Jeem 1:9 - ŊWÀʼ NYÙY

⁹ Wìr Kristu wo dzəə̀n ŋgaà kitàn ku nèn a sheʼrí, bìʼ fo wù kiìn ji wun dzə̀ á ŋgaà bùʼ e Nyùy si.

Jeem 1:9 Referans Kwoze

Ŋgàn 19:1

Bòŋ a tàn, a ker liì wo juŋ, e shaà ké a boʼtí kimboʼtì, a yiì kiyúŋ.

2 Korin 6:10

A vinyo vi fə̀m kooy ver, a vèr sov kitú, vèr kù yòʼ a sheʼrí Nyùy ghán sidzə̀m. Vèr dzə̀ aŋgàa kitàn, yii bèy, a wír aníne kooy fo vèr. Kifá ke dzə̀ wìr yèn ji kér kí yòʼ dzə̀, yii bèy, a vèr kì kijuŋ ji Nyùy fò ne vifá vidzə̀m ji vér.

Ŋgaà Yen 2:9

M kì ŋgeʼ se sí rə́si kooy ven, a m kfə̀n kì mo kitan ki yúy ven. Yii bèy, a dzə̀ m wàa suúy ji vèn dzə̀ á vé bùʼu. M kì sá mo wír ámóʼó rə́si tóy vinyo e věn bàm, yoŋ vitú vév ji wír veé Juda, aá dzə̀ kév a dzə̀ e Satan ŋgoo.

Ŋwàʼ Luk 1:52

Wù sù ne afon, e bàʼtì fo kàvàʼ, e kòʼór a dzə̀ wír vee fó tèr.

Ŋgàn 17:5

Wìr wo wù té lám e ŋgaà kitàn, kuu a dzə̀ Nyùy woo ŋgaà mbom və, a wo wù shéʼ ŋgeʼ se wùmòʼ yòʼ wíy bòy fo ŋgeʼlàʼ.

Nsùyrì Nyùy 62:9

Wìr msòŋ dzə̀ ben, aàghéʼnceyí dzə̀ moo shwér, a vé kavi dzə̀ moo vinjeenjèm. Á tiir e mfìʼ, á kù kòʼ kóʼón, aá càár feyì, e shaà shwér.

Remrí 15:11

Mo vé kitàne yòʼ wíy buú fo věn mvəm é ghan símóʼ sí, m nén a fo sáʼ ji vèn ku wìy a ker a wó yén tèéter fo aghéʼnceyí wùn à vé kitàne e věn wòŋ.»

Remrí 15:9

Vèn wáa yen fó a kuʼ vinyo ve kisaŋ vi e věn meliv, e ten fó foòr wír kifá ji kiyá ke ntiinè kaa ki sí méʼ a fo mentsə̀m, a bó yòʼ dzə̀ wìr kfə̀n sə̀ mbàm e bàm. Lá vèn yòʼ màʼtì, é kwaʼtì kisaŋ yee béyi nəə́ e věn meliv. A vèn tèn fó foòr, wù yiì tòŋ, e kàn Nyùy Tàr bìʼ ven, bo vèn lì ne njò, a Nyùy Tàr yíi saʼ ven fó njò fóo fèy.

Remrí 15:7

«A wìr fèn dzə̀ e věn mvəm wo dzəə̀n ŋgaà kitàn, a dzə̀ fə́r won, kìn wù dzə̀ é ŋkàlaʼ rəné, lá vèn yòʼ wìy a kàm, a gimtí kiwó fo wun.

Filipi 3:14

M nén a leʼ tìítiy, a dù a dzə̀ fo á du, e seéy, e fíʼ so vinə́ŋsí ve Nyùy kàʼàn vèsən shó, a dzə̀ dzəʼə̀m ye wù wíy fo vèsən é yuv bìʼ kinyo ke Jesus Kristu‑uù yiìn fo vèsən.

Filipi 3:3

Dzə̀ vèsən vin ve Nyùy naŋsin ne rú ji wír və́. Vèsən ghvə́m wun woo Nyùy, a bánri Kiyoy kfə́ vèsən. A vèsən sumrì wún bìʼ fo á dzəə̀n wír Jesus Kristu, a bó vèsən yòʼ wáy vifií é vinyò ve á yii ji bìʼ liì wòŋ gheéy.

Ŋwàʼ woó Rom 8:17

Mo vèsən siìn wón və́, bo vèsən wíy nəə́ sa e vijùŋ ve wù lèmèn e wír vəə́ adzə̀m, a kù dzə̀ víwun ve Kristu‑uù nəən shó. Vèsən kù wíy nəə́ sho, a vèsən fen biìmé sa ŋgeʼ ye Kristu‑uù biimen.

Ŋwàʼ Luk 10:20

Yii bèy, lá vèn yòʼ a sheʼrí a dzə̀ anyùy ve á yú ven. Vèn wáa sheʼrí a dzə̀ ji Nyùy sàŋ ne yír sén é ŋwàʼ woó yuv.»

Ŋwàʼ Luk 9:48

e sùúy aáwune jii, «A wìr yén wán və̀n ji wír bìʼ mo, bo ŋgaàŋ yén a dzə̀ mo. Wù wáa yen mo, bo wù yén a dzə̀ ŋgaà wo wù tumen mo. Vèn wáa kiíy jii, wìr wo wù li kitú kfə́ fó tèr e věn mvəm, dzə̀ wo dzəə̀n wír wo kuʼùn.»

1 Samuel 2:8

Wù nan aŋgàa kitàn fo kibvə̀r, kfə̀n fəər aŋgàa ŋgeʼ fo áwuné mvə̀m nyar. Wù táti áwune é ŋgoo wón ntoʼ, dzəʼə̀r áwune áàntaʼ ve kuʼkìné. «Wày wun woo Nyùy Tàr kinsə̀ŋ ke ndzə. Bóm wun ndzə e kitu wo.

1 Pita 2:9

Yii bèy, fo kén kí, vèn dzə̀ kén rám, a shòʼ Nyùy ven. A vèn dzə̀ atàá cù, lim a dzə̀ fo wun woo Fon. Wù‑uù nàŋsín ven ji kitúm kee jeéy kí, vèn wáa dzə və́ vee wír ji vèn wáa fìʼtì vijuŋ ve vinyò ve wù rə́si yii e vèn, ven ve wù‑uù fəərin fó ndzə vitsə̀ʼ, e wày e wùn mvə̀m ran ye ghaʼáné.

Aysaya 29:19

Nyùy Tàr wíy yiì, é wír ve vé‑eè nyavrì aáwuneé kfə́n, a sheʼrí, e yiì, é vé kitàne wáa yu vijuŋ, bìʼ Ŋgaà wo Ranén woó Isray.

Ŋwàʼ Luk 14:11

Kù dzə̀ mo Nyùy wíy a sèn wír wo wù yén kitú kfə́ kikuʼùn, a koʼór wo wù yén kitú kfə́ shishàr.»