Jeem 2:5 - ŊWÀʼ NYÙY

⁵ Afə̀r vem, vèn yuúrí, e yù. Wír ve Nyùy‑iì shoʼon ji á wáy shilív e Jesus Kristu wùn, a ker ghay wùn à Nyùyi kù dzə̀ wír ve á tan e ndzə fèn. A dzə̀ áwune ve á wíy nəə́ e wùn mvə̀m saʼ, a yu vijuŋ ve wù‑uù kàʼàn wír ve á koŋ wun sho.

Jeem 2:5 Referans Kwoze

Matio 5:3

«Bòŋ ké wìr ve á yén ji á tan fo Nyùy si, bìʼ fo dzəə̀n áwune ve á sí yú vijuŋ ve saʼ Nyùy.

Ŋwàʼ Luk 6:20

Jesus yiì lò, e lèéy wón və́ lìm, a suúy jii: «Bòŋ kén, ven ve á tanè, bìʼ fo dzəə̀n ven ve á sí yú vijuŋ ve saʼ Nyùy.

Ŋgaà Yen 2:9

M kì ŋgeʼ se sí rə́si kooy ven, a m kfə̀n kì mo kitan ki yúy ven. Yii bèy, a dzə̀ m wàa suúy ji vèn dzə̀ á vé bùʼu. M kì sá mo wír ámóʼó rə́si tóy vinyo e věn bàm, yoŋ vitú vév ji wír veé Juda, aá dzə̀ kév a dzə̀ e Satan ŋgoo.

2 Korin 8:9

Vèn kì sá mo Tàr wòsən Jesus Kristu‑uù shamen vèsən. Vifá vidzə̀m vi dzə̀, a yì‑iì kér wun, wù màʼtì bìʼ vèsən, e wìy e ndzə ji ŋgaà kitàn. A wù‑uù yii bèy, ji vèsən fíʼ nəə́ e Nyùy mvə̀m vikùʼùy.

Ŋwàʼ Luk 12:21

Jesus nèn màysì jii, «Á mo kí wíy koóy wír wo wù báʼti bùʼ a dzə̀ ji və́ə, e làa yòʼ a baʼtí, ji wun wáa yiì lim Nyùy sho.»

1 Pita 1:4

vèsən wìy nə̀ə́ e mvə̀m vijùŋ ve Nyùy‑iì naŋsin, e lèm e wír vəə́ vidzə̀m. A wù lèm a dzə̀ e wùn wòŋ woó yuv fo ví kù wíy a dzə ghán sidzə̀m, a bó yòʼ dzə̀ ví ŋeèmé, e lày, a bó yòʼ dzə̀ sá ví bìr fó gheéy.

Jeem 1:12

Wír wo dzə̀ wù wàa sheʼrí dzə̀ wo wù tosin é mvə̀m ŋgeʼ, e làa yòʼ gbù fo kinyò kímóʼ kí, e to e jay. Mo kinyo ki mùmèn wun, wù só, wù wíy a ker vinə́ŋsí, a dzə̀ dzəʼə̀m yee là may ye Nyùy kàʼàn wír ve á koŋ wun sho.

Hibru 11:26

Wù‑uù yén kfə́ ji ŋgeʼ se dzə̀ wun wàa yen wùn à wír véví, a shìy Mfə̀ə́r wo Nyùy‑iì kàʼàn áwune shó, si bòŋ fo wun, e shaà bùʼ woó wòŋ Ejiv e dzə̀m, bìʼ fo wù‑uù leey kfə́ a dzə̀ fó mbìy, shiy və́ vee vikuʼùy a dzə̀ ve wíy fo Nyùy.

Ŋwàʼ Luk 12:32

«Wónen, mo vèn à ŋgoo yen fə̀m dzəə̀n ashàr, lá vèn yòʼ a fàn, bìʼ fo Tàr won Nyùy shoʼon ne ven ji vèn wìy a dzə e wùn mvə̀m saʼ.

1 Korin 2:9

A dzə̀ kíwun ke vé‑eè saŋen é Ŋwàʼ Nyùy jii: «Vinyo ve bó wìr yòʼ‑oò yiì ne yèn, a bó á yòʼ‑oò yiì ne yù, a bó ví yòʼ fə̀m‑eè yiì ne wìy e wìr vifii, ví dzə̀ víwun ve Nyùy‑iì sìysìn fo wír ve á koŋ wune.»

