Jeem 2:1 - ŊWÀʼ NYÙY

¹ Afə̀r vem, mo vèn wayin shilív e Taàtá wòsən Jesus Kristu wùn wo dzəə̀n kfə́ ji Nyùy, vèn wáa yen fó a nyàʼ wír wùmòʼ.

Jeem 2:1 Referans Kwoze

Ŋgàn 24:23

Ntir se afiì símóʼ sí sìne. Kí yoʼ bòŋ, e dìn medzə̀jeéy é ghan sé nsaʼ.

Jeem 2:9

A vèn lò, a nyàʼ kén a dzə̀ wíri, bo vèn sí yii a dzə̀ kinyo ke bi kí, shóʼor nsər Nyùy, a vèn gbù ne fo fo.

Remrí 16:19

Lá áwune yòʼ wìy tìnén nsaʼ e kiloʼ ki. Lá á yòʼ wìy a sə kòyàr, bìʼ fo kí yíi yiì, é wìr tínén nsaʼ kintéŋ, a ŋgaàŋ fə̀m dzə̀ fií, kìn wír wo wù lo, wù yiì kinyo tìítiy.

Cù 19:15

«Lá wìr yòʼ a tinén nsaʼ, a loʼ kiloʼ. Lá vèn yòʼ a bìn nsaʼ, a fo e ghéʼncey, kìn dzə̀ mó a bìn nsaʼ, a fàn sí ŋgaà mbàm. Á bèy, vèn kú a tinén nsaʼ se afə́r vén, a ker suuyrú.

Remrí 1:17

Aá kú a tinén nsaʼ si là kiloʼ, a lì ghéʼncey wùn wìr wo kuʼùn réŋréŋ, e làa yòʼ a fàn sí wìr, bìʼ fo kinyo ke áwune tínen ki dzə̀ ji tínen a Nyùy. Nsaʼ tiŋè, á lì, e wìy, e beè mo shó, é m bin fó fo.

Ŋgàn 28:21

Kí yoʼ bòŋ a dìn medzə̀jeéy é lav nsaʼ, yii bèy, wìr diy shúu yi, wù yiì kinyo kee kintéŋ.

2 Wòŋ 19:7

Bo dzə̀ jii, vèn wáa fàn a Nyùy Tàr, lóo tinén nsaʼ, á tàr kijuŋ, bìʼ fo Nyùy Tàr woo Nyùy wòsən yòʼ yii koŋ nsaʼ kinshwìv, kìn yee bìn mbìv mòʼón, kìn ye mbvə́nkíwó.»

Jeem 3:17

Kinyo ke kí din ji wìr kér rú vifií ve ví lo a dzə̀ fo Nyùy ki dzə̀ jii, ŋgaàŋ dzə̀ kfə́, a bó wù yòʼ wáy kiwó e kinyò ke bi kí gheéy. Wù kfə́n a dzə wir nyaáŋ, a ker wíri ji weè, a yuurí kinyo ke wìr, a sham wíri ghán sidzə̀m, a yiì vinyo ve juŋ vi é ŋàŋ. A bó wù yòʼ yii vinyo vìn, yuúri kisùúyjii, a bó wù yòʼ din wún.

Jeem 2:3

Vèn lo fó fo, e nèn a yen a dzə̀ wír wo wù màʼàn ndzə̀y se juŋ si, e sùúy sho jii, «Ku dzə̀ʼə̀m fèn e kirə̀ʼ ke juŋ ki», e nèn sùúy e ghéʼncey və̀y jii, «Tiím fey, kìn à sésin fo nsay.»

Ŋwàʼ Jud 1:16

Enok wáa suúy bèy, a kù dzə̀ mo wír vìne rə́si ghvəvrì Nyùy, e làa yòʼ a yen kinyo, é kí wáa gheén áwune gheéy. Á kù yii vinyo a dzə̀ ve mensə́ mev mè taʼà, ghaŋtì shuu, sévti vinyo sévtín, leerì wíri ji á fíʼ a koóy kifá.

1 Timoti 5:21

M nén a suúy e wò feyì jii, à ku wày á nsər sìn, e làa yòʼ a nyàʼ wír, a yen wír wùmòʼ ji woo jeéy. A m suuy kin, tiir a dzə̀ Nyùy wùn Jesus Kristu fo mbìy, kfə̀n tiir nshèelav se Nyùy se ranén sí.

Matio 22:16

Á nèn tùm wír vév wùn à wír Fòn Heror ámóʼó ji á du, a woóy a wun. Á dù, e yòŋ jii, «Ŋgaà Yèʼey, vèr kì jii, à kù yii suuy a dzə̀ kinyo ke ru kí, aà kfə̀n yéʼey wíri kinyo ke Nyùy réŋréŋ mo kí dzəə̀n, e làa yòʼ a leéy sí wìr, kìn ŋgaàŋ dzə̀ la.

1 Korin 2:8

A bó wír ve á sáʼ ndzə yee lèn rə̀ne yòʼ‑oò lo kìíy sa kinyo kee shooy. A vé‑eè bóo kiíy, bo bó á yòʼ‑oò lo kùm Taàtá Jesus e kici, a tíy wun vitú ve saʼ e dzə̀m.

Ŋgaà Yen 14:12

Kí nén a dzə jii, wír ve dzəə̀n vé Nyùyi kú a tiy kitávín, e dù, e jòʼsì, a lèm nsər se Nyùy, e kù a way shilív a dzə̀ e Jesus wùn.»

