Hosea 9:1 - ŊWÀʼ NYÙY

¹ Éè wìr veé Isray, vèn yar ŋkàʼ se vèn yí, shéʼri a dzə̀ anyùy vitum si. Vèn bìn ne ndzə̀m e Nyùy won, kù mo wiíy màʼày lúm, e fəə̀ visàkì. Vèn shéʼri anyùy kisaŋe e věn virə̀ʼ ve vèn búʼ sáŋ shó vidzə̀m, shéʼri, ji sì á vilaámé vé cù ye vèn cu áwune.

Hosea 9:1 Referans Kwoze

Hosea 10:5

Wír ve á dzə́ e ŋkàlaʼ yee Samariàa wíy a dìy, a shèŋ kitú, bìʼ shibvə̀m sheé nsə̀nin wàn nàʼ, she áwune làyìn é Bet‑Aven. Áwune wùn aàtàá cù véví wíy a toŋ, a jeetí, bìʼ vijuŋ ve shibvə̀m shìn she á liìn, e dù sho.

Hosea 4:12

Áwune kù sí mbaa a dzə̀ mebvə̀m, a dzə̀ kicí mo á semen, kwaʼ ji kí yíi suúy kinyo ke kí bvəə́shi, e koóy. Shií wo áwune kér fo mebvə̀m mè yiì ne, á jáy dzə́ə. Á kfə̀n ne ji sàkì, e màʼày mo, e dù, e yèn a dzə̀ anyùy ve səné.

Jeremia 44:17

Vèr kù wíy a yiì vinyo vér vidzə̀m, a dzə̀ mo vèr‑iì kàʼàn ne. Vèr wíy a tòn kiláy, a cù Yaà woó Yuv shó, e kfə̀n a cù wun e meluʼ mè. Vèr kù wíy a yiì réŋréŋ mo atàr vér wùn aàfone, à vé saʼa‑aà rə́si yii e ŋkà se laʼ seé Juda, kfə̀n yii e dzəə seé Jerusalem. Vèr‑iì yii bèy, kér vifá ve yi nyanyày, kér dzəʼə̀m ye juŋe, a bó ŋgeʼ yòʼ‑oò dzə́.

Jeem 5:1

M nén a suúy kinyo kímóʼ kí lèn a dzə̀ e vé bùʼu. Vèn wáa dìy, a ghèʼsìn. Ŋgeʼ yíi gbù e věn kitu.

Jeem 4:16

Vèn lo kén, á nèn a dzə̀v a dzə̀ nsaŋ, a sevtí mo vèn bvəə́shi, e yiì. Vèn wáa kiíy jii, fó a sevtí bèy dzə̀ á kinyo ke kisaŋ ki.

Amos 6:13

Dzə̀ ven vin ve vé‑eè tònèn Lo Debar, vèn wáa dzə̀v nsaŋ, e kfə̀n a sevtí jii, «Bó vèr yòʼ‑oò lo tòn Karnayim, a dzə̀ e vitaáví vér ví, e faàsì à?»

Amos 3:2

«Fo vitum vidzə̀m veé kitu ke nsay, m shòʼ a dzə̀ ven ji wír vém vee jeéy, Kí nén a dzə jii, m kér fó yìi màʼ ŋgeʼ e věn kitu, bìʼ vinyo ve vèn buʼtì.»

Hosea 5:7

Áwune shwèy ne Nyùy Tàr, e dù a yen a dzə̀ anyùy ve səné, a wón ve á kéríi yòʼ dzə̀ vé Nyùy. Bìʼ bey, ŋkàʼ se á lem e kitu ke ŋwee ji sé Nyùy si ló, e bìnkìr, e laàr áwune láarin, à nsay yev shó.

Hosea 5:4

Vinyo ve wíri buʼtì vi shèm ne fo áwune kfə́n é bàm e Nyùy wóv wùn. Shií wo áwune kér fo anyùyi yiì ne, a bó yòʼ dzə̀ á kfə̀n a kiíy Nyùy Tàr.

Hosea 2:12

M wíy laàr vitiír vév vé *vayin, e laàr vicí vév vé *fig, vifá, a Isray yoŋ ji dzə̀ vilaʼày ve alúm vəə́ fó e wun. M wíy yiì, é súm sin si kfə́n ji kóv, é nyám se kwaʼ si laar.

