Jeem 1:2 - ŊWÀʼ NYÙY

² Afə̀r vem, ŋgeʼ si lóo koóy ven, vèn kù a lì ji bòŋ a vishí vén, a fə̀m dzə̀ kfə́ə ŋgeʼ yee ka.

Jeem 1:2 Referans Kwoze

Jeem 1:12

Wír wo dzə̀ wù wàa sheʼrí dzə̀ wo wù tosin é mvə̀m ŋgeʼ, e làa yòʼ gbù fo kinyò kímóʼ kí, e to e jay. Mo kinyo ki mùmèn wun, wù só, wù wíy a ker vinə́ŋsí, a dzə̀ dzəʼə̀m yee là may ye Nyùy kàʼàn wír ve á koŋ wun sho.

Filipi 1:29

Vèn wáa kiíy ji Nyùy yòʼ bùʼ ven ji wír Kristu cáʼcáʼ ji vèn wáy a dzə̀ shilív é wùn wó, e fíʼ lùŋ. Wù bùʼ sa ji vèn wáa yen ŋgeʼ bìʼ kinyo ke wun woo Jesus Kristu,

2 Pita 2:9

Vinyo vìn vi nén a dìn mo dzə̀ Nyùy fə̀ə́r wír ve á yú kinyo kfə́ fó ndzə ye bi ye yì gháʼ áwune rə̀n, e kfə̀n a dìn mo wù lóvti e wír ve bií, shiy kishiíy ké nsaʼ,

Kolosia 1:24

Yii bèy, á wày ne mo é ŋgeʼ lèn, bìʼ fo m fiʼtì kinyo kee shooy e vèn. A m shéʼri kee shooy shéʼrín, bìʼ fo m yén ŋgeʼ a dzə̀ fo kintatì ke dzəə̀n wún Kristu ki. Wù‑uù yèn ŋgeʼ sigháʼán, e bóo kèʼ kintatì kìn. M nén a yen kém ŋgeʼ lèn ji m maysi kinyo ke wù‑uù kèʼèn, é kintatì ki fíʼ tuúy.

Ŋgaà Yen 2:10

Vèn wáa kiíy ji ŋgeʼ símóʼ sí kù dzəə́ yiì a koóy a ven. Yii bèy, sí lóo koóy, lá vèn yòʼ a fàn. Satan sí yiì a mùm ven, aá wáa koorí wír ámóʼó fo věn mvəm, a way e sháŋ. A vèn wíy yen ŋgeʼ see shooy bèy, e meé kishiíy e ghvə̀m. M nén a tir ven jii, vèn kú a yu a dzə̀ fo mò, a fə̀m dzə̀ kpú, é m wìy nə̀ŋsí ven e dzəʼə̀m yee là mayi.

Lim Aŋgàa Ntum 5:41

Áwune lò fo vé wòŋé si, a dù, a sheʼrí ji áwune ghèén a e wìr ve dzə̀ á wàa shoór bìʼ Jesus.

Hibru 10:34

Vèn‑eè yii bèy, bìʼ fo vé‑eè rə́r mendzən fo vé sháŋ vee shooyi. Wíri‑iì lóo bàn ven, lóo faàsì vifá vén, vèn kù a biimé biimén, a sheʼrí, bìʼ fo vèn kiìn ji vèn kér vifá vén vímóʼ ví ve ví shaàn veé nsay fèn vìn, a bó yòʼ dzə̀ vee shooy vi wìy mày.

Filipi 2:17

Mo vèn wayin shilív e Wàn Nyùy wùn, a sheʼrí, bo dzə̀ cu mo vèn cu Nyùy. A wù ben yèn ji á yúyrí mo, e dzə̀sì cu yén shó, bo m kù nəə a dzə̀ e věn mvə̀m kisheʼrì, é vèsən maysi, a yu vijuŋ.

Ŋwàʼ woó Rom 5:3

Yii bèy, mo vèsən kù dzəə́ dzə́ lèn, yén ŋgeʼ, vèsən ku yòʼ a sheʼrí sa ŋgeʼ see shoon, bìʼ fo vèsən kiìn ji ŋgeʼ sìn si yii, a vèsən yéʼti a dzə̀ e Nyùy wùn.

Jeem 1:16

Afə̀r vem, vèn wáa yen fó a boʼtí vitú vén.

Jeem 1:19

Afə̀r vem, vèn səəm kinyo kìn ki kijuŋ. Wìr ku yuùrí kinyo kijuŋ. Wìr wáa səʼə́m, e bó a suŋnín. Lá wìr yòʼ a tav, a shwiíy kilòŋ.

Jeem 5:11

Vèsən kì ji áwune sí yú vijuŋ a dzə̀ á vé Nyùy, bìʼ fo á kù‑uù tíy a dzə̀ e Nyùy wùn, e dù, e jòʼsì. Vèn kfən yù sá mo ŋgeʼ si‑iì kooy Jov, a wù kù tíy a dzə̀ e Nyùy wùn. A vèn kì mo Nyùy‑iì yiìn. Wù‑uù bìnèr ŋgeʼ sə́ siy ji vijuŋ, bìʼ fo wù yii shám wíri, rə́r mendzən fo áwune.

Filipi 2:18

M nén a tàʼ sa ji m wíy lóo sheʼrí e ghan see shooy, vèn wàa sheʼrí a sa.