Hosea 8:12 - ŊWÀʼ NYÙY

¹² Fə̀m mo m foon nsər sém aáwune sineénín, aá sáŋ é ŋwàʼ, áwune tèn féyì ji bó nsər sìn si yoʼ kùm a áwune.

Hosea 8:12 Referans Kwoze

Ŋwàʼ woó Rom 7:12

Mo kí fə̀m dzəə̀n bey, bó yòʼ dzə̀ ji nsər Nyùy sì á kinyo ke bi kí. Vinyo ve nsər suuy vidzə̀m vi lo a dzə̀ fo Nyùy, a dzə̀ vinyo ve ru ví, e kfə̀n a dzə vijuŋ fo wíri.

Ŋwàʼ woó Rom 3:1

Mo kí dzəə̀n bey, a dzə̀ wír woó Juda, wù wàa ker rú vijuŋ vímóʼ ví, e shaà wír woo və̀y a? A náŋsín ye á náŋsin áwune ji wír Nyùyi kér séʼ wùmòʼ á?

Hosea 4:6

Wír vémé sí kpúkir bìʼ méŋ ye á meŋen wír wo dzəə̀n mo. Ven vee atàá cùu tèn ne fó kiíy wír wo dzəə̀n mo, bìʼ bey, m mèŋ ne ven fó atàá cù vém. Mo vèn tenen fó a sàmèr yéʼéy Nyùy won, bìʼ bèy, m yíi ten sa fo wón véné wáa dzə atàá cù.

Esiker 20:11

e fò áwune nsər sém wùn à ntò se vinyò si, a dzə̀ vinyo vìn ve wìr lóo yunín, lóo yiì, wù wàa ker dzəʼə̀m.

Aysaya 30:9

Rúrú, áwune dzə̀ wír ve á tsə́y kóy wùn à Nyùy, áwune adzə̀me kù dzə̀ aŋgàa kimboʼtì, ŋwáy yéʼéy se Nyùy Tàr ŋwáyín.

Ŋgàn 22:20

M sàŋ ne vinyo mtaár, e fò e wò. Kù dzə̀ jí se ntir wùn à sé vifii sí sidzə̀m.

Nsùyrì Nyùy 119:18

Mvə̀ʼ vifií vém ví, é m fiʼ kìíy viŋgaʼnìn ve vinyò ve ví fəə́ fo wò Ŋwàʼ Nsər.

Nsùyrì Nyùy 50:17

Vèn ban fo á sər ven fo věn liì kisaŋ, tén fóo yiì kinyo ke m suuyin.

Nehemia 9:26

Mo kí fə̀m‑eè dzəə̀n bey, áwune ku tàv kitú, e tèn fóo yunín wò, e bìn ndzə̀m e wò nsər, e nèn yùyrí aŋgàa ntum vé, ve vé‑eè kantì áwune ji lá á yòʼ bìn a ndzə̀m e wò. Áwune yiì bèy, e kù a yiì vinyo a dzə̀ ve ví wáa shoór wò shoórín.