Jeem 1:6 - ŊWÀʼ NYÙY

⁶ Yii bèy, wìr lóo dzər, wù kù yòʼ a biimé fo wùn shiliv ji Nyùy waà yíi naàrì. Lá wù yòʼ a dzər melív mebaà. Vèn wáa kiíy jii, wìr wo wù lón kfə́ kifá fo Nyùy melív mebaà dzə̀ á moo ndzə́v ye shwéri tsə́y, a yí líy, du fo shwéri du.

Jeem 1:6 Referans Kwoze

Hibru 11:6

A bó yòʼ dzə̀ Nyùy wàa sheʼrí wír, a bó ŋgaàŋ wáy shilív e wun wùn, bìʼ foo, a wìr taʼ ji wun kóʼtí e Nyùy ghaŋ, wù kù biìmé ji Nyùy dzə̀ rú shó, e kfə̀n biìmé sa jii, wù yii laáme wír wo wù taʼ wun, a ŋgaàŋ yén wun.

Efesor 4:14

Vèsən kiiy bèy, é la á yòʼ dzə́ə a dzə moo wónlè, a biimé vinyo ve wìr ve á ghán, lévti wíri, ghaa vinyo gháan, yéʼey ji vé Jesus Kristu. A bó yòʼ dzə̀ vèsən kfə̀n a kar moo kikóŋ ke shwéri dom, a kí du fo wú du.

Hibru 10:23

Vèsən ku nèn màysì, e tìír vifií é ŋkàʼmé wo vèsən fiʼtì ji vèsən kù wíy lùŋ ŋkuuŋkùŋ. Lá vèsən yòʼ a tùʼtìn, bìʼ fo vèsən kiìn ji Nyùy wo wù kàʼàn vèsən é kinyò fèn dzə̀ á wù kù yiì kíwun.

Hibru 13:9

Vèn wáa yen fo wíri taa vinyo vímóʼ ví, a boʼtí ven shó, é vèn maʼti dzə́ə yee rú. Vèn wáa kiíy ji dzə̀ wìr kù lòn a dzə̀ fo Nyùy, é bo shilív sə́ shí wáa tiy e Nyùy wùn kitávín. A bó yòʼ dzə̀ shí wàa tiy ji bìʼ fo wù yí vifá ve yi, nyaʼ vímóʼ ví ji bìʼ Nyùy. Nsər see ben si yòʼ fə̀m sə́ wír ve á lemè gheéy.

1 Timoti 2:8

Ke m koŋ feyì ki nén a dzə jii, vintatì vidzə̀m vi lóo dzə̀ʼə̀m, vilum ámóʼó kù a dzə ve dzə̀ á wàa fo bunrì. A dzə̀ kù a dzə vilum ve bó á yòʼ wáyri wó e vinyò ve bi ví, e bóo kfə̀n a nàn wó yee shooy ji á bunrì. Ku kfə̀n a dzə sa wír ve bó yòʼ dzə̀ á wàa shwiíy kilòŋ, a taŋnín wùn à wíri.

2 Pita 2:17

Vee shoon vee aŋgàa yeʼéyi dzə̀ moo ntòŋ sé ndzəv se sí yumkin ne, a bó yòʼ dzə̀ wìr lùŋ fó fo, e kfə̀n a dzə moo wuú ye yí kóʼkir, shwéri jùm. A Nyùy lèm ne kirə́ʼ fo wù wíy màʼ áwune, aá wáa neŋ fo e ŋòròʼ.

Kèʼlo 49:4

Moo ndzə́v ye yí tsə́yninè, wò‑oò gùynìn, e kòʼ e tàr wón kikun, e bìvír, a bó à yòʼ dzəə́ wìy a tiy mbìy.

Matio 14:28

Wù suúy bey, Pita nèn yòŋ jii, «Tàr, a dzə̀ rú wò, à kù sùúy, é m wáa ghan sa e kitu ke ndzəv, a wìy fo à dzəə̀n.»

Lim Aŋgàa Ntum 10:20

Sə́ʼə́y, é vèn áwune wáa dù fo á du. À lóo dù, lá à yòʼ a rə̀m ntéŋ, tùm mo wír vee shooy.»

Jeem 1:7

A dzə̀ wír wo wù kér melív mebaà, la wù yòʼ kìíy fo wù tíyí. A bó yòʼ dzə̀ wír woo bey, wù wàa kwàʼtì ji dzə̀ á wun yù kinyo fo Nyùy gheéy.

Jeem 5:15

Aá fèn lón bèy, biíme ji Nyùy yíi sə, bo ŋgaà yàsí woo shooy yíi bonén, é Nyùy kfən làysìn vinyo ve bi ve wù‑uù yii.