Matio 25:34

«Wù javsìnè, é wun woo Fon nèn sùúy e veé koy yìyí jii, ‹Ven ve Tàr wor bùʼùn ne, vèn wiy, e nə̀ə́ e wùn mvə̀m saʼ, a yi vijuŋ ve wù‑uù naŋsin fó ŋgùʼ, é bo ndzə wìy a kèʼ, e lèm e vèn.

Ŋgaà Yen 21:7

a sì vitsə́ʼ mo m fó e wìr dzə̀m wo wù só vinyo veé ndzə ye bi. M wíy a dzə Nyùy ŋgaàŋ, é ŋgaàŋ wáa dzə wán wom.

Jeem 1:9

Wìr Kristu wo dzəə̀n ŋgaà kitàn ku nèn a sheʼrí, bìʼ fo wù kiìn ji wun dzə̀ á ŋgaà bùʼ e Nyùy si.

2 Timoti 4:8

A m kì jii, Taàtá wòsən Jesus wo wù wíy a tinén kinyo ke wìr réŋ mo kí dzəə̀n lèm ne a vinə́ŋsí vém, a wù wíy kfən e kishiíy fó, é wù fó, é m sov ji fəə yém nsiì. A bó wù yòʼ wíy fo a dzə̀ e mò cáʼcáʼ gheéy. Wù wíy fo e wír ve vé‑eè koŋ wune adzə̀m, shiy ji wù wiy.

2 Korin 6:10

A vinyo vi fə̀m kooy ver, a vèr sov kitú, vèr kù yòʼ a sheʼrí Nyùy ghán sidzə̀m. Vèr dzə̀ aŋgàa kitàn, yii bèy, a wír aníne kooy fo vèr. Kifá ke dzə̀ wìr yèn ji kér kí yòʼ dzə̀, yii bèy, a vèr kì kijuŋ ji Nyùy fò ne vifá vidzə̀m ji vér.

Ŋgaà Yen 3:18

M nén a tir ven jii, a vèn bèn taʼ a dzə rú vé bùʼu, vèn wìy, e yèn a dzə̀ mo, e yùn vifá vee vifá. Vèn wiy, e yùn *kisha ke mbàm ke ru kí ke á tònèn ne, e shèŋrì. Vèn wiy, e yùn ndzə̀y se sí fə́r kijuŋ, e sə̀tí kinshóʼ kén shó, fo wíri wáa yen, e kfə̀n yùn kifú, e wày e věn si, e fíʼ a yen virə́ʼ.

1 Timoti 6:18

Ku sùúy ji áwune wáa yiì a dzə̀ á vinyo ve juŋ vi, é vikuʼùy vév ví wáa dzə lim ye juŋe ye á yii. Á wáa ŋwàr bùʼ wov woo shooy, a sə wír ve á búŋ sho.

Ŋwàʼ Luk 16:25

«Abraham bìnèr kfə́ jii, ‹Wan wom, kuúmé ghán se wò‑oò dzəə̀n e tin si. Wò‑oò sí kér vifá vé ve juŋ vi vidzə̀m, a Laasaror yén kfə́ a dzə̀ ŋgeʼ. Lèn və̀n, sí yú Laasaror vijuŋ, aà yén ŋgeʼ.

Matio 11:5

Amfìri sí yén virə́ʼ, aàntèŋe gháné, a vé shìvnsayi bónenè. Ansəərìi yú vinyo, a wíri kóʼor fo kpu, aá kfə̀n fiʼtì sáʼka Nyùy wo juŋ e vé ŋgeʼe.

1 Samuel 2:30

Yú ke Nyùy Tàr, Nyùy wìr veé Isray suuy e wò ki. Mò‑oò lo kàʼ rú ji kfə́ə yée wíy a lìm fo mò ghán sidzə̀m ji atàá cù mo rám yée wíy a dzə. Yii bèy, yú ke Nyùy Tàr suuy lèn ki. Bó kí yòʼ dzəə́ yìi koóy bèy. M sí yiì a nàn wír ve á ghvə́m mo, a sèn wír ve á ŋwáy mo.

2 Pita 1:11

e nèn gheén feyì e wìr ve á wíy nəə́ e mvə̀m wòŋ wo wíy a saʼ Taàtá wòsən Jesus Kristu wo wù‑uù tinen vèsən fó lòn, aá wáa dzə fo viyá viyá, là may.

