Hosea 9:3 - ŊWÀʼ NYÙY

³ Vèn yòʼ yíi gòʼ e Nyùy Tǎr nsay, vèn kér fó yìi kfən e bàm é wòŋ Ejiv. Vèn wíy a dzə e nsay Assiriya, a yi viyíkìr a dzə̀ ve ví sí kér kifàn.

Hosea 9:3 Referans Kwoze

Esiker 4:13

Nyùy Tàr kú a yòŋ jii, «Á mo wír veé Israyi wíy a yi kibán ke *kifàn bey e vitum fo m wíy taʼár, aá dukir.»

Hosea 8:13

«Áwune koŋ a cù mo e nyám si, a kù dzə̀ ji á koóy nyám yée kfər, a bó yòʼ dzə̀ mo woo Nyùy Tàr, m səə̀sí áwune gheéy. Ké lèn ki, m lo, e kiv njò yev, e màʼ ŋgeʼ aáwuné kitu. M yíi siìr áwune é bàm é Ejiv.

Cù 25:23

«Lá vèn yòʼ wìy a fiìnè nsay ŋkuuŋkùŋ, bìʼ fo yòʼ kér ven. Kér mo, a vèn dzə̀ viŋgwìy mo m lèmèn ji vèn wáa dzə sho.

Jeremia 2:7

M ku lì ven, e wìy sho e nsay njòŋ, e wìy sho ji vèn wáa bòn a vifá ve juŋ ve ví fəə́ fo fo. Vèn nəə́ fó, e nèn bìvír nsay yem bívírín, e yiì, nsay yem kfə́n ji ye *kifàn.

Hosea 7:11

Wír veé Israyi sí tuʼtìn moo kibìŋ, lón sə́mo fo wír veé Ejivi, léʼ, du a dzə̀ fo wír veé Assiriyàa.

Daniel 1:8

Daniel nèn lò, e wày kfə́ ji bó yòʼ dzə̀ á wun lùʼ viyíkìr veé ntoʼ e wun shuù, kìn ji wun nó bóm, e lor kitú kfə́. Wù nèn kù lòn kitú ke vé lìm kìy ji kí ku màʼtì a kilíŋ kfə́, fo wun li *kifàn.

Jeremia 16:18

M wíy tombìy màʼ ŋgeʼ aáwuné kitu, e kfə̀n dzə̀sì ji vilaʼày vév vé yiì ye bií wùn à vé ajay vi. Áwune bìvír ne nsay yem e mebvə̀m mè, vifá, a ví kóʼoyì, a bó ví yòʼ ŋeʼè, mè kù dzə̀ moo dzə́n sí. Áwune rùnér ne nsay ye mò‑oò shavin ji yéem e vifá ve ví kóʼoy mo ví.»

2 Afòn 17:6

Wáa dzə, a Fòn Hoshea sí sáʼ ji kiyá bvə̀ʼə̀, wír veé Assiriyàa nèn tòn Samaria, e kùúy wír veé Isray, e dù sho e Assiriya, e lèm ámóʼó é Hala, e lèm ámóʼó é Gosan e ghaa ndzəv yee Habor, ámóʼó é ŋkà se laʼ seé Media.

1 Afòn 9:7

bo m yíi fəə́r wír veé Isray fo nsay ye m foon aáwune, é m kfən mèŋ lav cù rə̀n, ye m kì lèmèn ne ji yee jeéy ji á wíy a cù mo shó, aá nèn wìy a màʼ Isray máʼan é ŋgàn, é vitúm vidzə̀m vi wáa jàʼ áwune jáʼan.

Remrí 28:63

Mo Nyùy Tàr‑iì keerin shií wó a yiì, é vèn wáa yu vijuŋ, e kfə̀n a yiì, é vèn wáa kùʼ, bo kù dzə̀ mo Nyùy Tàr wíy keerí shií wóo laàr ven, e səʼsí, e meé mo wù wíy tuŋ ven, e fəə́r fo nsay ye vèn sí du, e nəə́ sho ji á yov.

Remrí 4:26

M nén a bi yúv wùn à nsay lán ji á wáa yen a kinyo ke vèn yii. A vèn tàv kitú fo Nyùy, é la vèn yòʼ dzəə dzə̀ʼtì ntàmda e nsay ye vèn líysin Jordan, e nəə́ sho. Bo vèn lo, e rèŋ fo kitu ke nsay, e mày. A kí kòóy bèy, aá ku laàr ven láarin ŋkuuŋkùŋ.

