Jeem 1:12 - ŊWÀʼ NYÙY

¹² Wír wo dzə̀ wù wàa sheʼrí dzə̀ wo wù tosin é mvə̀m ŋgeʼ, e làa yòʼ gbù fo kinyò kímóʼ kí, e to e jay. Mo kinyo ki mùmèn wun, wù só, wù wíy a ker vinə́ŋsí, a dzə̀ dzəʼə̀m yee là may ye Nyùy kàʼàn wír ve á koŋ wun sho.

Jeem 1:12 Referans Kwoze

1 Pita 5:10

Vèn wáa kiíy ji vèn kù yén ŋgeʼ rə̀n a dzə̀ fó shintàm, é Nyùy wo wù rə́si shám ven ku nèn fə̀ə́r ven fó fo. Wù‑uù lì ven, e tàtí vèn à Kristu ji vèn fíʼ wìy nə̀ə́ e wùn mvə̀m vijùŋ vee là may, a wù kù wíy a leéy fo vèn, a tom ven, é vèn wáa tiy kitávín, é la wìr yòʼ a sə̀ʼ.

Ŋgaà Yen 2:10

Vèn wáa kiíy ji ŋgeʼ símóʼ sí kù dzəə́ yiì a koóy a ven. Yii bèy, sí lóo koóy, lá vèn yòʼ a fàn. Satan sí yiì a mùm ven, aá wáa koorí wír ámóʼó fo věn mvəm, a way e sháŋ. A vèn wíy yen ŋgeʼ see shooy bèy, e meé kishiíy e ghvə̀m. M nén a tir ven jii, vèn kú a yu a dzə̀ fo mò, a fə̀m dzə̀ kpú, é m wìy nə̀ŋsí ven e dzəʼə̀m yee là mayi.

Jeem 5:11

Vèsən kì ji áwune sí yú vijuŋ a dzə̀ á vé Nyùy, bìʼ fo á kù‑uù tíy a dzə̀ e Nyùy wùn, e dù, e jòʼsì. Vèn kfən yù sá mo ŋgeʼ si‑iì kooy Jov, a wù kù tíy a dzə̀ e Nyùy wùn. A vèn kì mo Nyùy‑iì yiìn. Wù‑uù bìnèr ŋgeʼ sə́ siy ji vijuŋ, bìʼ fo wù yii shám wíri, rə́r mendzən fo áwune.

Ŋwàʼ woó Rom 8:28

A vèsən kì jii, Nyùy yii sə́ vèsən ve á koŋ wun, yii, a vinyo ve ví kooy vèsən vidzə̀m vi binkìr fo vèsən ji ve juŋ vi. Dzə̀ vèsən vin ve Nyùy liìn ji wír və́, á wáa yiì vinyo ve wù‑uù sìysìn vidzə̀m.

Matio 10:22

Wìr dzə̀m wíy a bàn ven, bìʼ fo vèn dzəə̀n wír vém. Yii bèy, vèn wáa kuumé jii, wìr wo wù wíy tiím kitávín, e dù, e jòʼsì waà wíy lùŋ.

1 Korin 9:25

a kuumé jii, wìr yii lóo dzə ji wun wíy nəə́ e ghay kinsènín, wù bàʼtí wún və́, e mèrìr a kijuŋ. Wù yii bèy, a vinə́ŋsí ve wù túyti sí sho vìn vi dzə̀, a bó yòʼ dzə̀ ví wìy shaàrì. Yii bèy, a vesən vee vinə́ŋsí ví wíy shaàrì.

1 Pita 3:14

Aá fə̀m lò, a nyàvrì e vèn ji bìʼ fo vèn yii vinyo ve juŋ vi, vèn kù a sheʼrí sheʼrín. Lá vèn yòʼ a fàn wír vee shooy, a leéy kinyo ke á yii e vèn, é melív men mè wáa yàʼ.