2 Timoti 4:18

A kù dzə̀ mo wun woo Nyùy wíy fəə́r mo fó vinyò ve bi ve wíri taʼ ji á yii e mò vidzə̀m, e lì mo ji nyaáŋ, e lèm e wùn wòŋ woó yuv. Vèsən kú a burí wun viyá viyá là may. Amen.

2 Tesalonika 1:5

Mo vèn yén ŋgeʼ, kù wáy shilív e Nyùy wùn, kí nén a dìn mo Nyùy yii yii vinyo və́ vidzə̀m réŋ, là kiloʼ. Wù taʼ ji vèn wìy ghèén fó a dzə e wùn mvə̀m saʼ. Dzə̀ kinyo ke kí yiìn, bo vèn wáa yen ŋgeʼ lèn.

Efesor 3:8

Wù‑uù fò lim yee shoon a dzə̀ e mò və̀n, mo wo m dzəə̀n bám fo wír vəə́ adzə̀m. Wù‑uù tùm mo ji m wáa ghan fo wír ve bó yòʼ dzəə̀n veé Israyi, a fìʼtì a nyanyày vijùŋ wo Nyùy fó e wír ve á tatin wùn à Jesus Kristùu adzə̀m.

Ŋwàʼ woó Rom 8:17

Mo vèsən siìn wón və́, bo vèsən wíy nəə́ sa e vijùŋ ve wù lèmèn e wír vəə́ adzə̀m, a kù dzə̀ víwun ve Kristu‑uù nəən shó. Vèsən kù wíy nəə́ sho, a vèsən fen biìmé sa ŋgeʼ ye Kristu‑uù biimen.

Ŋwàʼ Luk 16:22

«Wù nèn wìy lò, e kpù, nshèelav se Nyùy si bèʼèy, e dù sho e yuv, e dzə̀ʼə̀r e Abraham ghaŋ, wùn wun wáa yikír. Ŋgaà mbàm və̀y wìy sìíy sa, e kpù, á dzəə̀mè.

Sekariya 11:7

Á bèy, m nèn dù, a shìy njiì wo vé‑eè leemè ji á yíi a seerí, a dzə̀ njiì wo á nyavrì sho. M lì mbàŋ sibaà, e shù yír yìmòʼ ji «Mendzən», e shù yé yìmòʼ ji «Kintatì», e nèn a shìy njiì və̀y sho.

Aysaya 29:19

Nyùy Tàr wíy yiì, é wír ve vé‑eè nyavrì aáwuneé kfə́n, a sheʼrí, e yiì, é vé kitàne wáa yu vijuŋ, bìʼ Ŋgaà wo Ranén woó Isray.

Aysaya 14:32

Á bèy, a vé ntume wìy fo Filistia, a dzər kinyo, á bìnèr jii, «Nyùy Tàr lèm ne Isray ji kitúm, a mvə̀mlaʼ yee fó dzə̀ Sion. Dzə̀ fó, fo wír və́ ve vé‑eè rə́si yén ŋgeʼe wíy a dzə, a neŋ ji dèʼ.»

Ŋwàʼ Jov 34:19

Nyùy yòʼ kì medzə̀jeéy fo atǎr wòŋe, a bó wù yòʼ yén ji ŋgaà mbàm shaà a ŋgaà kitàn, kù‑uù bòm wun wír vìn adzə̀m.

Ŋwàʼ Jov 34:10

«Bìʼ bey, ven ve á yii kiiy jeéyjeéy fó vinyò, vèn yuúrí kinyo kém kí. Bó yòʼ dzə̀ féyì Nyùy wàa yiì liì kisaŋ, a bó yòʼ dzə̀ Ŋgaà Vitaàví Vidzə̀m yiì kinyo kintéŋ.

Ŋwàʼ Fəə 20:6

Yii bèy, a m din koŋ yém e wóné, e ŋgwàʼ sí ŋgwàʼ si, e dù, e meé nsə̀kì, bìʼ koŋ ye atàr véví koŋ mo, lem nsər sém.

Jeem 1:16

Afə̀r vem, vèn wáa yen fó a boʼtí vitú vén.

1 Tesalonika 2:12

vèn wáa ker a liì wo wù gheenen Nyùy. A dzə̀ wun woo Nyùy wo wù liìn ven ji vèn wáa dzə e wùn mvə̀m saʼ, e nəə́ sa e wùn mvə̀m vijùŋ.

