Jeem 1:11 - ŊWÀʼ NYÙY

¹¹ A dzə̀ mo viŋgà ví yii buyì, shùy mbáŋri, báné, ví kù nèn yòvrí, e keèsí, vijuŋ və́ vee shooy vi nèn lày. Kù dzə̀ réŋréŋ mo ŋgaà bùʼ wíy lòo tàʼtìn e wùn kitu ke bùʼ, é wù sasin, e kpù, e màʼtì bùʼ woo shooy.

Jeem 1:11 Referans Kwoze

Maak 4:6

Yii bèy, shùy kèʼ bán, sí nèn yòvrí, e yùm, bìʼ fo gháŋé yòʼ‑oò dzəə̀n.

Matio 13:6

Yii bèy, shùy lòo ban, vifá vee shooy vi nèn yòvrí, e yùm bìʼ fo gháŋé yòʼ‑oò dzəə̀n e nín.

1 Pita 5:4

Vèn lóo yiì bèy, wíy lóo dzə e ghan se Jesus wo dzəə̀n kitú ke anshìy wíy kfən, é wù nə́ŋsí ven e vijuŋ ve dzəə̀n vé Nyùy vi.

1 Pita 1:4

vèsən wìy nə̀ə́ e mvə̀m vijùŋ ve Nyùy‑iì naŋsin, e lèm e wír vəə́ vidzə̀m. A wù lèm a dzə̀ e wùn wòŋ woó yuv fo ví kù wíy a dzə ghán sidzə̀m, a bó yòʼ dzə̀ ví ŋeèmé, e lày, a bó yòʼ dzə̀ sá ví bìr fó gheéy.

1 Korin 7:31

Wír ve á kér ntàʼtìn e ndzə fèn adzə̀me ku nèn a yiì vinyo vév moo wír ve bó á yòʼ wáy vifií é vinyò veé ndzə fèn. Vèn kú a yiì bèy, bìʼ fo ndzə rə̀n dzəə̀n lèn bèn, a yì sí dunìnè.

Nsùyrì Nyùy 102:4

M dzə̀ moo jíy ye yí yumen ne, a bvəʼə́y, shuu wómé kpú fó viyikìr.

Aysaya 49:10

Jìŋ yòʼ dzəə́ wìy a yar áwune, a bó kilòŋ kí yòʼ dzəə́ wìy a yum áwune. Shwér wo lumèné yòʼ dzəə́ wìy a feè áwune, a bó shùy yòʼ dzəə́ wìy a tòn áwune. Kí dzə̀ jii, mo woo Nyùy Tàr wo m shám áwune, m wíy a dànèr áwune é dzəə ye juŋ, a dù sho fo ntòŋ sé ndzəv se dzə̀ á wàa no si dzə̀kìn.

Aysaya 28:4

é vijuŋ ve ŋkàlaʼ vi may moo kibuushì ke kí keesin, ŋkàlaʼ, a yì dzə̀ é mbìv kùy mboʼ yee fo nsay borin kijuŋ. Ví yíi mày moo tútúʼ woo koóm é shùu kimgbù ke wuu, tútúʼ wo wìr shóv e si, wù kòy, e màʼ màʼàn é shuù.

Aysaya 28:1

Ŋgeʼ dzə̀ ye ŋkàlaʼ ye yì bòŋèn moo ntáráʼ, ŋkàlaʼ ye yì dzəə̀n é mbìv kùy mboʼ ye nsay yee fó borin kijuŋ, e dù, e mày. Ŋkàlaʼ ye amfoòkìnó veé ram Efrayime kóʼor wún shó. Vijuŋ və́ ve ghaʼán ví kfə̀n ne ji kibuushì ke kí yúmé, kí sòóy.

Ŋgaà Tàrvìnyò 5:15

Kù dzə̀ jii, wìr fəə́ fo yè wóv bvə̀m, a wù yòʼ kér kifá, a wù wíy lòo kpu, e làa yòʼ lì kifá. Wù yòʼ wíy lì kifá fo vifa ve wù‑uù ndzə̀ʼnìn, e kàv.

Nsùyrì Nyùy 102:11

Vishiíy vém ví sí mayì moo kindzə̀ə́ndzəm keé kintoŋrìshùy, a m sí yóvri moo viŋgà.

Nsùyrì Nyùy 37:2

Áwune kù yíi sàsìn, e yovrí moo viŋgà. Á yíi soóy moo vikwiíy ve shoòŋ vi.

Nsùyrì Nyùy 39:6

Wíri ghán e yuv, a dzəʼə̀m yéví dzə̀ moo kindzə̀ə́ndzəm bèy. Á gar gàrìn, aá kù gar kisáŋ. Wìr lo, wù bàʼtí bùʼ, a bó wù yòʼ kì wír wo wù wíy yi vitsə́ʼ və́.

Nsùyrì Nyùy 90:6

Viŋgà vi teʼ, buy kijàvndzə, ŋkuùr gheenè, ví yùm, e sòóy.

Nsùyrì Nyùy 103:15

Wìr dzə̀, a dzəʼə̀m rəə́ dzə̀ moo viŋgà, lo, wù wàa kuy, a bòʼrì moo kibuushì keé kwaʼ.

Matio 6:30

Vèn dzə̀ ben, a bó á yòʼ lo, á wày shilív e Nyùy wùn. Mo Nyùy kúr ndzə̀y e vikwiíy ví wùn, a ví teʼ lèn, yì rán kibvəə́shí, á kaàsì, e tòn, bo bó yòʼ dzə̀ wù màʼ se sí shaàn see shooy e věn wùn a?

Matio 20:12

a suúy jii, ‹Vèr kì rə̀sí kishiíy kifur, a gvəsín e lìm, shùy wáa tòn ver, á ku làʼ vèr à vé bàmé réŋréŋ, aá lím kév hawa e mòʼón mòʼón cáʼcáʼ.›

2 Samuel 22:46

Wúmé kpú fo áwuné bvə̀m, á wáa yàʼ, a meekír fo virə̀ʼ ve ví kiŋ áwune.