Hosea 8:8 - ŊWÀʼ NYÙY

⁸ Vitúm vi rèŋèr ne vitaáví vé Isray, aá kù sì e vitúm ví mvəm moo kimbvə́ʼ ke kìŋ.

Hosea 8:8 Referans Kwoze

Jeremia 22:28

Dzə̀ ji Jehoyiacin kì sì ji kimbvə́ʼ ke kìŋ ke á wáa tèr fo fo à? Wù sì ji kifá ke bó wìr yòʼ dzəə́ kér shií shó à? Kòóy ka, é bo á li wùn à kfə́ə rəə́, e dù sho e kwaʼ nsàm, e kitum ke bó áwune yòʼ kiìn?

Jeremia 51:34

Wír veé Jerusaleme tóŋ jii, «Fòn Nebukadnessar woó Babilon sə̀ʼsí ne ver sə́ʼsín. Wù bvə̀ʼə́y ne ver, e kànsí mo á kànsí kitém, kí wáa dzə kiyúmér. Wù koò ne ver moo kigàgǎʼsòŋ, e shòʼtí mbìv se wù koŋè, e kfə̀r, e nèn cù kibér.»

Ŋwàʼ woó Rom 9:22

Kù dzə̀ réŋréŋ sá mo Nyùy yii yii e wíri. Wù‑uù sìysì ne ji wun kù wíy dìn mo dzə̀ wun shwìíy kilòŋ fó vinyò ve wíri yii, aá yén mo wun kér vitaáví. Yii bèy, wù ku yòʼ kfə̀mén, a dzə, a leéy wír ve dzə̀ wù kù laàr vìy ji nyaáŋ.

Esiker 36:3

«Á bèy wàn wìr msòŋ, ku tiìsí kinyo ki, e sùúy ji ke Nyùy Tàr woo Taà Ndzə suuy ki dzə̀ á jii, ‹Vitúm vìn vi‑iì tòn woŋ agwan woó Isray, e sòr, wú nén a dzə kéŋ vitum veé ndzə, wìr dzə̀m lí é vitu ve sòŋ ji kimfèr kév.

Yòvdìy 2:16

Aŋgaà vé vibàné mvə̀ʼ ne shuu, e lèm e rə́, e tàtí, a te lám e wò wùn. Áwune ŋèytí ne sóŋ, a sheʼ, a suúy jii, «Vèr laàr ne wun. Àjwè, kin ki dzə̀ kishiíy, a vèr‑iì shiyì, a kí wìy ne lèn, vèr yén.»

Yòvdìy 2:5

Nyùy Tàr kfə̀n ne ji ŋgaà vibàn, e laàr Isray láarin. Wù‑uù kèr láʼ sév se kuʼkìn sí, e bvə̀ʼə́y virə́ʼ vév ve tavkín ví vidzə̀m. Wù yiì ne, wír veé Judàa wáa rəsí, a toŋ, a dìy a dzə̀ kpú ghán sidzə̀m.

Yòvdìy 2:2

Nyùy Tàr laàr ne virə́ʼ vé dzə vee Jakov ram. Wù laàr ne vidzə̀m, là mendzən. Wù shwìíy ne kilòŋ, e kètì virə́ʼ veé Juda ve tavkín ví. Wù màʼ ne sáʼ yee fó wùn à vé saʼa, á gbú ben, a neŋ fo nsay, a woomé.

Jeremia 50:17

Nyùy Tàr suuy jii: «Wír veé Israyi dzə̀ moo njiì wo abvərə̀ʼə́ jùmèn, wù táʼrí. Wìr mbìy wóo kèʼ, a laàr áwune‑eè dzə̀ fon woó Assiriya. Fòn Nebukadnessar woó Babilon nèn màysì, e bvə̀ʼə́y.

Jeremia 48:38

Bó kinyo ke ru kí yòʼ kfə̀n dzə̀ é Moav e shaà tóŋ. Kù dzə̀ tóŋ e virə̀ʼ vé kirəsí veé vitu ve lav vidzə̀m, ǎ mentàrnín mee fó. Kí dzə̀ bey, bìʼ fo m bvəʼəyin ne Moav, kù moo kíŋ ye wìr yòʼ dzəə́ kér shií shó. Suuy mo woo Nyùy Tàr.

Aysaya 30:14

Kí wíy keèsì, kù moo ji bvə̀ʼə́m ntòn mbóm, wo wù lo, wù bvə̀ʼə́y, a bó yòʼ dzə̀ á kfə̀n bòŋ kifá fo fo, kìn dzə̀ ke dzə̀ á fə̀ə́r káy və̀y shó fo kiy, kìn ji á sér mendzə́v shó fo ntòn.»

2 Afòn 18:11

Fòn woó Assiriya‑aà kùúy wír veé Isray, e dù sho e Assiriya, e lèm ámóʼó é Hala, e lèm ámóʼó é Gosan, e ghaa ndzəv yee Habor, ámóʼó é ŋkà se laʼ seé Media.

Remrí 28:64

«Nyùy Tàr wíy taʼár ven e vitúm vidzə̀m ví mvəm, e kèʼ fo buu ndzə wúmóʼó, e dù, e bàʼ e wúmóʼó, a vèn wíy dù, a ghvəm anyùy ámóʼó ve á fèrìn e kicí kí, wùn à vé á fèrìn e tíyí. Dzə̀ anyùy ve vèn yòʼ‑oò yiì ne kìíy. Fə̀m atàr vén, bó áwune yòʼ‑oò lo kìíy sa.

Remrí 28:25

«Nyùy Tàr wíy yiì, áàŋgaà vén vibàné ton ven é shùu rər. Vèn wíy tám e shùu rər ŋgoo mòʼón, aá lo, e bvəə̀rí, a leʼkír, é wìr wáa tùr dzə́ə rə. Vitúm vidzə̀m vi yéné, é shúu yúm áwune bìʼ kinyo ke kí kooyin ven.

Cù 26:33

Fo kén kí, m wíy taʼár ven, é vèn sáŋrí e vitúm vímóʼ ví nsay, é m kfə́n a ròn wúu yén e rə́r sí. Woŋe siiy bèy, é wú nèn dù e vifə̀m, é ŋkà se laʼ sén si kerkir.

Jeremia 25:34

Nyùy Tàr suuy jii: «Ven vee anshìy wìr vém, vèn wáa toŋ, a dìy. Ven ve á sáʼ wír vém, vèn wáa dzəŋrí e kibvə̀r. Ghán se á yíi seerí ven sí ghèén ne. Vèn sí yìi gbù, e bvəʼkír moo kíŋ mbóm ye tayíné.

Yòvdìy 5:2

Á lì ne nsay yer, e fò e vitúm vi, wír ve səné nəə́, e yòv láʼ sér.

Yòvdìy 4:2

Wónlě nsùm veé Sione‑eè tókir, kù mo tòkír *kisha ke mbàm ke baar kee wúntí kíwun. Lèn wáa dzə, aá sí lóvti sho moo kíŋ yee mbóm, kifá, aá bóm bomén e wóo.