Jeem 1:21 - ŊWÀʼ NYÙY

²¹ Kí nén a dzə jii, vèn maʼti á liì joònè e dzə̀m, e fəə̀ fó bǎm vinyò ve kisaŋ vi vidzə̀m, a neŋ a dzə̀ e Nyùy si, a yu a dzə̀ fo wùn jì ye wù wayin e věn meliv. Á kinyo ke dzə̀ kí dànèr ven é dzə̀ʼə̀m yee là may.

Jeem 1:21 Referans Kwoze

Efesor 4:22

Vèn maʼti ri liì wo vèn‑eè kér fo mbìy. Wù‑uù bìvír ven bívírín, bìʼ fo vèn‑eè wáy vifií a dzə̀ é vinyò ve mensə́ men mè lim, dom ven, a vèn yii.

Efesor 1:13

A kù dzə̀ sá mo kén kí dzəə̀n, ven ve bó yòʼ dzəə̀n wír veé Isray. Vèn‑eè yù sáʼka woo rú woo kùm Jesus Kristu wo dzə̀ wù lùŋèr ven, e wày shilív é wùn wó. Mo vèn à Kristu siìn kintatì, Nyùy nen fò ven Kiyoy kfə́ ke Ranén kí ke wù‑uù yiìn ne kàʼ wír və́ shó. Wáa dzə kisəəm ke wù səə̀mèn ven shó ji və́ vee wír,

1 Pita 2:11

Ŋkàr sem, vèn wáa kuumé ji vèn dzə̀ viŋgwìy, a vèn bee beèn é ndzə fèn. M nén a lon jii, lá vèn yòʼ a yu fo věn mensə me mè tíy a dzə̀ é vinyò veé ndzə fèn, funèn melív men me vèn tiirin e Nyùy wùn.

Joon 6:63

Vèn wáa kiíy jii, kù yii fó Kiyoy ke Nyùy dzəʼə̀m yee là may e wìr, a bó yòʼ dzə̀ wìr wàa ker fo wùn vitaaví. A jí se m súŋnin e vèn sin si lo fo Kiyoy kee shooy ki, nén a dzə síwun se sí fó dzəʼə̀m yee là may.

Nsùyrì Nyùy 25:9

Wù danèr wír ve á néŋ e wun si mo á wáa tiír kiwuú kév, a fìʼ, merìr áwune mo á wáa jùmrì kiwuú kfə́.

1 Pita 2:1

Kí nén a dzə jii, mo Nyùy foon ne ven dzəʼə̀m ye fíy rə̀ne, vèn ku nèn màʼtì melív me bi mè. Lá wìr yòʼ dzə́ə a boʼtí sa kimboʼtì. Lá wù yòʼ a suŋnín lám e baà. Lá vèn yòʼ a dìy kifá ke wìr. Lá vèn yòʼ a suʼ kinsuʼ.

Hibru 12:1

Mo vèsən sí yén wír nyanyày e vèsə́n ghaŋ mbìv sidzə̀m, a dzə̀ ve á din mo dzə̀ wìr wày shilív e Nyùy wùn, vèsən ku nèn a yiì moo áwune, e màʼtì vinyo ve dzə̀ ví jàvsìn vèsən à Nyùy vidzə̀m. Vèsən maʼay vinyo ve bi ve ví rə́ʼəy vèsən, e wày ŋàŋ, a leʼ a dzə̀ kileʼ ke vèsən sí léʼé,

Jeem 4:8

Vèn wáa koʼtí e Nyùy ghaŋ, é Nyùy wáa koʼtí sa e věn ghaŋ. Ven ve á buʼtì vinyo, vèn fəə́r wó yéné fó fo. Ven ve á tíy vèn à Nyùy melív mebaà, vèn fəə́r kwaʼtì ye bií fo věn meliv.

Titur 2:11

Dzə̀ mo dzə̀ wír Nyùyi kù a yiì, bìʼ fo Nyùy dìnèn ne mo wù koŋ wíri, shám áwune, aá fíʼ lùŋ adzə̀m.

Ŋwàʼ woó Rom 1:16

A bó yòʼ dzə̀ m wàa woomé fó a fìʼtì gheéy, bìʼ fo m kiìn féyì ji dzə̀ á vitaáví vé Nyùy, a ví yii, á lóo fìʼtì, wíri wàa way shilív e Wan və́ wùn, wun woo Nyùy wàa lùŋèr áwune adzə̀m, kìn dzə̀ wír veé Juda ve kinyo kìn ki‑iì dzəə̀n kév fó mbìy, kìn vitúm ve ví yú kév a dzə̀ lèn.