Lim Aŋgàa Ntum 10:14

Pita bìnèr jii, «Nyaa mǒ Tàr, bó yòʼ dzə̀ m mùm. Bó m yòʼ‑oo yíi ne yì kifá ke kí kóʼoyì, ke kí kér *kifàn.»

Mayka 2:10

Ven vé kifàʼa, vèn lo, a dùkìr. Féne yòʼ dzə̀ kirə́ʼ kén ké meèmè, bìʼ fo vinyo vén ve bi ví yiì ne, a kirə́ʼ kin ki yíi lày, e dù e kibvə.

Hosea 11:11

Áwune wíy a kfən fo Ejiv moo menə́n, a yàʼ, a kfən fo Assiriya moo ŋgoo vibìŋ. Wiyì, é m siir áwune aáwuné melaʼ. Suuy mo woo Nyùy Tàr.»

Hosea 11:5

Àáy, mo áwune tenen fó kfən e mǒ wùn, bo á kér fóo kfən e bàm é Ejiv. Kfə́né, é fòn woó Assiriya wáa taa aáwuné kitu.

Hosea 9:6

A vèn fèn lèʼ, fo wír veé Assiriyàa laar ven, bo wír veé Ejivi kù‑úù báʼtí ven, e yùyrí. Yúyri, é wír veé Memfisi dzəəme. Vimbìn ví wíy fəə, e sətí bùʼ won, é vitiír vé njoŋ vi wáa tèʼ láʼ sén sidzə̀m.

Joshua 23:15

Mo Nyùy Tàr yiìn ne vinyo ve juŋ ve wù‑uù kàʼàn ven shó vidzə̀m, bo kù dzə̀ sá mo dzə̀ wù wìy yiì ve bi ví vidzə̀m, e màʼ ŋgeʼ e věn kitu, e meé mo wù‑úù laar ven fó nsay ye juŋ ye wun woo Nyùy Tàr woo Nyùy won‑eè foon e vèn.

Remrí 28:68

Á bèy, é Nyùy Tàr nèn wìy wày ven é vikoŋ veé ndzəv, e tsə̀nsí e bàm é Ejiv, fə̀m mo wù‑uù yòŋèn ne ji bó vèn yòʼ kfə̀n dzəə́ wìy siíy, e ghan kfə́ə ghan yee ben. Vèn du fo, é vèn wáa fiìnè vitú áàŋgàa vibàn véné ji akwàn vee vilum, à vee vikìyí, là aŋgàa yun.»

Cù 20:22

«Nyùy Tàr kú a suúy jii, vèn wáa yunín nsər sém, a jùmrì ntir sém sí sidzə̀m, a yiì mo sí dzəə̀n, é la nsay Kanan yee fo m li ven, e dù sho yòʼ wìy mèŋ ven.

Cù 18:28

Kí nén a dzə jii, a vèn wìy mùm, bo nsay wíy meŋ ven mo yì‑iì meŋen wír ve vé‑eè dzə́ fo.

Yòvdìy 5:6

Vèr shwì ne kitú e Ejiv, e shwì é Assiriya, e bó a koóy kifá ké a yi.

Hosea 7:16

e bìnkìr, a kìʼ kifá, a bó yòʼ dzə̀ Nyùy. Áwune dzə̀ kév moo kinte ke bó yòʼ dzə̀ kí tè kifá. Atǎr saʼ véví sévti mo, aá kù yíi kpu yé rər. Kpú bèy, é wír veé Ejivi wáa sheʼ áwune.»

Amos 7:17

Á bèy, Nyùy Tàr nén a suúy e wò woo Amatsiya jii, ‹Yeè lav wò yíi kfən ji sàkì e ŋkàlaʼ. Wón vé vee vilum wùn à vee vikìyí wíy kpu yé rər, é wír ámóʼó yov súm sén, e jàv, a wówò kitú ké, à wíy kpu e wír ve á méŋ Nyùyi nsay. Rúrú, á wíy koorí wír veé Isray, e fəə́r fo áwuné wòŋ, e dù sho e wòŋ wo səné.› »