Esiker 21:10

Á baày ne nyùy rə̀r, a dzə̀ yì yùyrí, e sòr, yì wáa bàvkìr moo kishèv. A dzə̀ vèn kfə̀n a yeʼtí e Juda woo wán wóm vifòn a? Bó nyùy rə̀r rə̀n yòʼ bávti vifon vímóʼ ví.

Esiker 20:32

«Vèn táŋ jii, vèn‑éè wáa dzə moo vitúm vímóʼ ví, a ghvəm vicí, a ghvəm vilán, a bó yòʼ dzə̀ kí wìy kòóy.

Yòvdìy 4:21

Àshè, wìr veé Edom, ven ve á dzə́ e nsay Us, vèn wáa sheʼrí rì, a yu vijuŋ vi. Wóon woo bàr ŋgeʼ kù yíi wìy sa, a vèn yíi no, a baa, e shoʼóy ndzə̀y, a dzə kinshóʼ.

Aysaya 17:11

Aá fə̀m bìy, ví lo é kishiíy, yì wáa ran, a ví saám ne, bo wíy lòo dzə e ghan sé ŋkav vifa, é vèn fəə́ e wóo, bìʼ fo siìn kiyá ke jiŋ, a yàsí wùn à nyári nəə́ ne.

Amos 8:10

Yòʼ jòʼsì kee shooy, m wíy bìnèr vishiíy vén vé ŋkàʼ, é ví kfə́n ji vishiíy vé kindzəə̀mè. M wíy bìnèr luŋ sén sé kisheʼrì, é sí kfə́n ji sé kpu, e yiì, é vèn kwaay vitú, e màʼ ndzə̀y sé kpu. Vèn wíy a dìy, a shèŋ kitú moo kfəə́ ye màyshó wan wov shèsìn. Kinyo kidzə̀m ke kí wíy a koóy e kishiíy fen ki kù wíy a dzə ké mendzə̀n ki.»

Nsùyrì Nyùy 73:27

Rúrú, wír ve á méŋ wòo kù wíy lày. À kù wíy laàr wír ve á bóʼti wò adzə̀m.

Amos 4:5

Vèn wáa yiì rì cu vibeèrìí e kibán ke kí kér nyaà kí, a dzə̀v nsaŋ, bìʼ fómo wo vèn wiy sho, yoŋ ji woo jeéy. Á kinyo ke wír veé Israyi koŋ a sə ŋgúm shó. Suuy mo woo Nyùy Tàr woo Taa Ndzə.

Jeremia 2:19

Yii yé ye bií yíi way wò e ŋgeʼ. Bin ye à bìnèn ndzə̀m e mòó yíi dìn kisáŋ ké. Kú a kiíy, a yen kinyo ke à yii ki. Maʼày ye à màʼàyìn Nyùy Tàrí bìr féyì, a kí kfə̀n kér nyár e ŋàŋ. À yòʼ yii fan mo gheéy. Suuy mo woo Nyùy Tàr woo Taà Ndzə, mo woo Taà Mànjòŋ.»

Jeremia 2:20

«Isray, e kèʼ fo kèʼ, à kù‑uù mèŋ ne sáʼ yém, e tèn fó a neŋ e mǒ sar. Wò‑oò kinèn ji bó yòʼ dzə̀ à yù kinyo kém, e lò fo fo, e shòʼ a dzə̀ virə́ʼ vé anyùy. Wò‑oò ghán vitú ve agwan vidzə̀m, du e sar se vici ve rəŋsìn ví, néŋ fo, yii visàkì vé.

Esiker 16:15

«Yii bèy, à yén mo à bòŋèn, e yùʼtí wún, e nèn lì kitú ké, e sàn é kwaʼ ji sàkì wo wù shiy nshaàdzəə̀ là nyaʼ.

Esiker 16:30

Nyùy Tàr woo Taà Ndzə nén a taŋnín, a ghay jii, ‹À sà joy yàsí gha e wò shiliv, bó a shoʼ virom ve visàkì vee ben, là dzə̀rkìtu a?