Hibru 4:2

Vèsən yù ne sáʼka wo juŋ woo shooy réŋréŋ mo vé mbìy vìyi‑iì yuun. Yii bèy, a vé‑eè yú kév, la kí yòʼ a sə áwune, bìʼ fo vé‑eè yú, e làa yòʼ a way shilív shó.

Hibru 2:3

Mo kí dzəə̀n ben, vèsən kfən lò, a meŋ kiŋgaʼnìn ke kinyò ke yiìn Wan Nyùy ji vèsən fiʼ lùŋ, bo dzə̀ vèsən yèe, e bóo bòy fo ŋgeʼ? Kù‑uù tòmbìy, a fìʼtì wun woo Taàtá wòsən Jesus Kristu kinyo kìn, é bo wír ve vé‑eè yuuné wáa fìʼtì, é vèsən wáa kiíy sa mo kí dzəə̀n.

1 Korin 15:2

A Nyùy sí luŋèr ven a dzə̀ bìʼ kinyo ke mò‑oò fìʼtìn e vèn kin, a vèn fèn tíy sho shilív shimòʼón, e dù, e jòʼsì, a bó dzə̀ ji vèn yòʼ‑oò lo biìmé rú kinyo kee shoon.

Ŋwàʼ woó Rom 6:17

A m beerì Nyùy feyì, bìʼ fo vèn‑eè dzə́ fo mbìy, reŋ vikwàn fó vinyò ve bi ví. Á wìy yèʼéy ven kinyo ke dzəə̀n ke ru kí, vèn biímé, e wày é shiliv, a yiì mo kí dzəə̀n.

Aysaya 29:19

Nyùy Tàr wíy yiì, é wír ve vé‑eè nyavrì aáwuneé kfə́n, a sheʼrí, e yiì, é vé kitàne wáa yu vijuŋ, bìʼ Ŋgaà wo Ranén woó Isray.

Joon 6:68

Simon Pita nèn bìnèr jii, «Tàr, vèr kfə̀n du, e yen a dzə̀ la? Kù jòʼsì wò wo à kér jí se sí fó dzəʼə̀m yee là may.

1 Tesalonika 2:13

Kinyo kímóʼ kí ke vèr rə́si beerì Nyùy fo fo ki dzə̀ jii, vèr‑iì fìʼtì kinyo kfə́ e vèn, vèn ku nèn biìmé ji dzə̀ rú á ntum Nyùy, a bó yòʼ dzə̀ ye wìr. Mo vèn biimen, yì nèn a lùm e věn meliv kitávín.

2 Korin 7:1

Ŋkar sem, mo Nyùy kàʼàn vèsən é kinyò fèn, vèsən ku nèn a nyeŋ vinyo ve ví kóʼoy fo Nyùy vidzə̀m, kìn dzə̀ ke wìr kwaʼtì fo wùn shiliv, kìn dzə̀ ke wù yii yiìn. Vèsən ku fò vitú vesən a dzə̀ e Nyùy ŋkuuŋkùŋ, a ghvəm wun, a yu a dzə̀ fó fo.

Aysaya 30:22

Kù é ghan fóo fèy, é vèn nèn a kuúy mebvə̀m men medzə̀m, me á shèŋrìn e *kisha ke mbàm ke fəvír kí, kìn e ke baar kí, a màʼày moo vifá ve ví kóʼoyì, a yen feyì ji vifá ve lom vi.

Aysaya 2:20

Wíy lòo dzə e kishiíy fóo fèy, é wìr dzə̀m maʼay mebvə̀m mev, mebvə̀m, a vé‑eè fer e kisha ke mbàm ke fəvír wùn à ke baar kí, fer ji anyùy vév, nèn ghvə́mé. Á kù wíy màʼày a dzə̀ e virònnsay wùn à vilíim ví.

Lim Aŋgàa Ntum 13:26

Por kfən yòŋ áwune jii, «Afə̀r vem, ven vee rám Abraham, e lì wír ve á ghvə́m sa Nyùy adzə̀m, Nyùy‑iì tiìsí ntum yee mo á wíy lùŋ rə̀n a dzə̀ e vèsən.

Aysaya 61:1

Kiyoy ke Nyùy Tàr woo Taà Ndzə ki shiy mo, bìʼ fo Nyùy Tàr yoʼon ne mo, e tùm ji m wáa fiʼtì sáʼka wo juŋ e vé ŋgeʼe. Wù‑uù tùm mo ji m rəər wír ve melív mev mè seèmèn ne, a tiisí e wír ve á koon é shùu rərí ji á yíi bòyìr áwune fó vikwàn, a tiisí e vé sháŋé ji á sí lo, e fəə́r áwune fó lav sháŋ.