Titur 2:13

a shìy vijuŋ ve vèsən tiirin vifií shó, ji Jesus Kristu bvə́y, a wù sí kér vikuʼùy a dzə̀ veé yuv. Dzə̀ wun Nyùy wòsən wo ghaʼán wo wù luŋèr vèsən.

Lim Aŋgàa Ntum 20:21

Mò‑oò fiʼtì kinyo kimòʼón e wíri adzə̀m, kìn dzə̀ wír veé Juda, kìn bó yòʼ dzə̀ veé Juda jii, á biner melív mev, e kfə̀n fo Nyùy, e wày shilív e Tàr wòsən Jesus Kristu wùn.

2 Pita 1:1

Ŋwàʼ və̀ne sàŋ mo woo Simon Pita. M dzə̀ ŋgaà lìm Jesus Kristu, e kfə̀n a dzə ŋgaà ntum və. A m sàŋ a dzə̀ fo vèn adzə̀m ve á tíy e kinyò kee shó ke ver vee aŋgàa ntume tíy sho. Dzə̀ kinyo feyì feyì, a wày sá Jesus Kristu e věn kiwo, bìʼ fo wù kù yii yii kinyo kfə́ réŋ. Dzə̀ wun Nyùy wòsən, kfə́n a dzə Ŋgaà Lùŋèr wòsən.

Titur 1:1

Ŋwàʼ və̀ne sàŋ mo woo Por wo dzəə̀n ŋgaà lìm Nyùy, e kfə̀n a dzə ŋgaà ntum Jesus Kristu. A lim yémé dzə̀ ji m sə́ á wír ve Nyùy shoʼon ji və́, aá maysi, e wày shilív é wùn wó, e kìíy kinyo kfə́ ke ru kí, a ghan moo wír və́.

1 Timoti 1:19

À lóo màʼ, à kù a tiy a dzə̀ é kinyò ke wò‑oò wayin shilív shó, a yiì a dzə̀ kíwun ke shilív shé shi bínsi ji dzə̀ á kinyo ke ru kí. Kú a kiíy jii, wír ámóʼó lò ne, e kùn a dzə̀ é vinyò ve melív mev mè sháʼninè, e nèn màʼày kinyo ke ru kí ke vé‑eè wayin shilív shó fo mbìy.

Kolosia 1:4

bìʼ fo vèr yén ji vèn wày shilív e Jesus Kristu wùn kitávín, kfə̀n yú sa mo vèn koŋ wír ve dzəə̀n vé Nyùy adzə̀m.

Hibru 1:3

Wù dzə̀ ji kikúv ke wun woo Nyùy, a dzə kinyo kidzə̀m ji Nyùy, njaʼkìr réŋréŋ moo Nyùy. A dzə̀ wun wo wù kér ndzə e dzə̀m e wùn kiwo, súŋnin, bo yì wáa ker vitaáví, a lìm mo yì limè. Nén a dzə wun wo wù‑uù manen vinyo ve wìr veé ndzə ji á fíʼ ran fo áwuné ajay. Wù màysì, e nèn kòʼ é yuv, e dzə̀ʼə̀m e Nyùy woo Taà Vitu ghaŋ.

Ŋwàʼ woó Rom 1:11

A m kér shií fó yen ven féyì, e fíʼ dìn vinyo vímóʼ ví e vèn, é Kiyoy ke Nyùy ki yii, é vèn maysi, e wày shilív e Nyùy wùn.

Lim Aŋgàa Ntum 24:24

Vishiíy ví lòo koʼtí, Feliy wùn wiiy və Duusila wìy ji á yén a Por, a wiíy dzə̀ wír woó Juda. Á jàŋ Por, wù wìy, á wáa yuurí, wù wáa fèr mo dzə̀ wìr wày shilív e Jesus Kristu wùn.

Lim Aŋgàa Ntum 7:2

Tefan yòŋ áwune jii, «Atàr vém wùn aàfə́r vémé, vèn yuúrí. Yì‑iì dzə̀, a tàr wòsən Abraham dzə̀ə́ e Mesopotamia, e bóo wìy lò, a dù e Haran, Nyùy woo Ŋgaà Ran dìn kitú kfə́ shó.

Lim Aŋgàa Ntum 10:34

Pita nèn kèʼ, a suŋnín, a suúy jii, «M yèn ne rú lèn ji bó Nyùy yòʼ nyaʼ wír.

Hibru 12:2

a leéy a dzə̀ fó mbìy fo vèsən du, e jòʼsì, a dzə̀ e Jesus wùn. Dzə̀ wun wo wù yiìn, vèsən wáa way shilív e Nyùy wùn, a kù wíy lì wun vèsən, e way e Nyùy kiwo ŋkuuŋkùŋ. Wù‑uù dzə̀ é nsay fèn, e biìmé ji wun ku yiì mo Nyùy sìysìn, e kpù é kintam moo ŋgaà jay, e làa yòʼ a ci woómé se sí dzəə̀n é kfəə kpu foo fèy. Wù‑uù leey kfə́ a dzə̀ vijuŋ ve ví dzəə̀n fó mbìy. Wù nén a dzə lèn e yuv, a dzə e Nyùy ghaa kàvàʼ, e koy yìyí.

Jeem 1:16

Afə̀r vem, vèn wáa yen fó a boʼtí vitú vén.

Jeem 1:19

Afə̀r vem, vèn səəm kinyo kìn ki kijuŋ. Wìr ku yuùrí kinyo kijuŋ. Wìr wáa səʼə́m, e bó a suŋnín. Lá wìr yòʼ a tav, a shwiíy kilòŋ.