Jeem 1:18 - ŊWÀʼ NYÙY

¹⁸ Kù‑uù sìysì wun, bo vèsən wáa dzə wón və́. Wù‑uù tsə̀nsí vèsən jí rə ye dzəə̀n kinyo ke ru kí ji á fiʼ kìíy wun, a dzə ji kifá ke mbìy ki ke wù tayin, e siìr ji kfə́ fó vifa ve wù‑uù bomen vidzə̀m.

Jeem 1:18 Referans Kwoze

1 Pita 1:23

a kiíy jii, jí se Nyùy se sí tíy fo ghán sidzə̀m, fó dzəʼə̀m ye fíyi, si yiì ne, á dzəə́ ven afíy. A bó yòʼ dzə̀ ji wón wìr wo dzə̀ wù kpù, vèn sì wón Nyùy wo wù gòʼòn kàŋ mòʼón.

Joon 1:13

A bó á yòʼ dzə̀ wón Nyùy ji vé‑eè dzə̀ə́ áwune bey mo wíri yii lóo dzə, á dzə̀ə́ wán. A bó yòʼ dzə̀ sá ji yì‑iì sìysì wír. Á dzə̀, bìʼ fo wúnwun woo Nyùy siìn Tàr wov.

1 Pita 1:3

Vèsən ku nèn a beèrì Nyùy woo Tàr à Taàtá wòsən Jesus Kristu. Wù‑uù rə̀r ne mendzən fo vèsən é ŋàŋ, e yiì, vèsən wáa dzə wír və́ bìʼ Jesus Kristu. Mo Kristu‑uù kpuun fo vèsən, e kfə̀n fəə̀ fó kpu, vèsən nén a dzə wír ve á dzəə̀n afíy. A vèsən sí dzə́ lèn, njeʼ feyì, leey a dzə̀ fó mbìy ji

Ŋgaà Yen 14:4

Mo áwune ghvə́m a dzə̀ Wan Njiì Nyùy, á nén a dzə là shilóm moo wánlè lùmèn wo bó yòʼ dzə̀ wù kùm wiíy, kù dzə́, shiy a dzə̀ və́ə. Áwune ku nèn a jùmrì a dzə̀ wun woo Wan Njiì Nyùy, wùn áwune wáa dù fo wù du. A Nyùy‑iì shòʼtí ne áwune, e fə̀ə́r fo wìr msǒŋ mvəm, wáa dzə wír mbìyi ve kér wun woo Nyùy wùn Wan və wo á yoŋ ji Wan Njiì.

Jeremia 2:3

Rúrú, Isray‑iì dzə̀ kitúm kee jeéy kí ji ké Nyùy Tàr. Wù dzə̀ ji ŋgòn sə́ sé vifa ve wù kavin. Wìr lúʼ e shuù, Nyùy màʼ ŋgeʼ e wun, lòné jùmrì ŋgaàŋ. Suuy mo woo Nyùy Tàr.› »

Efesor 1:12

Vèr nén a dzə wír mbìyi ve vé‑eè tiirin vifií e Jesus Kristu wùn, a shìy. Nyùy‑iì yiì bey ji wíri wáa yen mo wun woo Nyùy dzəə̀n e gháʼán, a burí wun.

1 Joon 3:9

Vèn wáa kiíy jii, wìr wo dzəə̀n wan Nyùy yòʼ kfə̀n dzəə́ yii vinyo ve bi ví, bìʼ fo wù sí kér liì Nyùy wo dzəə̀n Tàr wov. Mo wù siìn wan Nyùy, bó yòʼ dzə̀ wù kfə̀n a yiì vinyo ve bi ví gheéy.

Hibru 12:23

Vèn tíy kén a dzə̀ é mvə̀m kintatì ke wìr ve Nyùy‑iì shoʼon ji wón və́ mbìyi, e sàŋ yír sév e wùn ŋwàʼ woó yuv. Vèn wìy ne lèn, a tiy e wun woo Nyùy wo wù tínen nsaʼ se wìr dzə̀m si, a wù tátí ne vèn à viyoy ve wìr ve vé‑eè wìyìn ne fo mbìyi, ve wù‑uù naŋsin ne ji wír və́ ŋkuuŋkùŋ.

