Jeem 2:23 - ŊWÀʼ NYÙY

²³ Kí nen ghèén mo vé‑eè saŋen é Ŋwàʼ Nyùy jii, «Abraham‑eè biìmé kinyo ke Nyùy, Nyùy nèn lì wun ji wír woo là jay bìʼ shilív she wù‑uù wayin e wun wùn,» á wáa yòŋ wun ji ŋkar Nyùy.

Jeem 2:23 Referans Kwoze

Kèʼlo 15:6

Abram biímé kinyo ke Nyùy Tàr, Nyùy Tàr nèn lì wun ji wír woo là jay bìʼ shilív she wù‑uù wayin e wun wùn.

Aysaya 41:8

Yii bèy, wír veé Isray, vèn dzə̀ vé lìm vém. Ven vee rám Jakov, m shòʼ ne ven ji wír vém. Vèn dzə̀ rám Abraham wo yì‑iì dzəə̀n ŋkar yem,

2 Wòŋ 20:7

Éè Nyùy wor, wò‑oò jùm vitúm fo wír veé Israyí mbìy, ve ví‑iì dzə́ e nsay fèn, e nèn fò nsay rə̀n ji sì á ye rám Abraham woo ŋkar yè, e wìy dù, e mày.

Galatia 3:6

Vèn li mfìʼ fo Abraham. Vé‑eè sàŋ jii, «Wù‑uù biìmé kinyo ke Nyùy, Nyùy nèn lì wun ji wír woo là jay bìʼ shilív she wù‑uù wayin e wun wùn.»

Ŋwàʼ Fəə 33:11

Á mo Nyùy Tàr‑iì lo, wù wàa suŋnín wùn Mooser mo wìr wùn ŋkar rə yii fer kimfèr. Wùn wun súŋnin bèy, Mooser nèn kfə̀n é bàm é kilaʼáy. Yii bèy, a wánlè nsùm woo Joshua kù‑uù goʼ kfə́ é ghaa kibàn fey. Joshua və̀n‑eè dzə̀ ŋgaà sə Mooser, a dzə̀ wan Nun.

Ŋwàʼ woó Rom 11:2

Nyùy yoʼ màʼày wír və́ ve wù‑uù yiìn ne shòʼ fó ŋgùʼ gheéy. A kinyo ke kí‑iì kooyin Elija ki dzə̀ mfìʼ kinyò kìn. Vèn kì sá kinyo ke vé‑eè saŋen é Ŋwàʼ Nyùy mo wù‑uù tóŋ, bí Nyùy mo wír veé Israyi lóvti e wun.

Galatia 3:22

Yii bèy, ke Ŋwàʼ Nyùyi din ki dzə̀ jii, wìr dzə̀m sí reŋ a vikwàn fó vinyò ve bi ví. A wú din bèy ji wíri fiʼ kìíy a ji kù mày wír ve á wáy shilív e Jesus Kristu wùn ve á wíy a ker ŋkàʼmé wo Nyùy‑iì kàʼàn, bìʼ fo wù‑uù kàʼàn a dzə̀ wír vee bey sho.

Ŋwàʼ Jov 16:21

La wànŋkfə̀wìr kù sí ri neèr kinyo kfə́ e Nyùy si, a buʼnín sho mo wìr bùʼnín kinyo ke ŋgaà və shuù lav à?

Ŋwàʼ woó Rom 9:17

A dzə̀ mo vé‑eè saŋen é Ŋwàʼ Nyùy ji Nyùy‑iì sùúy e Farao a jii, «M kòʼór wò ji Fon woó Ejiv bèn ji m shaa fo wò e dìn mo vitaáví vém ví dzəə̀n, aá samer yír yém kitú ke nsay kidzə̀m.»

Ŋwàʼ Luk 4:21

Wù wáa naàrì jii, «Kinyo ke vèn yuun fó Ŋwàʼ Nyùy kìn ki ghèén ne e kishiíy ké lán ki.»

Maak 15:27

Á kfən tàm sá ashóŋ abaà é vici vímóʼ ví e Jesus ghaŋ, wùmòʼ e wùn koy yìyí, wùmòʼ é koy ŋkoòvìi. [

Maak 12:10

Bó vèn yòʼ‑oo yií ne yòŋ kinyo kee shooy fo Ŋwàʼ Nyùy à? Vé‑eè sàŋ jii: « ‹Tíy ye vé kimbome leeyin ntéŋé sì yíwun ye yí loòn ne, e tòm kór lav.

1 Pita 2:6

Vé‑eè lo sàŋ é Ŋwàʼ Nyùy jii: «Vèn yú, m neèr tíy é *Sion ji yí tóm kór lav ye m bóm fo. Shòʼ mo, a yí bòŋ fo mò féyì. Wìr wo wù wáy shilív é wùn wó yòʼ wíy jaáy.»

2 Timoti 3:16

Kinyo ke kí dzəə̀n é Ŋwàʼ Nyùy kidzə̀m ki lò a dzə̀ fo Nyùy. Kí nén a dzə mo dzə̀ á lì, e yèʼéy wír sho, a tir wun tírín, a naàrì ajay və́, a dìn mo dzə̀ wù wàa tiír kiwúu kfə́, a ghan mo Nyùy koŋè.

Lim Aŋgàa Ntum 1:16

«Afə̀r vem, kinyo ke Ŋwàʼ Nyùyi‑iì suuyin kí kù‑uù wíy gheén. A dzə̀ kinyo ke Kiyoy ke Ranén kí‑iì yiìn, Fòn Davir tóʼ fó ghan kùm Judar wo yì‑iì dzəə̀n ŋgaà ŋgoo wòsən, a vèsən áwune yii lim e mòʼón, bo wù kfən lò, e shèm mbìy ji á koó Jesus.»

Jeem 2:24

A dzə̀ vèn yèn sá lèn jii, kinyo ke kí din ji wìr wáy rú shilív e Nyùy wùn kí dzə̀ ke wù yii, a bó yòʼ dzə̀ ke wù suuy cáʼ ji wun wáy shilív e Nyùy wùn.

1 Afòn 4:5

Asaria woo wan Natan‑eè dzə̀ kitú ke aŋgàa saʼ veé viliŋ ve wòŋ, taà cù woo Tsabud wo dzəə̀n wan Natan wáa dzə ŋgaà ntir fòn.