Hosea 8:6 - ŊWÀʼ NYÙY

⁶ Shibvə̀m shìn shi dzə̀, a fèr taà kilàm, a kù dzə̀ wír fo vèn vee wír veé Isray, a bó shí yòʼ dzə̀ nyùy wùmòʼ gheéy. Á wíy bvəʼtí shibvə̀m shén shin, é shí wáa neŋnín e vimbvəʼ vimbvəʼ.

Hosea 8:6 Referans Kwoze

Lim Aŋgàa Ntum 19:26

A vèn yén, kfə̀n yú sa kinyo ke jwè woo Por və̀y yii e Efesor fèn, kfə̀n yii woŋ Asia e dzə̀m. Wù ghán, suuy ji anyùy ve á fer e wóo víne yòʼ dzə̀ á anyùy gheéy, binèr wír anín.

Lim Aŋgàa Ntum 17:29

«Mo vèsən dzəə̀n wón wun woo Nyùy, lá vèsən yòʼ a kwàʼtì ji mbom rə dzə̀ moo kibámmbó ke naŋsin wír e vifií və́ ví, kìn wù tòn a dzə̀ kisha, kìn wù sèm a dzə̀ tíy.

Habakuk 2:18

Seʼ shibvə̀m dzə̀ ka? Kifá, a bóm wír e wóo, kìn wù sèm sémén. Kí yéʼey a dzə̀ kimboʼtì, ke ŋgaà fèr tiir vifií shó. Kifá, a fér wun, a kí tíy e ŋkfə́né.

Hosea 10:2

Mo áwune lumen ne a dzə̀ kimboʼtì, e kpù shó, bo á kù lo, e màʼ ŋgeʼ aáwune bìʼ njò yev. Nyùy Tàr yíi bvəʼə́y kíy sév sé cù, e kètì sə́y sév sé anyùy.

Jeremia 50:2

A yì dzə̀ jii: Á ghán á e vitúm ví mvəm, e fìʼtì sáʼka woo kùm Babilon. Á kóʼór á cícíwàr, é wú wáa naàrì kinyo kìn. Lá á yòʼ sə̀r a sáʼka və̀n, á kú a fìʼtì a ji á tòn ne a Babilon. Á shòór ne a Bel woo nyùy wov, wun woo Merodak wáa yàʼ. Á shòór ne a vibámmbó vév, mebvə̀m mev mè wáa yàʼ.

Jeremia 10:14

Ké wìr msòŋ kí dzə̀ a dzə̀ viyúŋ adzə̀m, a bó á yòʼ kér vifií. Vé kilàme sí woóme, bìʼ mebvə̀m me á fèrìn. Vibámmbó ve áwune fèrìn ví dzə̀ kimboʼtì, ví yòʼ dzə̀ vitin.

2 Wòŋ 31:1

Vé‑eè yì ŋkàʼ, e màysì, wìr dzə̀m woó Isray wo wù‑uù dzəə̀n fó nèn fəə̀, e dù e ŋkà se laʼ seé Juda, e bvə̀ʼtí sə́y se sí‑iì tíynin aáwuné virə̀ʼ vé cù, e gwàtì wúr sé nyùy woo *Ashera, e kfə̀n kètì virə́ʼ vé anyùy wùn à kíy se cù si. Vé‑eè kètì bey woŋ Juda e dzə̀m, e kètì sa e nsay Benjamin, à ye Efrayim, à ye Manasse. Vé‑eè màysì virə́ʼ vé anyùy vidzə̀m, e kètì, wìr dzə̀m woó Isray nèn a kfən e wun ntèʼ, a wìr mòʼón mòʼón du e wun kitu ke keŋ.

2 Afòn 23:19

Josia sàʼày virə́ʼ vé anyùy vidzə̀m ve afon veé Israyi‑iì bomen é ntèʼ seé mbìv wòŋ yee Samaria, ví ŋáʼár dòʼshwiiy Nyùy Tàr. Kinyo ke wù‑uù yiìn é Betel ki kù dzə̀ kíwun ke wù‑uù yiìn é ntèʼ seé Samaria sidzə̀m.

2 Afòn 23:15

Fòn Josia‑aà kètì sá kíy cù woó Betel wùn à kirə́ʼ ké anyùy ke Jeroboam woo wan Nebat‑iì bàʼrìn fó ki. Dzə̀ wun woo Jeroboam wo wù‑uù domsì wír veé Isray, aá yii vinyo ve bi ví. Josia‑aà sàʼày kíy cù woo shooy wùn à kirə́ʼ ké anyùy ki, e tàtí, e tòn, e jò kibér ke vifa, kí kfə́n é kibvə. Wù kfən tòn sa wúr nyùy woo Ashera.

Jeremia 48:13

Kí kooy bèy, é wír veé Moavi nèn a woomé bìʼ nyùy wov woo Kemosh wo wù màʼàn ne áwune, réŋréŋ mo wír veé Israyi‑iì wayin shilív e nyùy wov woo Betel wùn, wù màʼ áwune, á wáa woomé.

Hosea 13:2

Ké lèn ki, áwune kù sí jáy jay e wùmǒʼ kitu. Áwune sí fer mebvə̀m e *kisha ke mbàm ke fəvír kí. Á lo, á wày vifií, e nàŋsín, e fèr bèn kijuujùŋ, e lìm feyì a dzə̀ e yé ŋgaà fèr woo fií. Á bèy, á ku nèn a yòŋ áwune jii, «Wír ve á ghvə́m anyùy, baáme mebvə̀m mee wan nàʼ.»

Hosea 14:3

Yòʼ dzə̀ wír veé Assiriyàa bòyìr ver, a vèr yòʼ yíi a koʼ nyám se ŋkoʼ, a yòy, a tiír sho. Vèr yòʼ dzəə́ wìy yòŋ mebvə̀m ji nyùy wor, vifá, a fer ver e wó yérí. Rúrú, Nyùy Tàr, kù dzə̀ wò wo à shám mendzən me wón tsə̀.»

2 Wòŋ 13:8

Vèn kwaʼtì rú ji dzə̀ vèn mèŋ sáʼ vifòn ye Nyùy Tàr wayin e wón Davirí kiwo a? Vèn kwaʼ ji dzə̀ vèn mèŋ, bìʼ fo vèn dzəə̀n nyanyày, a vèn kfə̀n kér mebvə̀m mee wón nàʼ me Jeroboam fèrìn e *kisha ke mbàm ke baar kí ji anyùy vén a?

Mayka 1:7

Á yíi bvəʼə́y mebvə̀m me á titin fó, é mè kfə́n é kfəʼ si, e tòn kifá kidzə̀m ke asàkì veé lav cùu sə́ fo vilum. Mebvə̀m meé Samaria mè kù yíi a neŋnín, a sì vimbvə́ʼ. Vé‑eè fó mbàm se visàkì, é bo á wáa fèr mebvə̀m mee visha ve mbàm vi, a vitúm vi yíi tayrí vimbvə́ʼ lèn ji á du, e kfə̀n làʼ a dzə̀ asàkì sho.»