Hosea 8:5 - ŊWÀʼ NYÙY

⁵ «Éè wìr veé Samaria, m ban shibvə̀m she vèn fèrìn e fèr, shí wáa shwinín wan nàʼ. Dòʼshwiíy kív mo kívín bìʼ ven. Vèn wíy neèr mebvə̀m me vèn cu mèn e ghàn ka?

Hosea 8:5 Referans Kwoze

Hosea 10:5

Wír ve á dzə́ e ŋkàlaʼ yee Samariàa wíy a dìy, a shèŋ kitú, bìʼ shibvə̀m sheé nsə̀nin wàn nàʼ, she áwune làyìn é Bet‑Aven. Áwune wùn aàtàá cù véví wíy a toŋ, a jeetí, bìʼ vijuŋ ve shibvə̀m shìn she á liìn, e dù sho.

Jeremia 13:27

M yèn ne joonè wo vèn yii. Vèn sí yii a dzə̀ visàkì. Vèn ghvə́m anyùy e vitu ve agwan, ghvə́m e viwoóy. Vèn yii moo lumèn wo wù ghán e wiiy wìr bàm, kìn mo nyàm yee lumèn shiì yee wiíy. Éè Jerusalem, lòné dzə̀ wón. Liì won kisaŋ və̀n wíy mày e ghàn ka?»

Ŋgàn 1:22

Ven vee anjìʼ, vèn wíy jìʼ bèn, e dù meé e le? Ven ve á jaʼ wíri, vèn wíy jàʼ, e dù, e meé e le? Ven vee viyúŋ, vèn wíy keerí vifií é ghàn ka?

Lim Aŋgàa Ntum 7:41

Á ku nèn fèr kibámmbó, a kí shwínin wan nàʼ, a seerí nyám si, a cù sho, a sheʼrí kifá ke á fèrìn e wó yéví.

Hosea 8:6

Shibvə̀m shìn shi dzə̀, a fèr taà kilàm, a kù dzə̀ wír fo vèn vee wír veé Isray, a bó shí yòʼ dzə̀ nyùy wùmòʼ gheéy. Á wíy bvəʼtí shibvə̀m shén shin, é shí wáa neŋnín e vimbvəʼ vimbvəʼ.

Jeremia 4:14

Éè Jerusalem, vèn su vinyo ve bi ví fo věn meliv, e fíʼ lùŋ. Vèn wíy keerí kwaʼtì ye bií ben, e wìy dù, e meé e le?

Aysaya 45:20

«Ven vee vitúm veé kitu ke nsay, vèn bánén. Wìr dzə̀m wo wù bòyìn fó rər se sí tònèn woŋ, vèn báʼtí. Á ku kòʼtí e mǒ mentsə̀m, e neèr vinyo, aá tar. Wír ve á béʼ mebvə̀me yòʼ kì kifá ke á yii, áwune ve á ghvə́m mebvə̀m, a bó yòʼ dzə̀ mè sə̀ áwune.

Remrí 32:22

«Dòʼshwíiy wom wíy baarí ji və́y. Wú wíy tòn kifá kidzə̀m ke kí kúyí, e tòn bèn, e dù, e meé e loònsay. Wú wíy tòn kifá kidzə̀m, a kinsə̀ŋ ke agwan ki wíy bò.

Nsùyrì Nyùy 19:13

Kìm mo fó yìíkum. Lá à yòʼ màʼtì, é wù sum mo. M rán fo fo, é m wiy a dzə là nsem, e bàʼàr njò yee bìʼ yii ye bií.

Jeremia 48:13

Kí kooy bèy, é wír veé Moavi nèn a woomé bìʼ nyùy wov woo Kemosh wo wù màʼàn ne áwune, réŋréŋ mo wír veé Israyi‑iì wayin shilív e nyùy wov woo Betel wùn, wù màʼ áwune, á wáa woomé.

Hosea 13:2

Ké lèn ki, áwune kù sí jáy jay e wùmǒʼ kitu. Áwune sí fer mebvə̀m e *kisha ke mbàm ke fəvír kí. Á lo, á wày vifií, e nàŋsín, e fèr bèn kijuujùŋ, e lìm feyì a dzə̀ e yé ŋgaà fèr woo fií. Á bèy, á ku nèn a yòŋ áwune jii, «Wír ve á ghvə́m anyùy, baáme mebvə̀m mee wan nàʼ.»

Amos 8:14

Ké wìr ve á kan yír Ashima woo nyùy woó Samaria, yéʼti a dzə̀ e nyùy woó Dan wùn, kfə̀n yéʼti e bùnrì ye á du, bunrì e Beersheba, áwune wíy gbù adzə̀m, e làa yòʼ dzə́ə ŋaʼáy.

2 Wòŋ 13:8

Vèn kwaʼtì rú ji dzə̀ vèn mèŋ sáʼ vifòn ye Nyùy Tàr wayin e wón Davirí kiwo a? Vèn kwaʼ ji dzə̀ vèn mèŋ, bìʼ fo vèn dzəə̀n nyanyày, a vèn kfə̀n kér mebvə̀m mee wón nàʼ me Jeroboam fèrìn e *kisha ke mbàm ke baar kí ji anyùy vén a?

Hosea 10:8

Á wíy laàr virə́ʼ vé anyùy veé ŋkàlaʼ Aven, fo wír veé Israyi yii cu mebvə̀m. Vitiír vé njoŋ wùn à vikwiíy ví wíy kuy, e sùm kíy sév sé cù. Wíy lòo dzə e ghan see shooy, é wíri wáa toŋ, a jàŋ virùmèn jii, «Vèn ku keèsì e věr kitu,» a toŋ, a jàŋ agwan jii, «Vèn sə́y, e sə̀tí ver.»

Mayka 1:7

Á yíi bvəʼə́y mebvə̀m me á titin fó, é mè kfə́n é kfəʼ si, e tòn kifá kidzə̀m ke asàkì veé lav cùu sə́ fo vilum. Mebvə̀m meé Samaria mè kù yíi a neŋnín, a sì vimbvə́ʼ. Vé‑eè fó mbàm se visàkì, é bo á wáa fèr mebvə̀m mee visha ve mbàm vi, a vitúm vi yíi tayrí vimbvə́ʼ lèn ji á du, e kfə̀n làʼ a dzə̀ asàkì sho.»