2 Timoti 4:8

A m kì jii, Taàtá wòsən Jesus wo wù wíy a tinén kinyo ke wìr réŋ mo kí dzəə̀n lèm ne a vinə́ŋsí vém, a wù wíy kfən e kishiíy fó, é wù fó, é m sov ji fəə yém nsiì. A bó wù yòʼ wíy fo a dzə̀ e mò cáʼcáʼ gheéy. Wù wíy fo e wír ve vé‑eè koŋ wune adzə̀m, shiy ji wù wiy.

Jeem 2:5

Afə̀r vem, vèn yuúrí, e yù. Wír ve Nyùy‑iì shoʼon ji á wáy shilív e Jesus Kristu wùn, a ker ghay wùn à Nyùyi kù dzə̀ wír ve á tan e ndzə fèn. A dzə̀ áwune ve á wíy nəə́ e wùn mvə̀m saʼ, a yu vijuŋ ve wù‑uù kàʼàn wír ve á koŋ wun sho.

1 Pita 5:4

Vèn lóo yiì bèy, wíy lóo dzə e ghan se Jesus wo dzəə̀n kitú ke anshìy wíy kfən, é wù nə́ŋsí ven e vijuŋ ve dzəə̀n vé Nyùy vi.

1 Korin 2:9

A dzə̀ kíwun ke vé‑eè saŋen é Ŋwàʼ Nyùy jii: «Vinyo ve bó wìr yòʼ‑oò yiì ne yèn, a bó á yòʼ‑oò yiì ne yù, a bó ví yòʼ fə̀m‑eè yiì ne wìy e wìr vifii, ví dzə̀ víwun ve Nyùy‑iì sìysìn fo wír ve á koŋ wune.»

Remrí 8:2

Vèn ku wìy a kuumé mo Nyùy Tàr‑iì tsəənen ven é kiya kee mkweè kìn, e tòsín wóʼ shó. Wù‑uù tsəə́ne bèy, soyrì ven e ŋgeʼ si, e fíʼ sə̀r ven, e kiíy shilív shén ji sà dzə̀ vèn lèm nsər sə́, mo bó yòʼ dzə̀ á lèm á.

Ŋgàn 17:3

Á yii sheŋrì *kisha ke mbàm ke fəvír kí, à ke baar kí e və́yí, a kù dzə̀ mo Nyùy Tàr tar melív me wíri.

Sekariya 13:9

Ashàr wìr vìn, é m wáy é və̀y, e shèŋrì mo á shèŋrì *kisha ke mbàm ke fəvír kí. M kù wíy mùm áwune e və́yí, mo á mùm kisha ke mbàm ke baar kí. Áwune wíy a mbaà mo, a yòŋ yír yém, é m yú bunrì yév. M wíy yòŋ jii, ‹Víne dzə̀ wír vém,› aáwune bínsí jii, ‹Nyùy Tàr dzə̀ Nyùy wor.› »

Ŋgaà Yen 3:21

Vèn wáa kiíy jii, wìr wo wù wíy so vinyo veé ndzə ye bi rə̀n, dzə̀ wo m wíy lì, é vèr wun wáa dzə e mǒ kàvàʼ, réŋréŋ sá mo mò‑oò soon vinyo veé ndzə, Tàr wor Nyùy lì mo, vèr wun wáa dzə e wùn kàvàʼ.

1 Pita 4:13

A dzə̀ vèn wàa sheʼrí Nyùy shéʼrín ji wù yiì, vèn wáa yen ŋgeʼ bìʼ kinyo kfə́ mo Kristu‑uù yéné, wíy lóo dzə e ghan se Kristu wíy a wìy, a wù sí kér vikuʼùy a dzə̀ vé Nyùy, é vèn nəə́ sá e wùn mvə̀m vijùŋ, a sheʼrí.

1 Korin 8:3

Wìr wo Nyùy kiìn ji dzə̀ wír dzə̀ wo wù koŋ a dzə̀ wun woo Nyùy.

