Jeem 1:4 - ŊWÀʼ NYÙY

⁴ Vèn ku nèn a tiy kitávín, e wày ji vèn tósín é mvə̀m ŋgeʼ foo fèy, e fíʼ gheén mo dzə̀ wír Nyùyi wàa dzə. Vèn gheen bèy, é la á yòʼ dzə́ə a bvə̀ʼ fo kinyò kímóʼ kí gheéy.

Jeem 1:4 Referans Kwoze

1 Pita 5:10

Vèn wáa kiíy ji vèn kù yén ŋgeʼ rə̀n a dzə̀ fó shintàm, é Nyùy wo wù rə́si shám ven ku nèn fə̀ə́r ven fó fo. Wù‑uù lì ven, e tàtí vèn à Kristu ji vèn fíʼ wìy nə̀ə́ e wùn mvə̀m vijùŋ vee là may, a wù kù wíy a leéy fo vèn, a tom ven, é vèn wáa tiy kitávín, é la wìr yòʼ a sə̀ʼ.

Ŋwàʼ Luk 21:19

Vèn wáa tiy rì kitávín, e wìy nəə́ e dzə̀ʼə̀m yee là may.

Matio 5:48

Kidzə̀m ki wáa dzə jii, vèn wáa yiì vinyo vén tìítiy, é ví wáa ran réŋréŋ mo Tàr won wo wù dzə́ e yuv ráné.»

2 Timoti 3:17

A Nyùy‑iì fò ŋwàʼ və̀n bèn ji wìr wo wù yii lim rə́ fíʼ a ker kifá ke lìm, e kiíy kinyo kfə́ kijuŋ, a dzə kibáʼtín mó a yiì lim ye juŋe e dzə̀m.

Habakuk 2:3

Ghán se ntum rə̀n yíi fəəsín si yóʼ ne ghèén. Yii bèy, yì kù sí nyoorì ji yì fəə́sín, a bó yòʼ dzə̀ yì shaà fó ghaŋ. A yì fə̀m ndzəyì, à kù a shìy, bo yì kù‑úù fəə́sín, yì yòʼ‑óò ndzəy.

Hibru 13:21

Nyùy ku fò ven vifá ve juŋ vi vidzə̀m, é vèn wáa yiì vinyo və́ shó. Wù ku yiì, é Jesus Kristu wáa sə ven, é vèn wáa yiì a dzə̀ vinyo ve ví boŋ wun woo Nyùy. Á kú a burí Kristu ghán sidzə̀m, là may. Amen.

Galatia 6:9

Lá vèsən yòʼ a dor fó a yiì vinyo ve ru ví, bìʼ fo, a vèsən yii bèy, e làa yòʼ a weèy, bo ghán sí wíy gheén, é vèsən wáa ker dzəʼə̀m yee là may rə̀n.

Nsùyrì Nyùy 40:1

Mò‑oò dzə́ ji nyaáŋ, yuúri a dzə̀ Nyùy Tàr, wù fó vituʼùr e mò, e yù tóŋ yém.

Nsùyrì Nyùy 37:7

Dzə̀ʼə̀m ji nyaáŋ e Nyùy Tǎr si, a yuurí a dzə̀ wun. Lá à yòʼ a yu ntéŋ bìʼ wír wo vinyo və́ ví du kijuŋ, wír wo wù rə́si bá menàŋ, a vinyo və́ ví gháné.

Jeem 3:2

Dzə̀ rú, vèsən dzə̀ ben, a vèsən jáy vinyo vinín. Yii bèy, wìr lóo dzə a dzə̀ wù mèy kiliímé kfə́, e làa yòʼ a jay kinyo fo wùn shuù, bo ŋgaàŋ ghèén feyì. A dzə̀ wù kòytí kitú kfə́ dzə́ə sidzə̀m.

Jeem 1:5

Wìr méŋ mo dzə̀ wù yiì, wù kù a lon a dzə̀ fo Nyùy, é wù naari mo dzə̀ wù ghàn. A dzə̀ mo wù kù yii kér shilív sə́ tèéter, naarì wir dzə̀m, e làa yòʼ a saʼ wír wo wù dzə́r dzə́ə.

1 Korin 2:6

Yii bèy, a wír ve á yú a dzə̀ fo Kiyoy ke Nyùyi nèn yú kév kinyo ke m fiʼtì kìn, a kí din a dzə̀ vifií vé Nyùy. A bó vifií vee shooy vi yòʼ dzə̀ vé wìr veé ndzə fèn, a bó ví yòʼ fə̀m lò sa fo wír ve á kér ndzə yee lèn rə̀ne. Áwune kér vitaáví a dzə̀ lèn, a ví kù sí lo, e ŋeemé, e lày.

