Hosea 8:7 - ŊWÀʼ NYÙY

⁷ «Wír veé Israyi kù sí wáy a dzə̀ ŋgoòy vinyò ve bi ví, a kee shooy ki kù dzə̀ shwér. Á gísin, wáy bèy, aá kù yíi kav a dzə̀ ŋgeʼ, kù mo kinsəm ki teè vifá, e laàr ŋkuuŋkùŋ. Kwáʼ wóví dzə̀, a vitú ve saŋ ví yòvrí ne, a bó sáŋé yoʼ kùr shó. A kí fə̀m kòóy ji yí kúr, bo kù wíy yi viŋgwìy.

Hosea 8:7 Referans Kwoze

Ŋgàn 22:8

A wìr wày kinshwìv, bo wù kù wíy kav a dzə̀ lòn, é táy ye wù táy wírií nèn mày.

Ŋwàʼ Jov 4:8

Ke m yenen kí dzə̀ jii, wìr lim kinyo ke bi kí, wáy ŋgoòy melaà, bo wù kù‑úù káv a dzə̀ kíwun.

Galatia 6:7

Vèn wáa yen fo wìr wáa boʼtí kitú kfə́, a kwàʼ ji bó Nyùy yòʼ yén kinyo ke wù yii. Wìr yii káv kifá a dzə̀ ke wù‑uù wayin.

Nahum 1:3

Nyùy Tàr yòʼ táv shwiiy kilòŋ, yii bèy, a wù kér vitaáví ve wiy ví. Wù maʼ ŋgeʼ e mbùʼtìvìnyò kitu, a bó yòʼ dzə̀ wù bàvtí wun. Nyùy Tàr shaa e kirə̀ʼ, kiìkir kòʼ. Mbàʼ dzə̀ kibvər ke wúu rəə́ tsər, a kí kóʼó.

Hosea 7:9

Vitúm ve áwune yoy, tiir sho vi rèŋèr ne vitaáví vév, a wír veé Israyi yòʼ fə̀m gwarìr kee shooy. Fúv si fəə́ aáwuné kitu, aá yòʼ kiiyì.

Hosea 2:9

Bìʼ bey, wíy lòo dzə e ghan se á káv vifá, é m sə́ ŋgoòy sém sé vifa fo wun, e faàsì meluʼ mem fó fo, faasì, é m sə́ sá ndzə̀y se mò‑oò foon ji áwune wáa teʼtín kinshóʼ sho.

Jeremia 12:13

Áwune lìm ne sáŋ, aá yíi kav a dzə̀ vikwiíy. Á nə̀ʼsì wún, wú láy kisáŋ. Áwune yíi a siy vifá a woomé, a yií dòʼshwiiy Nyùy Tàr.»

Aysaya 66:15

Rúrú, Nyùy Tàr wíy a wìy e mvə̀m kinsəm, a və́yí kaárí wun, e tàr, a wìy moo ŋgaà rə̀r wo wù wiy e wun kitentén ke səŋ nyám se ŋkoʼ. Wù wíy a wìy ji wun maʼ ŋgeʼlàʼ e wír ve bií kitu, a màʼ ŋgeʼ, a dòʼshwíiy və baári moo və́y.

Aysaya 17:11

Aá fə̀m bìy, ví lo é kishiíy, yì wáa ran, a ví saám ne, bo wíy lòo dzə e ghan sé ŋkav vifa, é vèn fəə́ e wóo, bìʼ fo siìn kiyá ke jiŋ, a yàsí wùn à nyári nəə́ ne.

Ŋgaà Tàrvìnyò 5:16

Kin ki dzə̀ kinyo ke biibí kí féyì, bìʼ fo dzəə̀ ye wìr‑iì wìyìn shó e nsay fèn, kù dzə̀ yìwun ye wù wíy kfən sho. Bo seʼ sòrkìr ye wìr sorkìrìi dzə̀ ka, a wù jum a dzə̀ shwér.

2 Afòn 15:29

Yì‑iì dzə̀ é ghan sé Fòn Peka woó Isray sìn, Tiglat‑Pileser woo fon woó Assiriya wìy, e faàsì ntèʼ see Ijon, Abel‑Bet‑Maaka, Janoa, Kedesh, e lì Hasor, e kfə̀n faàsì ŋgvən seé Gilead, wùn à seé Galeli, à seé Navtali si sidzə̀m. Wù faàsì bèy, e koòrí wíri, e dù sho e Assiriya.

2 Afòn 15:19

Wáa dzə e ghan fóo fèy, Pul woo fon woó Assiriya lò, e nə̀ə́ rə́r é Isray. Menahem nèn lò kfə́, e fò wun *kisha ke mbàm ke fəvír kí akilu nsə̀kì nshòv sikweè e mtaár (34,000) ji wun fiʼ koò wun e viŋkar, é wù sə́ wun, e tòm á vifon və́, é ví tuúy.

Remrí 28:33

Kitúm ke bó vèn yòʼ‑oò yiì ne kìíy ki kù wíy a kav vifá ve vèn ndzə̀ʼnìn, e lìm, é kén kí ku mày nə̀ʼsì wùn à kwiiròn wo vèn wíy a tuŋ, là meemè.

Galatia 6:8

A wìr wày a dzə̀ ŋgoòy kinyò ke mensə́ mè taʼà, bo wù wíy kav a dzə̀ kinyo ke mensə́ mè tíy sho, a kee shooy ki kù wáy wun a dzə̀ é lòn woo là mày. Wìr wáy kfə́ ŋgoòy kinyò ke wù yú fo Kiyoy ke Ranén kí, bo wù wíy kav a dzə̀ kinyo ke kí lo fo Kiyoy ke Ranén kí, a dzə̀ dzəʼə̀m yee là may.

Aysaya 55:2

Yiì ka, é bo vèn wáa tòn mbàm e vifa, a bó ví yòʼ kúr bvəm? Vèn ghàn é le, e bóo ndzə̀ʼnìn, e kav mbàm, e lì, a yun vifá sho, a bó yòʼ dzə̀ ví sə̀ ven? Vèn yuúrí kinyo ke m suuy ki, é m din fo a dzə̀ vèn kòóy vifá ve yi ve juŋ vi. Vifá ve yi, a vèn ló yi, e yu búʼ.

Yòvdìy 5:2

Á lì ne nsay yer, e fò e vitúm vi, wír ve səné nəə́, e yòv láʼ sér.

Hosea 9:16

Wír veé Israyi nə̀ə́ ne e kinyò wuu baà. Á sì moo kicí ke gháŋé yumen ne, a bó noshìndzə̀v yòʼ dzəə́ yiì a dzə aáwune. Áwune yòʼ dzəə́ wìy a ker wón, aá fə̀m dzə̀ə́ wón, bo m kù yúyri wón ve áwune yoy, tiir sho vìn adzə̀m.»

Hagay 1:6

Vèn‑eè wày vifá e nsay nyanyày, e kàv shishàr. Vèn yí shishàr she á kérí, kù toóŋe toòŋén, nó meluʼ, a kilòŋ kí kù yúm ven yúmén. Vèn suumè ndzə̀y é wùn, a kintòn ki kù yúy ven yúyín. Ŋgaà lìm lim lim, li mbàm, wù kù wày a dzə̀ é kinshùʼ ke kibàm.

Kèʼlo 41:23

M kfən yèn vitú ve saŋ vímóʼ ví saàmbà, a ví sásín e sàʼ, a ví dzə̀ vilaákín mo tòn a shwér woó kirə̀ʼ ké woʼ kí bey.