Jeem 1:10 - ŊWÀʼ NYÙY

¹⁰ Wo dzəə̀n ŋgaà bùʼ ku nèn a sheʼrí kfə́ mo á sí yén wun lèn fo tèr, bìʼ fo wù kiìn ji dzə̀ wun kù màʼtì bùʼ və réŋréŋ moo viŋgà ve ví buy lèn, ví kù nèn yòvrí.

Jeem 1:10 Referans Kwoze

1 Pita 1:24

A dzə̀ mo vé‑eè saŋen é Ŋwàʼ Nyùy jii: «Wìr dzə̀ moo viŋgà, a vijuŋ və́ ví dzə̀ moo vibuushì. Viŋgà, a ví yúm, vibuushì ví keèsí,

1 Joon 2:17

A ndzə rə̀n wíy mày, é vifá ve wíri siíme vìn vi may sá. Yii bèy, wìr wo wù yii kfə́ a dzə̀ kinyo ke Nyùy koŋè wíy shaàrì, a dzə ghán sidzə̀m.

Ŋwàʼ Jov 14:2

Wìr kù kúy moo kibuushì, wù nèn ŋeèmé, e lày. Wù nyéŋ moo kindzə̀ə́ndzəm, dzəʼə̀m rəə́ nèn kù ndzə̀y.

1 Timoti 6:17

M nén kfə̀n a suúy e wò jii, à kú a tir wír ve á kér bùʼ a dzə̀ woó ndzə fèn a ji lá á yòʼ a koʼór wún, a tiír vifií a dzə̀ é bùʼ foo fèy, bìʼ fo bó yòʼ dzə̀ á kìíy ghán se wù mayì. Áwune wáa tiír vifií a dzə̀ e Nyùy wùn. Fó wun vifá vidzə̀m, a wù fó nyanyày feyì ji vèsən wáa yu vijuŋ fo fo.

Matio 5:3

«Bòŋ ké wìr ve á yén ji á tan fo Nyùy si, bìʼ fo dzəə̀n áwune ve á sí yú vijuŋ ve saʼ Nyùy.

1 Korin 7:31

Wír ve á kér ntàʼtìn e ndzə fèn adzə̀me ku nèn a yiì vinyo vév moo wír ve bó á yòʼ wáy vifií é vinyò veé ndzə fèn. Vèn kú a yiì bèy, bìʼ fo ndzə rə̀n dzəə̀n lèn bèn, a yì sí dunìnè.

Nsùyrì Nyùy 103:15

Wìr dzə̀, a dzəʼə̀m rəə́ dzə̀ moo viŋgà, lo, wù wàa kuy, a bòʼrì moo kibuushì keé kwaʼ.

Jeem 4:14

Vèn lóo suúy bèy, a vèn kì kinyo ke kí bvəə́shi, e koóy a? Vèn dzə̀, a dzəʼə̀m yéné dzə̀ moo mbàʼŋkfəə́mé ye á yén lèn, shishàr, yì nèn lày.

Matio 6:30

Vèn dzə̀ ben, a bó á yòʼ lo, á wày shilív e Nyùy wùn. Mo Nyùy kúr ndzə̀y e vikwiíy ví wùn, a ví teʼ lèn, yì rán kibvəə́shí, á kaàsì, e tòn, bo bó yòʼ dzə̀ wù màʼ se sí shaàn see shooy e věn wùn a?

Aysaya 66:2

Bó yòʼ‑oò fèr mo vifá vìn vidzə̀m à? Rúrú, á mo vifá vìn vidzə̀m vi‑iì ghanen, e bó a dzə. Suuy mo woo Nyùy Tàr. «Á bèy, kfə́ə wìr wo m yíi a leéy, a yu vijuŋ dzə̀ wo wù li kitú kfə́ fó tèr, bórkir e mǒ si, yú jí yem, fan fó lì fo tèr.

Aysaya 40:6

Mò‑oò yù jí wìr, a yì suuy e mò jii, «Ku fìʼtì sáʼka e wíri.» M dzə́r jii, «M lo, a fìʼtì ji ka?» Yì binèr ji m fiʼti á jii, «Wìr dzə̀m kù dzə̀ moo viŋgà. Vijuŋ ve wìr vi kù dzə̀ moo kibuushì keé kwaʼ.

Filipi 3:8

A bó yòʼ jòʼsì kee shooy cáʼcáʼ. M sí yén vifá vidzə̀m ji kilày ji m fíʼ a ker ke kuʼùn kí, a dzə̀ á ji m maysi, e nəə̀nín vèr Tàr wòsən Jesus Kristu, e kìíy wun kijuŋ. M nen màʼày vinyo vìn vidzə̀m a dzə̀ bìʼ wun woo Kristu, a yen lèn, ví wáa koʼóy koʼoyín ji m fíʼ a tiy a dzə̀ á vèr wun,

Aysaya 57:15

Wun woo Taà Vitu, wo viwìr və́ ví yòʼ kér mfìʼ, a wù kù dzə̀ shó ghán sidzə̀m, e dù, e jòʼsì, a yír rəə́ dzə̀ Ŋgaà wo Ranén, wù suuy jii, «M kù yii dzə́ kém é ntoò yùv, e mǒ kirə̀ʼ ke ranén kí, a m kfə̀n dzə́ sa vèr à wír ve á diy bìʼ ajay vév, néŋ e mǒ sii. M yiì bèy ji áwune fíʼ a ker fo á tiir vifií.

Nsùyrì Nyùy 102:11

Vishiíy vém ví sí mayì moo kindzə̀ə́ndzəm keé kintoŋrìshùy, a m sí yóvri moo viŋgà.

Nsùyrì Nyùy 37:2

Áwune kù yíi sàsìn, e yovrí moo viŋgà. Á yíi soóy moo vikwiíy ve shoòŋ vi.

Nsùyrì Nyùy 39:6

Wíri ghán e yuv, a dzəʼə̀m yéví dzə̀ moo kindzə̀ə́ndzəm bèy. Á gar gàrìn, aá kù gar kisáŋ. Wìr lo, wù bàʼtí bùʼ, a bó wù yòʼ kì wír wo wù wíy yi vitsə́ʼ və́.

Aysaya 40:7

Nyùy Tàr lo, wù yiì, shwér wo lumèné wàa shaà, a yumér viŋgà, vibuushì ví wàa yovrí. Kí dzə̀ jii, wìr msòŋ e dzə̀m kù dzə̀ ji viŋgà.