Kolosia 4:12

Epafar wo dzəə̀n wír woo věn kintatì, shaʼtì sa ven. Wù lim sa kitávín fo Jesus Kristu. A wù yii kuúme ven ghán sidzə̀m, bunrì ji Nyùy ku yiì, é vèn wáa tiy kitávín vèn à Nyùy, e màysì a dzə ji wír və́, a kiíy kinyo ke wù taʼ ji vèn wáa yiì, a tiy a dzə̀ shó.

Ŋwàʼ Luk 8:15

Ŋgoòy ye yì tumkin é nsay ye juŋ nén a dzə wír ve á yú kinyo ke Nyùy, á ghàr shilív shimòʼón, a yiì mo kí dzəə̀n, a dù duùn fó mbìy.

Matio 10:22

Wìr dzə̀m wíy a bàn ven, bìʼ fo vèn dzəə̀n wír vém. Yii bèy, vèn wáa kuumé jii, wìr wo wù wíy tiím kitávín, e dù, e jòʼsì waà wíy lùŋ.

Ŋwàʼ Jov 17:9

Yii bèy, wìr wo wù yúnin Nyùy kù yòʼ wíy a tiy a dzə̀ e wun mbòv, é wo wù yòʼ wáy kiwó e kinyò ke bi kí wáa kuy kuyín e wun liì.

Ŋgàn 4:8

Aà kìíy shií wó a ker vifií ve ru ví, bo à yíi a dzə wír woo wír, à lúm, e kpù shó, bo à yíi a ker ghvə́m ye ghaʼáné.

2 Pita 1:9

Vèn wáa kiíy jii, a wìr bùŋ vinyo vìn, bo ŋgaàŋ fìr fo Nyùy mbìv, a yen kinyo a dzə̀ keé shùu kiwo, e nèn a làysìn ji dzə̀ á vinyo ve bi ví ve wù‑uù tíy sho fo mbìy, a Nyùy‑iì sù ne vee shooy fo wun wùn.

Joon 17:23

Mo wòsò dzəə̀n kintatì, vèr áwune lóo dzə sa kintatì, aáwune nèn màysì, e tàtí ŋkuuŋkùŋ, a dzə ji kitú kimòʼón, é wír veé ndzə fène yén ji ntum ye mò‑oò loòn dzə̀ rú ye, e kfə̀n yèn sá ji à koŋ wír vìn réŋréŋ mo à koŋ mo.

Ŋwàʼ Luk 18:22

Jesus yú bey, e sùúy sho jii, «Bo kinyo ki dzəə́ bér kimòʼón ke dzə̀ à yiì. Dù ri, e fiìnè kéŋ yée e dzə̀m, e jàv mbàm e vé ŋgeʼe, e wìy, é wòsò wáa ghan. À yii bèy, áà nèn wìy a ker vikuʼùy a dzə̀ e Nyùy wòŋ woó yuv.»

Maak 10:21

Jesus leéy wun, a kòŋ, e sùúy sho jii, «Bo kinyo ki dzəə́ bér kimòʼón ke dzə̀ à yiì. Dù ri, e fiìnè kéŋ yée e dzə̀m, e jàv mbàm e vé ŋgeʼe, e wìy, é wòsò wáa ghan. À yii bèy, áà nèn wìy a ker bùʼ a dzə̀ e Nyùy wòŋ woó yuv.»

Matio 19:20

Wánlè nsùm və̀y nèn bìnèr jii, «Mò‑oò sí lem nsər see shoon sidzə̀m, kfə̀n bèr ka?»

1 Tesalonika 5:23

Vèr nén a lon jii, wun woo Nyùy wo wù yii, a melív mèsən mè dzə́ nyaáŋ ku yiì, é vèn wáa dzə wír və́ ŋkuuŋkùŋ. A vèr kfə̀n lón sa jii, wù kú a shìy ven, é vèn wáa dzə ajuŋ là nsem, a kwàʼtì a dzə̀ vinyo ve juŋ vi, a ker melív me juŋ mè, é la wìr wùmòʼ yòʼ a ker lóm yìmòʼ e wun wùn gheéy, e dù, e meé e ghan se Tàr wòsən Jesus Kristu wíy a wìy.