Ŋgaà Yen 3:19

Vèn wáa kuumé jii, m yii lóo kòŋ wír, m kù a saʼ, a sə̀r ji wù fíʼ fiír. Vèn ku nèn lèm vinyo ve m suuy vìn e vifii, e bìnèr melív men, a yiì mo ví dzəə̀n.

Remrí 13:3

lá vèn yòʼ yuùrí kinyo ke ŋgaà ntum woo shooy, kìn ké ŋgaà wo wù tóʼti njèm. Kí kooy bèy, a dzə̀ ji Nyùy Tàr woo Nyùy won taásin ven taásín, e fíʼ kiíy ji vèn sà koŋ wun shilív shidzə̀m, e fò kitú kén e wun kidzə̀m a.

Hibru 10:32

Vèn wáa kuumé ghán se vèn‑eè kèʼèn, a yen rán ye dzəə̀n yé Nyùy. Ŋgeʼ si‑iì kooy ven sinín, a vèn kù tíy vèn à Nyùy, la kinyo ki yòʼ a sə̀ʼ ven gheéy.

Nsùyrì Nyùy 119:71

Kí kù bòŋ mo wò‑oò màʼàn ŋgeʼ e mǒ kitu, ji m fiʼ yèʼéy sáʼ yé.

Remrí 7:9

«Bo dzə̀ ji vèn kiíy á ji Nyùy Tàr woo Nyùy won kù dzə̀ wun Nyùy. Wù dzə̀ Nyùy woo ŋgaà suuyrú, a wù yii tíy e wun mensàŋ, din koŋ rə́ ye wiyí e wír ve á koŋ wun, kfə̀n lem nsər səə́. Wù kù wíy a dìn bèy mo ŋgwàʼ sév sí wíy a koʼ viyá viyá là may.

Hibru 6:15

Abraham yú bey, e nèn wày vifií é ŋkàʼmé fèy, a leéy fó mbìy ji nyaáŋ, e nèn wìy lò, e kòóy ŋkàʼmé woo shooy.

Matio 25:34

«Wù javsìnè, é wun woo Fon nèn sùúy e veé koy yìyí jii, ‹Ven ve Tàr wor bùʼùn ne, vèn wiy, e nə̀ə́ e wùn mvə̀m saʼ, a yi vijuŋ ve wù‑uù naŋsin fó ŋgùʼ, é bo ndzə wìy a kèʼ, e lèm e vèn.

Nsùyrì Nyùy 119:67

Wò‑oò màʼ ŋgeʼ e mò, bo m fiír. Mò‑oò tèn fó a yu wò, yii bèy, m sí yúnin jí yè lèn.

Nehemia 1:5

Mò‑oò bunrì jii, «Éè Nyùy Tàr woo Nyùy woó yuv, à kùʼ, aà dzə̀ e gháʼtín. À yii tíy e wò *mensàŋ, din koŋ yé ye wiyí e wír ve á koŋ wò, yúnin nsər sée.

Hibru 11:17

Mo Abraham kù‑uù sí wáy shilív a dzə̀ e Nyùy wùn, Nyùy wìy lò, e mùm wun, wù ku nèn biìmé. Wun woo Abraham wo Nyùy‑iì kàʼàn ji wù wíy a ker rám nèn lì wán və woo Aysi ji wun sí cu a Nyùy sho.

Nsùyrì Nyùy 119:75

Nyùy Tàr, m kì ji à yii tínen nsaʼ là kiloʼ, a wò‑oò lo màʼ ŋgeʼ e mǒ kitu, aà koŋ mo kóŋen.

1 Joon 4:19

Vèn kuúmé ji vèsən koŋ Nyùy, kfə̀n koŋnìn lèn, bìʼ fo yì‑iì kèʼèn wun woo Nyùy, a kòŋ vèsən.

Aysaya 64:4

Kèʼ fo ŋgwàrìn wòŋ, bó wìr yòʼ‑oò ghàn ne yù, a bó wìr yòʼ‑oò ghàn ne yèn Nyùy wo wù dzəə̀n moo wò, Nyùy, wo wù leey fo wír ve á yoy, tiir e wun wùné.

