Hosea 8:10 - ŊWÀʼ NYÙY

¹⁰ Fə̀m mo áwune duùn ne e vitum, e yùn aŋgàa ntom vév, ké lèn ki, m lo, e baʼtí áwune, e màʼ ŋgeʼ aáwuné kitu. Taà saʼ woó Assiriya sí lo lèn, a nyàvrì aáwune, aá wáa yu nyár.

Hosea 8:10 Referans Kwoze

Esiker 16:37

Bìʼ kee shooy, bo m yíi banén ŋkar sé se vèn áwune‑eè bvə́ʼ dzəʼə̀m sidzə̀m, se wò‑oò koŋè, à se wò‑oò ban si. M wiy sho fo vitoŋtóŋ vidzə̀m, aá ghíʼ wò, e kaàrí, e tàr, é m sor ndzə̀y fo wò wùn sidzə̀m, áà wáa tíy kilor, aá yén kinshóʼ ké.

Hosea 10:10

Ké lèn ki, m lo, e màʼ ŋgeʼ e věn kitu, bìʼ kóy wo vèn tsə́y vèsən. M lo, e baʼtí vitúm vímóʼ ví, aá nəə́ ven e rə́r sí, e sə̀r ven, bìʼ ajay vén ve á kù kuʼ, du duùn fó mbìy.

Esiker 26:7

«Á bèy, mo woo Nyùy Tàr woo Taà Ndzə nén a suúy jii, ‹M yíi lì Fòn Nebukadnessar woó Babilon fo wòŋ kùyi, e wìy sho e Taya. Wù dzə̀ vitú ve afòn. Wù lóo wìy, é wù wáa ker nyám se ŋkoʼ, a ker *viténtén vé rər, a ker wír ve á kóʼó, e kfə̀n a ker shúu rər nyanyày.

Aysaya 10:8

Wù kù dzəv nsaŋ, suuy jii, ‹Amfòómé vém rər adzə̀me kù dzə̀ afon afon.

Hagay 2:6

«Mo woo Nyùy Tàr woo Taà Mànjòŋ, m suuy jii, ‹E bǎm shintàm, m kfə̀n yíi sə̀ʼsì yúv wùn à kitú ke nsay ki, e sə̀ʼsì rìbà ndzə̀v wùn à nsay ye yumér.

Daniel 2:37

Nyàr, á dzə̀ á fon fo afone. Nyùy woó yuv fò á ne wun kitúm ji á wáa saʼ, e fò á wun vitaáví wùn à vikuʼùy ví.

Esiker 22:20

Mo wíri yii síy kfəə́ se vishà see *kisha ke mbàm ke fəvír kí, kisha kee brons, kisha kee kiy, kisha kee *led, kisha kee *tin, du, ton e kilàm ji ví yaáné, bo dzə̀ sá mo m wíy banén ven é dòʼshwiíy, e dù sho e Jerusalem, é vèn shwí, e yaàné.

Jeremia 42:2

e yèn Jeremia woo *ŋgaà ntum Nyùy, e sùúy sho jii, «Kii wò, ku yiì kinyo ke vèr lón wò sho ki. Ku mbaà Nyùy Tàr woo Nyùy wò ji wù sə́ á ver adzə̀m ve á berin. Vèr‑iì dzə̀ wír agháʼán, a kù bèr ne ve à yén lèn vìn.

Aysaya 36:13

Á bèy, mfòómé nèn tùm é yuv, e jàŋ kitávín é Lǎm Hibru jii, «Vèn yuúrí kinyo ke fòn wo wiy wo dzəə̀n fon woó Assiriya suuy e vèn kí.

1 Wòŋ 5:26

Á bèy, Nyùy wìr veé Isray nèn yiì, Fòn Pul woó Assiriya wìy, e tòn áwune. Vé‑eè yoŋ yír fòn və̀n yímóʼó ji Tilgat‑Pilneser. Wù tòn bèy, e kùúy rám Ruben wùn à yé Gadi, à kintoʼnìn ke rám Manasse ki, e dù sho, e lèm e Hala, e lèm ámóʼó é Habor, e lèm ámóʼó é Hara, e kfə̀n lèm ámóʼó e shaà ndzə́v yee Gosan, aáwune kù dzəə́ dzə́ fo, e wìy shem lán.

2 Afòn 17:3

Fòn Shalmaneser woó Assiriya lò, e nə̀ə́ Fòn Hoshea e rə́r sí. Hoshea gbù wun, e nèn a fo nshwì e wun viyá vidzə̀m.

2 Afòn 14:26

A kí‑iì dzə̀ jii, Nyùy Tàr‑iì yèn kfə́ə ŋgeʼ ye wìr dzə̀m woó Isray‑iì dzəə̀n shó, à kwàné, à wàn nsay, a bó wìr yòʼ dzə̀ wóo sə áwune.

Esiker 16:33

Vilum yii síy vifá, fó aàsàkìi adzə̀m. À ló ké, a kuúy vifá, a levtí vilum sho vitóŋtóŋ vidzə̀m, là nyaʼ ji á wáa wìy, é vèn áwune wáa shiíy.

Esiker 23:5

«Ohola wáa dzə wiíy wom bey, kfə̀n lo, fəə́, ghán visàkì. Wù wáa baŋrí ŋkar sə́, a dzə̀ vé rər veé Assiriya.

2 Afòn 17:4

Yii bèy, wáa dzə e kiya kímóʼ kí, Hoshea tsə́nsí vé ntume fo So woo fon woó Ejiv wùn, ji wù sə́ á wun. Wù tsə́nsí bey, e nèn yàr nshwì wo wù‑uù fó e fòn woó Assiriya. Fòn woó Assiriya nèn yèn ji Hoshea fèn fiìnè ne a wun, e nèn koò Hoshea, e wày é sháŋ, e fìn fo.

Aysaya 30:2

Lòné dzə̀ wó wìr ve á sə́y e Ejiv, a bó á yòʼ mbaa mo ji á sə́ ntir. Áwune taʼ ji bo fòn woó Ejiv kì kiŋsìn áwune, é Ejiv wáa dzə kikfə́vsì kév.

Hosea 12:2

Ké lèn ki, Nyùy Tàr sí kér nsaʼ wùn à wír veé Judàa. Wù sí lo, e màʼ ŋgeʼ e wír ve dzəə̀n rám Jakoví kitu, e làʼ áwune mo yii yéví dzəə̀n.