vév. Vèn yuúrí ri mo á tóŋ fo kwaʼ. Aá tòŋ ne, Nyùy Tàr woo Taà Mànjòŋ yú.

Jeem 2:3

Vèn lo fó fo, e nèn a yen a dzə̀ wír wo wù màʼàn ndzə̀y se juŋ si, e sùúy sho jii, «Ku dzə̀ʼə̀m fèn e kirə̀ʼ ke juŋ ki», e nèn sùúy e ghéʼncey və̀y jii, «Tiím fey, kìn à sésin fo nsay.»

Lim Aŋgàa Ntum 17:6

Á tàʼ ntéŋ, e nèn sə̀ŋ Jason wùn aàŋgàa biimé ámóʼó, e dù sho fo atǎr ntèʼé, a waamé jii, «Wír vìne ghán, binèr woŋ, a wú kfə́n tsə̀ə́tsəŋ. Aá wìy ne sa lèn e ntèʼ fen,

Lim Aŋgàa Ntum 13:50

Yii bèy, wír veé Judàa nèn lò, e bàyír vikǐy wìr ve kuʼkìn ámóʼó ve vé‑eè wiy sa e ŋgày bùnrì, e ŋàʼár melív me atǎr ntèʼ, á wáa bàn Por wùn Banabar, a jùmjùm fo áwuné ntèʼ.

Lim Aŋgàa Ntum 8:3

A Saul kù taʼ kfə́ e laàr kintatì ke wìr Jesus láarin. Wù lo, wù wàa ghan e melav, a fətí aŋgàa biimé, kìn dzə̀ woo wiíy, kìn dzə̀ woo lumèn, a dòm, a dù sho e lav sháŋ.

Sekariya 7:10

Feyì feyì, lá wìr yòʼ a nə̀ʼsì wiiy ŋkfə, kìn wan tsə̀, kìn kiŋgwìy, kìn ghéʼncey. Lá wìr yòʼ a taŋ kinyo ke bi kí kùm fə́r və.»

Amos 5:11

Bìʼ bey, mo vèn nyavrì e ŋgaà kitàn, sə́ nshwǐ vifa ve wù lim fo fo, bo bó vèn yòʼ wíy shiíy e lav se vèn bomen, sí wáa njàʼkìr. Vèn bìy ne vitiír vé vayin, ví wáa tèʼ, a səəné, a bó vèn yòʼ wíy luʼ bàr shilùʼ fo fo e shuù.

Ŋgaà Tàrvìnyò 5:8

Aà yèn, a vé saʼa nyavrì aàghéʼnceyí, tén fó a tinén kinyo kév é nsànloŋ, kù shwiv áwune shwívin, lá kí yòʼ a ma shuu wó, bìʼ fo wìr wo kuʼùn lóo dzə, wùmòʼ kù a dzə wo wù kùʼùn, e shaà wun, wo wù kiʼ kifá fo wun. Aámóʼó kfə̀n dzə̀ə́ ve á kùʼkìn áàntaʼ, aá kiʼ sa vee shooy.

Ŋgàn 22:16

Aà nyavrì e ŋgaà kitàn ji à dzəsi káv wó, kìn à fó fómo e ŋgaà mbàm, bo à kù yíi a ghiy ghiyín.

Nsùyrì Nyùy 12:5

Nyùy Tàr suúy kfə́ jii, «Mo‑óò lo lèn, é vèn yén. Mo vèn nyavrì e vé kitàne, a vé ŋgeʼe ŋéyti sóŋ, m yíi kaáy, a kìŋsìn áwune mo á diyì.»

Nsùyrì Nyùy 10:14

Yii bèy Nyùy, aà kù yén, kfə̀n səəm wír ve á yén ŋgeʼ, dzə́ e mendzə̀n, aà dzə̀ kibáʼtín ghán sidzə̀m móo sə áwune. Áwune kù kiʼ a dzə̀ wò, aá yòʼ kér wír wùmòʼ wóo beè. Kù dzə̀ wò wo à yii sə́ wón tsə̀.

Jeem 5:6

Vèn‑eè lo, á gòvtì wír là jay, e kù tìnén nsaʼ ji á yúyrí, a bó yòʼ dzə̀ wù wàa ker shuu wo dzə̀ wù bìnèr kinyo sho.

Lim Aŋgàa Ntum 18:12

Wáa dzə e ghan se wír veé Rome‑eè lèmèn Galio ji ŋgaà saʼ bàràʼ e wòŋ Akaya foo fèy, wír veé Judàa nèn bàʼtí, e gòvtì Por, e lì, e dù sho e lav nsaʼ,

Habakuk 3:14

Wò‑oò sùn kòŋ rə́, e shùʼ kitú kfə́ shó, a vé rər vəə́ nyoorì moo kinsəm ji á táʼár ver, savnìn moo wír ve á nyáʼti, e laàr vé kitàne.

Amos 4:1

Ven vee vikìy veé Samaria, vèn yuúrí kinyo kìn ki. Vèn yuúrí, ven ve á fàŋkìn moo anàʼ veé Bashan. Vèn nyavrì aàŋgàa kitàne, táy aghéʼncey, lo, á wàa tiy tiyín aàlúm vén vee kfə́m sé wírií kitu jii, vèn wáa dzə rì, e làa yòʼ fo meluʼ é vèr nó.

Aysaya 53:3

Wíri‑iì leey wun fo kisaŋ, kù nyaysì nyàysìn. Wù‑uù dzə̀ wír, a wù‑uù toòmé ŋgeʼ, e toòmé nyár. Wìr yòʼ kfə̀n‑eè kóŋ a leéy wun. Vèr kù‑uù sí ŋwáy wun ŋwáyín, yén wun ji kifá ke kisaŋ ki.

Nsùyrì Nyùy 10:10

Antavi nyavrì aàlànjòó, aá néŋ afotìn.

Nsùyrì Nyùy 10:8

Áwune lo, á làáy é ghaa ntèʼ sí, a nyaʼtí, a yuyrí alànjò. Á wooy wír ve á yòʼ kér wír ve á sə́ áwune,

Nsùyrì Nyùy 10:2

Wír ve á méŋ Nyùyi ŋaʼ e ŋàŋ, wóŋ wuú aŋgàa kitàn. Kí bòŋ ji áwune ku lì e vitam ve koʼorin áwune.

Ŋwàʼ Jov 20:19

Bó yòʼ dzə̀ wù yù, bìʼ fo wù nyavrì e vé kitàne, táy áwune, faasì lav si, a bó yòʼ fə̀m‑eè bòm wun.

Joon 8:49

Wù bìnèr jii, «Bó m yòʼ yii shém ŋgoo anyùy. Kinyo ke m yii ki dzə̀ ji yír Tàr worí wáa dù. Vèn shoor mo shoórín.

Ŋgàn 18:23

Ŋgaà kitàn lóo suŋnín kfə́, wù wàa lon ji weè. Yii bèy, ŋgaà mbàm kù a bìnèr kfə́ kinyo ji shwǎŋ.

Ŋgàn 22:7

Mo ŋgaà mbàm kù yii kóʼ ŋgaà kitàn kóʼón, bo kù dzə̀ sá réŋréŋ mo ŋgaà mfoòmé kù dzəə̀n sá kwǎn ŋgaà foòr.