Nsùyrì Nyùy 5:11

Yii bèy, ké wìr ve á lir e wò wùn, ku yiì, aá wáa yu vijuŋ, a yòv ghán sidzə̀m, a sàvnìn. Kú a kìŋsìn áwune, é wír ve á koŋ wòo wáa sheʼrí, a nàn yír yé.

Ŋwàʼ Fəə 20:6

Yii bèy, a m din koŋ yém e wóné, e ŋgwàʼ sí ŋgwàʼ si, e dù, e meé nsə̀kì, bìʼ koŋ ye atàr véví koŋ mo, lem nsər sém.

Hibru 12:5

Vèn kuúmé sá ntir ye Ŋwàʼ Nyùyi tír ven shó, yoŋ ven ji wón Nyùy, suuy jii: «Wan wòm, Nyùy Tàr lóo sə̀r wò fo kinyò, à yuùrí. Wù lóo saʼ wò, lá à yòʼ a weèy.

Ŋwàʼ Jov 5:17

Rúrú, bòŋ ké wìr wo Nyùy naarì jay və. Nyùy woo Ŋgaà Vitaàví Vidzə̀m lóo sə̀r wò, lá à yòʼ a ŋway ŋwayín.

Nsùyrì Nyùy 94:12

Éè Nyùy Tàr, bòŋ ké wìr wo à sərì, sər ŋgaàŋ, li nsər yè, tír wun sho.

Kèʼlo 22:1

Nyùy nèn wìy lò, e mùm Abraham. Wù‑uù jàŋ wun ji Abraham. Wù biímé jii, «Mo və̀ne.»

Ŋwàʼ Jov 2:10

Yii bèy, Jov ku bìnèr e yeè lav və jii, «À suuy kinyo a dzə̀ ke a kì dzə̀ sùúy kiyúŋ ké wiíy. A dzə̀ wòsò kù a səəsí a dzə̀ kinyo ke juŋ ki fo Nyùy, e làa yòʼ səəsí ŋgeʼ à?» Mo vinyo vìn vi‑iì kooyin Jov, bó Jov yòʼ‑oò lo jày, a sày Nyùy.

Nsùyrì Nyùy 11:5

Nyùy Tàr kaʼày wír wo wù yúnin wun, kaʼày wo wù méŋ wun, a shilív sə́ shí tún wo wù koŋ melaà.

Ŋwàʼ Luk 6:22

«Vèn lóo jùmrì ŋgaà wo yírí dzəə̀n *Wanwìr, wíri lóo bàn ven, lóo jùmjùm, lóo kuùrì ven, lóo yòŋ ven e yír se bi sí, bo bòŋ vishí vén.

Ŋwàʼ woó Rom 5:4

Vèsən lóo yeʼtí bèy, é liì wòsən nèn màysì ghèén Nyùy. Gheenè, é vèsən ku nèn a leéy a dzə̀ fó mbìy, a shìy ghán se vèsən à Nyùy wíy a dzə.

2 Timoti 2:15

Ghár lim yée kitávín, e làa yòʼ dzə́ə wìy a woomé ji wò‑oò yii a ŋgòy. Kú a lìm ji Nyùy wáa sheʼrí wò ji ŋgaà lìm wo juŋ wo wù yéʼey wíri kinyo kfə́ ke ru kí é dzəə yee réŋ shilív shimòʼón.

1 Pita 4:14

Kí nén a dzə jii, a wíri lò, a suúy vinyo e věn bàm kisáŋ ji bìʼ fo vèn dzəə̀n wír Kristu, vèn kù lì ji bòŋ a vishí vén, bìʼ fo ghán see shooy si dzəə̀n se vèn yú mo Kiyoy ke Nyùy ke kí kér vitaáví ve ghaʼán kí lim e věn wùn.