Jeem 1:3 - ŊWÀʼ NYÙY

³ A dzə̀ vèn wàa lì bèy, bìʼ fo vèn kiìn jii, mo vèn sí shaa e mvə̀m ŋgeʼ foo fèy, kù wáy shilív a dzə̀ e Nyùy wùn, bo vèn kù yíi màysì, a tiy kitávín, é la kinyo ki yòʼ dzəə wìy sə̀ʼ ven gheéy.

Jeem 1:3 Referans Kwoze

Hibru 10:36

Kí nen ghèén ji vèn li vinyo vidzə̀m ji weè, a yu a dzə̀ fo Nyùy ji vèn fíʼ a yiì a dzə̀ kinyo ke wù koŋè, é vèn nèn wìy nə̀ə́ e vijùŋ ve wù kàʼàn ven shó.

Kolosia 1:11

Vèr kfə́n a lon jii, Nyùy wo vitaáví vidzə̀m vi dzəə̀n və́ kú a tavír ven, é vèn wáa shaà e mvə̀m ŋgeʼ sidzə̀m, a lì vinyo vidzə̀m ji weè, a sheʼrí,

1 Pita 1:7

a kiíy jii, sí kooy bèy, aá fíʼ yen ji vèn wày rú shilív e Kristu wùn. Mo á kù yii mum kisha ke á fer mbàm sho e və̀y, e bó a shèŋrì, a dzə̀ kifá ke kí wíy mày, bo dzə̀ á kù mùm sa ven, é vèn fíʼ màysì, e wày shilív e Kristu wùn, wíy lóo dzə e kishiíy ke wù wíy kfən, aá wáa burí ven, a meér yír yén.

Ŋwàʼ woó Rom 8:28

A vèsən kì jii, Nyùy yii sə́ vèsən ve á koŋ wun, yii, a vinyo ve ví kooy vèsən vidzə̀m vi binkìr fo vèsən ji ve juŋ vi. Dzə̀ vèsən vin ve Nyùy liìn ji wír və́, á wáa yiì vinyo ve wù‑uù sìysìn vidzə̀m.

2 Korin 4:17

A ŋgeʼ se vèr yén fo shintàm fèn sìn si náŋsin ver náŋsín, é vèr wìy nə̀ə́ e Nyùy mvə̀m vijùŋ ve ghaʼán ví, ve bó yòʼ dzə̀ ví mày, a bó yòʼ dzə̀ wìr kìíy móo fìʼ.

Ŋwàʼ woó Rom 15:4

Vinyo ve vé‑eè saŋen é Ŋwàʼ Nyùy fo mbìy vi‑iì dzə̀ ji ví wáa yeʼéy vèsən, a lùmèr melív mèsən, é vèsən wáa yeʼtí a dzə̀ e Nyùy wùn, a leéy fó mbìy, a yu a dzə̀ fo wun.

2 Pita 1:6

Wìr kú a yeʼéy mo dzə̀ wù kùʼtí shilív sə́, a tiy kitávín e Nyùy mbìv, a ker liì a dzə̀ wo wìr və́.

Ŋwàʼ woó Rom 8:25

Yii bèy, mo vèsən kù shiy kifá, a bó á yóʼ ne yèn, vèsən ku nèn a yu a dzə̀ fo ŋgaà kàʼ, a leéy fó mbìy, a shìy, là dór.

Hibru 12:1

Mo vèsən sí yén wír nyanyày e vèsə́n ghaŋ mbìv sidzə̀m, a dzə̀ ve á din mo dzə̀ wìr wày shilív e Nyùy wùn, vèsən ku nèn a yiì moo áwune, e màʼtì vinyo ve dzə̀ ví jàvsìn vèsən à Nyùy vidzə̀m. Vèsən maʼay vinyo ve bi ve ví rə́ʼəy vèsən, e wày ŋàŋ, a leʼ a dzə̀ kileʼ ke vèsən sí léʼé,

2 Tesalonika 3:5

Vèr nen kfə̀n a lon jii, wun woo Tàr wòsən kú a dànèr a melív men, é vèn wáa kòŋ Nyùy, a yu a dzə̀ fó fo mo wúnwun woo Kristu‑uù yú.

2 Tesalonika 1:4

Á kinyo ke kí yii, bo vèr wáa burí ven e vímóʼ vee vintatì ve Nyùy vi, a fìʼtì mo vèn yén ŋgeʼ sinín, a wíri ban ven é ŋàŋ, a vèn kù tíy vèn à Nyùy, wáy shilív a dzə̀ e wun wùn.

Ŋwàʼ woó Rom 2:7

Lóo dzə wír wo wù‑uù rə́si yii a dzə̀ vinyo ve ru ví, leey ji wáa binsí Nyùy, shiy mbùʼmé a dzə̀ wo Nyùy ji wùn Nyùy ku wìy a dzə ghán sidzə̀m, é Nyùy nèn fò ké ŋgaàŋ a dzə̀ dzəʼə̀m yee là may.

Ŋwàʼ Luk 21:19

Vèn wáa tiy rì kitávín, e wìy nəə́ e dzə̀ʼə̀m yee là may.

Hibru 6:12

Lá wìr yòʼ a yiì ŋgòy. Vèn wáa bìʼnìn a dzə̀ wír ve á siìn fó mbìy, aá koóy ne ŋkàʼmé woo shooy, bìʼ fo vé‑eè dzə́, wáy shilív a dzə̀ e Nyùy wùn, leey fó mbìy ji nyaáŋ.