Hosea 8:2 - ŊWÀʼ NYÙY

² Áwune sí tóŋ lèn, kan mo jii, ‹Éè Nyùy wor, ku sə̀ ver vee wír veé Isray ve á kiìn wò vìn.›

Hosea 8:2 Referans Kwoze

Titur 1:16

Wír vee béyi suuy feyì ji áwune kì á Nyùy, a vinyo ve áwune yii vi din ji bó á yòʼ kì. Áwune táv a dzə̀ kitú fo Nyùy, liì wov kóʼóy é ŋàŋ, a bó yòʼ dzə̀ á yiì kinyo kee réŋ gheéy.

Matio 7:21

«Wír ve á yoŋrì mo ji Tàr, Tàr, yòʼ dzə̀ vee shooy adzə̀m ve m wíy lì ji wír vém é ghan se m sí sáʼ ji Fon. Kù wíy a dzə wír wo wù yii kinyo ke Tàr wor wo wù dzəə̀n é yuv koŋ ji wù wáa yiì.

1 Joon 2:4

A wìr suuy ji wun kì Nyùy, a bó wù yòʼ lem nsər sə́, bo wù bóʼti, a bó wù yòʼ koŋ kinyo ke dzəə̀n ke ru kí gheéy.

Ŋwàʼ Luk 13:25

Ghán sí wíy gheén, é ŋgaà lav nanen fó ntaʼ, e sə̀tí shúu lav. Wù lóo sətí, a vèn dzə̀ə́ fo ndzə, aá nèn a kùmrì shúu lav, a yòŋ jii, ‹Tàr, ku mvə̀ʼ shúu lavi, é vèr nəə́,› é wù nèn bìnèr jii, ‹Bó m yòʼ kì fo vèn loòn.›

Matio 25:11

Ve vé‑eè duùn meŋgvə́r víyi yiì wìy, a tiy e shùu lav, a lon jii, ‹Taàtá, taàtá, ku mvə̀ʼ shúu lavi, é vèr nəə́.›

Mayka 3:11

Atǎr saʼ vee fóo kù sə́ a dzə̀ kòyàr, e bó a saʼ, aàtàá cùu sə́ mbvə́nkíwó, e bó a toʼtí nsər se Nyùy, aàŋgàa ntum Nyùyi kù maʼ sa kiwó, e bó a tiisí vinyo ve ví yíi a koóy. Áwune sə́ bèy, dzəv nsaŋ, suuy jii, «Nyùy Tàr dzə̀ vèr áwune, a dzə̀ sə̀ʼ ka ver.»

Jeremia 7:4

Lá vèn yòʼ tìír vifií é vinyò ve á rə́si goʼ jii, «Á lav cù Nyùy Tàr, á lav cù Nyùy Tàr, a bó yòʼ dzə̀ kinyo ki sə̀ʼ.» Kee shooy ki dzə̀ kimboʼtì.

2 Afòn 10:29

Yii bèy, wù yòʼ‑oò lo bìn ndzə̀m é vinyò ve bi ví ve Jeroboam woo wan Nebat‑iì yii, kfə̀n domsì wír veé Isray, aá jáyí. Wù yòʼ‑oò lo shàʼàr wón nàʼ ve Jeroboam‑eè fèrìn e *kisha ke mbàm ke baar kí, e tìír wùmòʼ é Betel, e tìír wùmòʼ é Dan, wíri wáa dù, a cù.

2 Afòn 10:16

e sùúy sho jii, «Wòsò wáa dù, áà yén shií wo m kér fo Nyùy Tàr.» Wùn Jehu nèn kù a dù e Jehu kar.

Hosea 5:15

M wíy bìn ndzə̀m e wír vémé, kfə́n e mǒ kirə̀ʼ, aáwune yén ŋeʼndzə. Ŋgeʼ gháʼá, á yén jay wov, aá nèn kfə̀n e mǒ wùn.»

Hosea 8:3

Yii bèy, áwune kù tèn ne kinyo ke dzəə̀n ke juŋ ki, bìʼ bey, aŋgaà vév vibàné sí lo lèn, e shoʼ aáwuné bàm.