Hosea 8:4 - ŊWÀʼ NYÙY

⁴ «Áwune lo, á ghaà wír, e kòʼór ji fon, a bó á yoʼ mbaà mo, lo, á shòʼtí vilìmbìy, a bó m yòʼ kì fó fo. Á li kisha kév ké mbàm ke baar kí wùn à ke fəvír kí, fer a dzə̀ mebvə̀m sho. Áwune yii bèy, a kù yíi lày kitú kév.

Hosea 8:4 Referans Kwoze

Hosea 13:2

Ké lèn ki, áwune kù sí jáy jay e wùmǒʼ kitu. Áwune sí fer mebvə̀m e *kisha ke mbàm ke fəvír kí. Á lo, á wày vifií, e nàŋsín, e fèr bèn kijuujùŋ, e lìm feyì a dzə̀ e yé ŋgaà fèr woo fií. Á bèy, á ku nèn a yòŋ áwune jii, «Wír ve á ghvə́m anyùy, baáme mebvə̀m mee wan nàʼ.»

Hosea 2:8

«Isray woo yeè lav wom‑eè dzə́ vèr wun, a bó wù yòʼ‑oò lo gwàrìr ji yì‑iì fó a mo ŋgoòy se vifa e wun, a kù‑uù fò mo meluʼ wùn à meŋgvə́r mè, ku kfə̀n fò mo *kisha ke mbàm ke baar kí wùn à ke fəvír kí e wun nyanyày, é bo wù li, a cù a dzə̀ nyùy woo *Baal sho.

1 Afòn 16:31

Bó yòʼ kù jòʼsì vinyo ve bi ví ve wù‑uù yii moo Jeroboam woo wan Nebat. Wù kfə̀n‑eè wày Jesebel woo wan Fòn Etbaal woó Sidon e lav ji wiiy ntoʼ, e nèn kèʼ a cù nyùy woo *Baal.

Galatia 4:9

Á bèy, vèn kìíy ne Nyùy wo rù lèn. Yii bèy, a ke m kì yíi a suúy ki dzə̀ jii, kù kìíy Nyùy ven. Mo kí dzəə̀n ben, yií ka lèn, bo vèn kfə́n a tàʼ ji á kfə́n é bàm, a yu a dzə̀ fó vinyò ve bó ví yòʼ kér ndzə̀n fo Nyùy, a bó yòʼ dzə̀ ví fò ven vitaáví, vèn wàa yiì vinyo ve ru ví? A dzə̀ ví kù kùr ven kúrín, e siìr ji akwǎn vinyò veé ndzə.

Joon 10:14

Dzə̀ mo nshìy njiì wo juŋ. M kì njiì wo dzəə̀n wóom, a njiì wom kì sá mo,

1 Afòn 12:28

Fòn Jeroboam nèn lò, e keèrí kwaʼtì, e fèr wón nàʼ abaà e *kisha ke mbàm ke baar kí, e nèn sùúy e wíri jii, «Vèn kòʼ ne e Jerusalem fèn e ŋàŋ. Wír veé Isray, vèn leéy, anyùy véné víne. Anyùy ve vé‑eè fəərin ven, e kòʼ shó fo Ejivi vìne.»

Ŋwàʼ Luk 13:27

A wù kù wíy bìnèr kfə́ jii, ‹M suuy ji bó m yòʼ kì á fo vèn loòn. Vèn lo fo mǒ shùu lav. Vèn ghán, buʼtì vinyo ve bi ví.›

Ŋwàʼ Luk 13:25

Ghán sí wíy gheén, é ŋgaà lav nanen fó ntaʼ, e sə̀tí shúu lav. Wù lóo sətí, a vèn dzə̀ə́ fo ndzə, aá nèn a kùmrì shúu lav, a yòŋ jii, ‹Tàr, ku mvə̀ʼ shúu lavi, é vèr nəə́,› é wù nèn bìnèr jii, ‹Bó m yòʼ kì fo vèn loòn.›

Matio 25:12

Wù bìnèr jii, ‹M suuy rú, bó m yòʼ kì fo vèn loòn.› »

Esiker 18:31

Vèn maʼay vinyo ve bi ví ve vèn bùʼtìn vidzə̀m, e tìnsín mo shó. Vèn wáa ker shilív she fíy shi, a ker kiyoy ke sən kí. Vèn koŋ kpú ji ká wìr veé Isray?

1 Afòn 13:34

Kinyo kìn ki nén a dzə kinyo ke bi kí e Fòn Jeroboam kfəə, ke kí‑iì màʼàn kfə́ə rə́, e laàr fo kitu ke nsay.

Jeremia 16:20

A dzə̀ wíri fèr anyùy vév á? Àáy, aá fèr, bo yòʼ dzə̀ vee shooyi wàa dzə anyùy.»

Daniel 3:1

Fòn Nebukadnessar nèn fèr shibvə̀m e *kisha ke mbàm ke baar kí, a vida və́ ví dzə̀ kóy nshòv sitàn e ghvə̀m, vikuʼùy ví wáa dzə kóy e kimbéʼ ki. Wù‑uù tùúy shibvə̀m shee shoon a dzə̀ é mboʼ yeé Dura e wun kishev ke wòŋ ke dzəə̀n Babilon.

Hosea 8:3

Yii bèy, áwune kù tèn ne kinyo ke dzəə̀n ke juŋ ki, bìʼ bey, aŋgaà vév vibàné sí lo lèn, e shoʼ aáwuné bàm.

Hosea 13:1

Yì‑iì dzə̀ fó ŋgùʼ, a wír veé ram Efrayime‑eè súŋnin, wíri wàa fàn, a yàʼ. Vé‑eè ghvə̀m áwune é ŋàŋ é nsay Isray. Yii bèy, áwune nèn lò, e kèʼ, a ghvəm nyùy woo *Baal, lòné koó áwune, á sénkír.

Hosea 13:11

Mò‑oò fò afon e vèn é mvə̀m dòʼshwiíy, kilòŋ kí shwiíy mo, m shóv áwune, e lì, e dù sho.