Efesor 1:18

A kí dzə̀ jii, wù ku ŋàʼár melív men, é mè wáa tiy a dzə̀ é kinyò ke wù‑uù liìn ven shó, é vèn wáa kiíy mo kí dzəə̀n, e kfə̀n a kiíy vijuŋ ve ghaʼán ve wù kàʼàn wír və́ shó adzə̀m,

2 Korin 4:15

Vèr ku nèn biìmé ŋgeʼ sidzə̀m ji vèn fíʼ a yu kinyo ke Nyùy, é wíri kú a kiíy a Jesus, a dù duùn fó mbìy, é Nyùy wáa bùʼ áwune, a lì ji wír və́, aá wáa beèrì wun aneénín, a koʼór yír rə́.

Joon 7:48

Vèn yén ne, a wìr fo vé wòŋe kìn woó mbìv *Farasi wùmòʼ tíy e wùn kinyò a?

Ŋwàʼ Luk 22:29

Kí nén a dzə jii, mo Tàr wor‑iì foon vifon e mò, m nén a fo sa kilíŋ ke saʼ e vèn.

Maak 7:14

Jesus nèn kfə̀n kùm màŋgòŋ, á wìy, wù suúy jii, «Wìr dzə̀m yuúrí kinyo ke m suuy ki, e səə̀m.

Sekariya 11:11

Mensaŋ mèn mè ku nèn ndzə̀ŋtí e kishiíy fóo fèy. Njiì woo wo ŋgeʼ və̀y yén, e nèn kìíy ji Nyùy Tàr súŋnin, shaa a fo kinyò ke m yiìn kin.

Tsəfaniya 3:12

M wíy màʼtì wír e věn mvəm, a dzə̀ ve á bvəʼtin ne ghay wóv, aá bórkir e mǒ si. Aáwune wíy a nəə́ e mǒ sar vàv, é mo woo Nyùy Tàr wáa kìŋsìn áwune.

Ŋgàn 8:32

Á bèy, wòn vem, vèn fó vituʼùr ví, e yuùrí. Bòŋ ké wìr ve á ghán e mǒ mbòv.

Ŋgàn 7:24

Á bèy, wòn vem, vèn fó vituʼùr vén ví e mò, e yuùrí. Vèn wáy vifií vén ví e ntir ye m fó e vèn lèn.

Ŋwàʼ Jov 38:14

Ndzə ráné, yì yiì, agwan wùn à viwoóy ví yènsín, e yènsín moo vikúm ve wìr koorin, a yensín moo kisəəm ke á dònèn e nsay mbóm.

1 Afòn 22:28

Mikayia suúy jii, «A fòn lòo dzə, e dù, e kfə̀n é bàm kijuŋ, là kinyo, bo bó Nyùy Tàr yòʼ‑oò lò sùŋnín rú e mo.» Mikayia wáa dzə̀sì, a suúy jii, «Wìr dzə̀m səəm kinyo ke m suuy ki.»

Lim Aŋgàa Ntum 7:2

Tefan yòŋ áwune jii, «Atàr vém wùn aàfə́r vémé, vèn yuúrí. Yì‑iì dzə̀, a tàr wòsən Abraham dzə̀ə́ e Mesopotamia, e bóo wìy lò, a dù e Haran, Nyùy woo Ŋgaà Ran dìn kitú kfə́ shó.

Atǎr Nsaʼ 9:7

Jotam yiì yù, e nèn kòʼ, e tìím e kitu ke Gwan Gerisim, e bùʼ shirəə́, a jàŋ, a suúy jii, «Vilum veé Shekem, vèn yuúrí kinyo kém kí, é Nyùy fiʼ yiì yuùrí sa kén.

1 Samuel 2:8

Wù nan aŋgàa kitàn fo kibvə̀r, kfə̀n fəər aŋgàa ŋgeʼ fo áwuné mvə̀m nyar. Wù táti áwune é ŋgoo wón ntoʼ, dzəʼə̀r áwune áàntaʼ ve kuʼkìné. «Wày wun woo Nyùy Tàr kinsə̀ŋ ke ndzə. Bóm wun ndzə e kitu wo.

Ŋgàn 13:7

Wír ámóʼó li vitú vév ji vé kavi, a bó á yòʼ kér kifá, aámóʼó li vitú vév ji vé kitàne, aá kér bùʼ nyanyày.

Jeem 1:19

Afə̀r vem, vèn səəm kinyo kìn ki kijuŋ. Wìr ku yuùrí kinyo kijuŋ. Wìr wáa səʼə́m, e bó a suŋnín. Lá wìr yòʼ a tav, a shwiíy kilòŋ.