Jeem 1:21

Kí nén a dzə jii, vèn maʼti á liì joònè e dzə̀m, e fəə̀ fó bǎm vinyò ve kisaŋ vi vidzə̀m, a neŋ a dzə̀ e Nyùy si, a yu a dzə̀ fo wùn jì ye wù wayin e věn meliv. Á kinyo ke dzə̀ kí dànèr ven é dzə̀ʼə̀m yee là may.

1 Korin 4:15

A vèn fə̀m kér wír wií wií ve á yéʼey ven kinyo ke Jesus Kristu, bo tàr won wo wù‑uù dànèn ven é kinyò foo fèn kù jòʼsì e mòʼón. A dzə̀ mo woo Por wo dzəə̀n tàr won wo wù‑uù dzəən ven é kinyò fèn e ghan se mò‑oò wìyìn, a fìʼtì sáʼka woo kùm Jesus Kristu e vèn.

Ŋwàʼ woó Rom 4:17

réŋréŋ mo vé‑eè saŋen ji Nyùy‑iì yòŋ e wun a jii, «M lèm ne wò ji tàr à vitum vinín.» Abraham nén a dzə tàr wòsən fo Nyùy si. A dzə̀ wun woo Nyùy wo Abraham‑eè wayin shilív é wùn wó, kfə́n a dzə wun wo wù yii, a wìr wo wù kpuun ne kfə́n e tin, kfə̀n yii, a vinyo ve ví yòʼ siìn ví kooy mo wù‑uù kàʼàn.

Amos 6:1

Lòné dzə̀ wó wìr veé Sion, áwune ve á yén ji vinyo vév ví ghán e mboʼ. Lòné dzə̀ wó wìr ve á dzə́ e Gwan Samaria, áwune ve á yén ji á dzə̀ akiŋsìn, atǎr saʼ veé kitum ke mbìy ki féyì feyì, áwune ve wír veé Israyi yoy, tiir a dzə̀ aáwuné wùn.

Cù 23:10

«Suúy e wír veé Israyi jii, vèn wíy nəə e wòŋ woo fo m li ven, e dù sho, káv vifá, vèn tòmbìy lì ŋgòn se vifa, e sə̀ə́y, e dù, e yèn taà cù sho.

2 Korin 6:7

Lóo suúy kinyo, á kù a suúy a dzə̀ ke ru kí. Lo, e ghan símóʼ sí, vèr wàa yiì vinyo ve ví din vitaáví vé Nyùy. Mo liì wor yénsin tìítiy, nén a dzə moo kòŋ ye vèr maʼ rə́r sé Nyùy sho, e kfə̀n a dzə moo ŋkeè wo vèr kiŋ vitú vér shó.

Efesor 1:13

A kù dzə̀ sá mo kén kí dzəə̀n, ven ve bó yòʼ dzəə̀n wír veé Isray. Vèn‑eè yù sáʼka woo rú woo kùm Jesus Kristu wo dzə̀ wù lùŋèr ven, e wày shilív é wùn wó. Mo vèn à Kristu siìn kintatì, Nyùy nen fò ven Kiyoy kfə́ ke Ranén kí ke wù‑uù yiìn ne kàʼ wír və́ shó. Wáa dzə kisəəm ke wù səə̀mèn ven shó ji və́ vee wír,

2 Timoti 2:15

Ghár lim yée kitávín, e làa yòʼ dzə́ə wìy a woomé ji wò‑oò yii a ŋgòy. Kú a lìm ji Nyùy wáa sheʼrí wò ji ŋgaà lìm wo juŋ wo wù yéʼey wíri kinyo kfə́ ke ru kí é dzəə yee réŋ shilív shimòʼón.

Jeem 1:15

Shií və̀n távkirì, nèn fəə̀ kinyo ke bi kí. Kí ram, kí nèn bvə̀ysín a dzə̀ é kpu ye dzəə̀n lòn woo là may.

Jeem 3:14

A wìr lò, a ker kfə́ a dzə̀ kinsiimè e wùn shiliv, a dìy a dzə̀ ntaʼ, ŋgaàŋ wàa yen fó a dìn kitú kfə́ ji ŋgaà vifiì. A wù yii bèy, bo wù sí bívir kinyo ke Nyùy ke ru kí.