Jeem 2:18 - ŊWÀʼ NYÙY

¹⁸ A tàm wìr wùmòʼ wàa dzə jii, kfə́ kí dzə̀ á ji wun wáy shilív e Nyùy wùn, ké wùmòʼ woo wír a ji wù yii lim se Nyùy. M nén a ghay kém jii, wù din mo á mo wù wáy shilív e Nyùy wùn, a bó wù yòʼ yii mo Nyùy suuyì. A m yíi dìn sa sho mo m wáy kém shilív e Nyùy wùn a dzə̀ fó vinyò ve m yii mo Nyùy suuyì.

Jeem 2:18 Referans Kwoze

Jeem 3:13

Wìr fo vèn wo wù yén ji wun kér vifií ve ru ví, a wun kì vinyo, ŋgaàŋ dzə̀ la? Wù din kitú kfə́ fó liì wo juŋ wo wù yii, a wù yii, e làa yòʼ a saà wún, mo vifií ve ru ví yii dzə́.

1 Timoti 1:5

Kú a shèm vinyo vee shooy vi shémen, é wíri fíʼ a kòŋnìn. A dzə̀ wíri kù a ker melív me juŋ mè fo afə́r véví, a yiì a dzə̀ vinyo ve melív mev mè bínsi, a yu a dzə̀ fo Nyùy, e bó a kòŋnìn.

Jeem 2:14

Afə̀r vem, a wìr lò, a suúy ji wun wày shilív e Nyùy wùn, a bó wù yòʼ yii mo Nyùy suuyì, kee shooy ki sə̀ wun e gha? A dzə̀ ŋgaàŋ lùŋ bìʼ fo wù wayin shilív e Nyùy wun é dzəə fóo fèy a?

Galatia 5:6

A wíri tàtí ne wùn à Jesus Kristu, la wùmòʼ yòʼ dzə́ə a dzə jeéy ji wír wo á saŋen mbèʼ sə́ é liì wìr veé Juda, kìn wo bó á yoʼ sàŋ. Ke kuʼùn kí dzə̀ jii, wíri wáy á shilív e Kristu wùn, a kòŋnìn.

Titur 2:7

Titur, kú a ker ké ki a dzə̀ liì wo juŋ, áàwàʼ vé vìne wáa yen, a bìʼnìn. Lóo yeʼéy kinyo, à wàa yeʼéy shilív shidzə̀m, e làa yòʼ a fə̀m kinyo fə́men.

Ŋwàʼ woó Rom 14:23

Yii bèy, a wìr wo wù yí kifá, kér méŋnín, kì ji wun jáy a kinyo, bìʼ fo wù yòʼ yii mo shilív sə́ shí biimen ji Nyùy koŋ ji wù wáa yiì. Kinyo kidzə̀m ke wìr yii, a shilív sə́ shí túné ki dzə̀ kinyo ke bi kí.

Hibru 11:31

Wiíy wùmòʼ wáa dzə fo, a dzə̀ sàkì, aá yoŋ ji Rahav, vé ŋkiyi wìy wìy e Jeriko, wù səə́sí, e lìtì e wùn lav. Á wìy tòn fó, wù nèn bòy, e làa yòʼ dzə́ə kpu moo kibér ke wìr ve vé‑eè méŋ Nyùy, táv kitú, á yúyrí.

Hibru 11:33

Wír vìn adzə̀me‑eè wày shilív e Nyùy wùn é ŋàŋ, ámóʼó lo, á nèn a tòn vitúm, ámóʼó wàa dzə aŋgàa saʼ, a neèr sáʼ a dzə̀ yee là kiloʼ. Wír vìn adzə̀me kù‑uù dzə́, shiy a dzə̀ Nyùy, e nèn wìy kòóy kifá ke wù‑uù kàʼàn áwune shó. Ámóʼó wáy shilív e Nyùy wùn ji dzə̀ á wù sə̀tí shuu se abvərə̀ʼ fo á kfə́r áwune, wù nèn sə̀tí.

Hibru 11:6

A bó yòʼ dzə̀ Nyùy wàa sheʼrí wír, a bó ŋgaàŋ wáy shilív e wun wùn, bìʼ foo, a wìr taʼ ji wun kóʼtí e Nyùy ghaŋ, wù kù biìmé ji Nyùy dzə̀ rú shó, e kfə̀n biìmé sa jii, wù yii laáme wír wo wù taʼ wun, a ŋgaàŋ yén wun.

1 Korin 13:2

A Nyùy fə̀m bùʼ mo ji m wáa yu kinyo fo wùn shuù, a tiisí e wíri, a kiíy vinyo vidzə̀m, e kfə̀n a kiíy ve ví‑iì dzəə̀n é kilìr, a way shilív ji dzə̀ Nyùy yiì, m wàa shàʼàr agwan, a bó m yòʼ koŋ wíri, bo m lày kisáŋ.

Ŋwàʼ woó Rom 3:28

Kù dzə̀ mo kí dzəə̀n, bìʼ fo vèsən kiìn kijuŋ jii, a dzə̀ Nyùy lì wír ji woo là jay cáʼ bìʼ fo ŋgaàŋ wáy shilív e Kristu wùn, a bó yòʼ dzə̀ ji wù kì yii mo nsər wìr veé Juda suuyì.

2 Korin 7:1

Ŋkar sem, mo Nyùy kàʼàn vèsən é kinyò fèn, vèsən ku nèn a nyeŋ vinyo ve ví kóʼoy fo Nyùy vidzə̀m, kìn dzə̀ ke wìr kwaʼtì fo wùn shiliv, kìn dzə̀ ke wù yii yiìn. Vèsən ku fò vitú vesən a dzə̀ e Nyùy ŋkuuŋkùŋ, a ghvəm wun, a yu a dzə̀ fó fo.

2 Korin 5:17

Ke kí dzəə̀n kí dzə̀ jii, wìr táti wùn Jesus Kristu, bo ŋgaàŋ sì wír wo fíy. Dzəʼə̀m ye mvəə́ shaà ne, a wù sí kér lèn a dzə̀ ye fíyi.

Ŋwàʼ woó Rom 8:1

Kí nén a dzə jii, wìr wo wù tatin wùn Jesus Kristu bòy ne a fo lǒn vinyò ve bi ví.

Ŋwàʼ woó Rom 4:6

A Fòn Davir‑iì lo fèr mo wìr wo Nyùy liìn ji wír woo là jay yii shéʼri, a bó yòʼ dzə̀ ji wù kì lìm lim yímóʼó, bo Nyùy li wun bèy. Wù‑uù suuy jii:

Ŋwàʼ woó Rom 9:19

A tàm wìr lo, wù wàa suúy jii, mo yii Nyùy bo wìr wáa tav kitú bèy, a sà dzə̀ wù kfə̀n a bashí ŋgaàŋ fo gha, a bó yòʼ dzə̀ wù kàr kinyo ke yiìn Nyùy a?