1 Pita 1:9

bìʼ fo vèn kiìn jii, mo vèn wáy shilív e Kristu wùn, vèn waà wíy lùŋ, e nəə́ e dzə̀ʼə̀m yee là may.

Ŋwàʼ woó Rom 11:17

Wír veé Israyi nén a dzə moo kicí ke Nyùy bìyìn, kí kúy, a koóm. A ven ve bó yòʼ dzəə̀n wír veé Israyi dzə̀ kén moo kicí ke kí kúy kuyín é kwaʼ, a bó á yòʼ yii kfə́rí. Nyùy nen faàrì símóʼ see tám fo wǔn kici fey, e lì ven, e bàrír fo, vèn wáa nyoŋ mendzə́v fo kicí kee shooy kí wùn, a koóm.

Lim Aŋgàa Ntum 10:33

M yú bey, e kù nèn tsə̀nsí ntum ji à wiy. À wíy ben, kí bóŋ féyì. Vèr nén a dzə fèn lèn adzə̀m e Nyùy si, a shìy ji á yú kinyo ke Nyùy Tàr tiisin ji à wiy, e fèr e vèr.»

Matio 5:5

Bòŋ ké wìr ve á bórkir e Nyùy si, bìʼ fo áwune wíy yòv kitú ke nsay.

Tsəfaniya 2:3

Ven adzə̀m veé wòŋ fèn ve á li vitú vén vitérí, ven ve á yúnin nsər se Nyùy Tàr, vèn kú a yiì vinyo a dzə̀ ve wù taʼà. Vèn kú a neŋ e wun si, a tàm, é wù kim ven e wun kishiíy ké dòʼshwiíy.

Esiker 36:25

M wíy tsəm shindzə́v she ranén shí e věn wùn, é vèn rán fó kifàn ke vèn‑eè liìn bìʼ vinyo vidzə̀m ve vèn‑eè lorin vitú vén shó. Vèn wíy ran fo kifàn ke vèn‑eè ghvəmen mebvə̀m, e lì.

Esiker 18:31

Vèn maʼay vinyo ve bi ví ve vèn bùʼtìn vidzə̀m, e tìnsín mo shó. Vèn wáa ker shilív she fíy shi, a ker kiyoy ke sən kí. Vèn koŋ kpú ji ká wìr veé Isray?

1 Tesalonika 1:5

bìʼ fo vèr kuúme mo vèr‑iì fiʼtì sáʼka Nyùy wo juŋ e vèn. Vèr‑iì fiʼtì, a báyri Kiyoy ke Ranén kí melív men, a vèn biíme, bìʼ fo vèr yòʼ‑oò fiʼtì a dzə̀ e shúu cáʼcáʼ. Vèn‑eè ló a yen e sí yéné mo vèr‑iì dzə́ e věn mvəm ji kinyo ke Nyùy ki fiʼ tùúy.

Efesor 5:4

A bó kí yoʼ ghèén sa ji wìr wáa fèr kimfèr ke kisaŋ ki, a mèn jí se bi sí, kìn wù fer a dzə̀ kimfèr ke kiyuŋ kí. Vèn wáa fèr a dzə̀ vinyo ve dzə̀ ví wàa sùyrì Nyùy.

Efesor 4:25

Kí nén a dzə jii, lá wìr yòʼ dzəə bòʼtí a fə́r və. Wìr wáa suúy a dzə̀ kinyo ke ru kí e fər və, a kuumé ji mo wùn wun tatin e Kristu kinyò, á sì á ji kitú kimòʼón.

Jeem 5:20

Vèn wáa kiíy jii, a wìr bìnèr wír wo wù toon é vinyò ve bi ví, wù kfə́n é bàm, e màʼtì dzə́ə rə kisaŋ rə̀y, bo ŋgaàŋ fə̀ə́r wír woo shooy a dzə̀ fó kpu, e yiì, Nyùy láysín nyanyày vinyò ve bi ví.

1 Pita 1:22

Mo vèn kù sí tíy a dzə̀ e Nyùy kinyò ke ru kí, vèn nén a ker melív me juŋ mè lèn, me dzə̀ vèn wàa kòŋ afə́r vén ve vèn áwune tíy e kinyò fèn kijuŋ. Vèn ku nèn a kòŋnìn bèy shilív shidzə̀m,