Hosea 8:3 - ŊWÀʼ NYÙY

³ Yii bèy, áwune kù tèn ne kinyo ke dzəə̀n ke juŋ ki, bìʼ bey, aŋgaà vév vibàné sí lo lèn, e shoʼ aáwuné bàm.

Hosea 8:3 Referans Kwoze

Yòvdìy 3:66

Éè Nyùy Tàr, dòʼshwiiy wò ku ŋàʼáy, áà jum áwune, e laàr fo wò nsay.

1 Timoti 5:12

Wù du e woo shooy lav, bo wù màʼ ne kinyo ke wù‑uù kàʼàn ji wun sí wìy a lìm a dzə̀ fo Kristu.

Amos 1:11

Nyùy Tàr suuy jii: «Abaày, wír veé Edome fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune‑eè ghíʼ afə́r vév e rə́r sí, nyoorì feyì, e làa yòʼ a rər mendzən mev. Kilòŋ kév ke shwiiyín kí yòʼ‑oò kpúrinè, a dòʼshwíiy wov kù‑uù kúy kuyín.

Yòvdìy 4:19

Aŋgàa vibàn vérí meè ne ji věv, e shaà mo lùŋ wo wiy yii sə́y fo ntoò yùv. Áwune jùm ne ver áàŋkoŋ, e nèn a teʼ lèn e kirə̀ʼ ké woʼ kí.

Nsùyrì Nyùy 36:3

Wù mvəʼ shuu, kù fəə̀ kinyo ke bi kí, lóo suŋnín, kù a fəə kimboʼtì, a bó wù yòʼ dzəə́ yii yii ye juŋe moo fií.

Remrí 28:25

«Nyùy Tàr wíy yiì, áàŋgaà vén vibàné ton ven é shùu rər. Vèn wíy tám e shùu rər ŋgoo mòʼón, aá lo, e bvəə̀rí, a leʼkír, é wìr wáa tùr dzə́ə rə. Vitúm vidzə̀m vi yéné, é shúu yúm áwune bìʼ kinyo ke kí kooyin ven.

Cù 26:36

«Ké wìr ve vé‑eè berin, aá du shó aàŋgaà vén vibàné nsay. M wíy way kindzə́m aáwuné meliv, ye a fə̀m wàʼ kibábár, aá kú a fàn fànèn, a nyeŋkír mo wìr nyèŋ rə́r, a nyeŋ, a gbùkìr, a wìr yòʼ jumè.

Hosea 8:2

Áwune sí tóŋ lèn, kan mo jii, ‹Éè Nyùy wor, ku sə̀ ver vee wír veé Isray ve á kiìn wò vìn.›

Hosea 8:4

«Áwune lo, á ghaà wír, e kòʼór ji fon, a bó á yoʼ mbaà mo, lo, á shòʼtí vilìmbìy, a bó m yòʼ kì fó fo. Á li kisha kév ké mbàm ke baar kí wùn à ke fəvír kí, fer a dzə̀ mebvə̀m sho. Áwune yii bèy, a kù yíi lày kitú kév.