Jeem 1:5 - ŊWÀʼ NYÙY

⁵ Wìr méŋ mo dzə̀ wù yiì, wù kù a lon a dzə̀ fo Nyùy, é wù naari mo dzə̀ wù ghàn. A dzə̀ mo wù kù yii kér shilív sə́ tèéter, naarì wir dzə̀m, e làa yòʼ a saʼ wír wo wù dzə́r dzə́ə.

Jeem 1:5 Referans Kwoze

Joon 15:7

A vèn fèn tíy e mǒ wùn, a jí sém sí tíy e věn meliv, bo dzə̀ vèn lòn kifá ke á lón fo Nyùy, a ker kíwun.

2 Wòŋ 1:10

Ku fò ri mo vifií wùn à kiíyi, é m wáa saʼ wír vìn sho. Kí búŋ fó bèy, bo bó yòʼ dzə̀ wìr kìíy móo saʼ wír vé ve á dzəə̀n agháʼán vin.»

Jeem 3:17

Kinyo ke kí din ji wìr kér rú vifií ve ví lo a dzə̀ fo Nyùy ki dzə̀ jii, ŋgaàŋ dzə̀ kfə́, a bó wù yòʼ wáy kiwó e kinyò ke bi kí gheéy. Wù kfə́n a dzə wir nyaáŋ, a ker wíri ji weè, a yuurí kinyo ke wìr, a sham wíri ghán sidzə̀m, a yiì vinyo ve juŋ vi é ŋàŋ. A bó wù yòʼ yii vinyo vìn, yuúri kisùúyjii, a bó wù yòʼ din wún.

Joon 14:13

Kí nén a dzə jii, a vèn lón ka fo Nyùy, lón a dzə̀ e mǒ yir, m kù nèn yiì kíwun, é wíri fíʼ a yen kinyo ke mo woo Wan Nyùy yii, a burí a dzə̀ Tàr wor.

1 Joon 3:22

Lóo koʼtí, aá fə̀m lón ka, é wù ku nèn fò kíwun, bìʼ fo vèsən sí yú sáʼ rə́, yii, a wún vəə́ boŋè.

Ŋwàʼ Fəə 31:3

M bùʼ ne wun e Kiyoy kém kí, e fò wun kiwó ke fèr, wù wáa ker vifií vée lìm kfəə́ se lìm sidzə̀m.

Jeem 5:16

M nén a tir ven jii, wìr jáy kinyo e wìr, wù tuùné kitú kfə́ e ŋgaàŋ, é wìr kfə́n a lon ji Nyùy sə́ wùmòʼ woo wír. Vèn lóo yiì bèy, é Nyùy nèn a fèr ayàsí vén. Vèn wáa kiíy jii, a wìr tíy réŋ wùn Nyùy, e kàn wun e kinyò, Nyùy kù yiì kinyo ke tavín kí.

Ŋwàʼ Fəə 31:6

M shòʼ ne sa Oholiav woo wan Ahisamak, woo wír woó ram Dan ji wù wáa sə Besalel. M kfə̀n fò ne sa vifií vee jeéy ví e vé fèr ámóʼó adzə̀m ji áwune fíʼ a fèr vifá vidzə̀m réŋréŋ mo m naàrìn e wò.

Joon 4:10

Jesus bìnèr jii, «Aà bèn kì fómo wo Nyùy taʼ, e fo wò, e kfə̀n kìíy mo wìr wo wù lón mendzə́v fo wò və̀n dzəə̀n, bo kì yíi lon wò fo ŋgaàŋ, é wù fó wò mendzə́v me mè léŋ ghán sidzə̀m.»

1 Wòŋ 22:12

Nyùy Tàr ku fò wò vifií wùn à kiíyi, áà fiʼ wìy a lèm nsər se wun woo Nyùy Tàr woo Nyùy wò e ghan se wù wíy lèm wò ji à wáa saʼ Isray.

Jeem 1:17

Vèn wáa kiíy jii, vinyo ve dzəə̀n ve ru vidzə̀m ve dzə̀ ví wàa fo vijuŋ vi kù lo a dzə̀ á fo Nyùy. A tsə́nsi wun woo Ŋgaà Mbom wo rán e dzə̀me lo a dzə̀ fó fo. A bó yòʼ dzə̀ wù kùvsín mo shùy yii lo, yì kèvrín, ndzə sə̀n wíri é ghan símóʼ sí gheéy.

Matio 11:20

Jesus lò, e kfə̀n a roòmè ntèʼ símóʼ sí, a dzə̀ fo wù‑uù din kùʼùn viŋgaʼnìn ve vinyò ve wù‑uù yii, la wír vee fóo yòʼ fə̀m bìnèr melív mev gheéy.

2 Korin 2:16

Kí lóo rə̀m wír wo wù wíy lày, kí wàa koo moo kirəm ke ŋkfə, a dzə̀ kisəəm ké kpu yee là may. Lóo dzə wír wo wù wíy lùŋ, kí nèn a shàŋ shàŋèn, a dzə̀ kisəəm ké dzə̀ʼə̀m yee là may. Mo wíri kù yii kiiy Kristu a dzə̀ fo wír ve á shaŋ moo kiláy víne, bo wìr wo wù gheenen é lìm fèn dzə̀ la?

Maak 16:14

Kí wìy lòo jòʼsì, Jesus dìn kitú kfə́ e wón və́ lìm vee nshòv mòʼón e ghvə̀me adzə̀m, aá dzə́, yíkirì. Wù wáa saʼ áwune, bìʼ fo bó á yòʼ‑oò ló a biimé ji dzə̀ wù fəə̀ á fo kpu, e kfə̀n tèn fó biimé kinyo ke wìr ve vé‑eè yenen, a wù fəə́ ne fo kpu.

Nsùyrì Nyùy 51:6

Rúrú, à kér ké shií é suuyrú wo wù lo a dzə̀ fó shiliv. Ku yèʼéy mo vifií vé, é ví nəə́ e mǒ kwàʼtì.

Ŋgàn 8:17

M koŋ wir dzə̀m wo wù koŋ mo, a ve á taʼ mo é shií kù yíi yen.