Hosea 8:1 - ŊWÀʼ NYÙY

¹ Nyùy Tàr suuy jii: «Tóŋ sóŋé, aŋgàa vibàné sí ghíʼ nsay Nyùy Tàr, ghíʼ moo lùŋ wo wiy wo wù féŋ, giimè kifá. Dzə̀ bìʼ fo wír vémé bivirin ne *mensaŋ mem, e tèn fó a yunín yéʼéy yém.

Hosea 8:1 Referans Kwoze

Hosea 6:7

Yii bèy, wír vémé kù‑uù ŋwày *mensaŋ mem moo Adam, kù laarì a dzə̀ sí, e làa yòʼ a tiy e mǒ wùn.

Remrí 28:49

«Nyùy Tàr wíy tsənsí kitúm, é kí lo ntàmda fo ndzəywoŋ, e səy, e gbù e věn kitu moo lùŋ wo wiy. Wíy a dzə kitúm, a vèn yòʼ yú lám wóv.

Hosea 5:8

Nyùy Tàr suuy jii: «Á tóŋ á sóŋ rər é Gibea, e bùʼ shirəə́ e Rama, a koʼór kiyor e Bet‑Aven. Éè vilum veé Benjamin, vèn ku fəə̀ é shùu rər.

Jeremia 4:13

«Vèn leéy, e yèn, ŋgaà vibàn və̀ne, a wù wiy moo mbàʼ. *Viténtén vév vé rər ví wiy moo kiìkir bèy. Nyám sév sé ŋkoʼ si féŋ kinyeŋ, shaa lùŋ wo wiy. Ŋgeʼ si nə̀ə́ ne vèsən, vèsən kù lày ne bèn.

Habakuk 1:8

Nyám se ŋkoʼ sév sí léʼ e ŋàŋ, shaa baá, guutì shúu rər, shaa akoosàʼ ve á guutì nyám yée koo. Bàràʼ nyàm wov kív dzə́ə, du fo mbìy, aá wiy kwaʼda, féŋ moo lùŋ wo wiy, wo wù sə́ʼəy, e koo kifá.

Matio 24:28

A dzə̀ mo kimkpú ke kifa ki lóo neŋ e kirə̀ʼ, bo dzə̀ fo vilùŋ vi yíi a baʼtí.

Sekariya 11:1

Éè Gwan Lebanon, ghém dzə́ə, ghém, é və́yí fiʼ tòn vicí vé ve *sidar.

Sekariya 9:14

Nyùy Tàr wíy a tiy e wír vəə́ kitu, a màʼ rə́r sév, a tsənsí mvən sə́ moo ji bavkìr kishèv. Nyùy Tàr woo Taà Ndzə wíy toŋ sóŋ rə́, e mee fo mbìv yee tsə́n é njà kìrkir.

Tsəfaniya 1:16

Á wíy a toŋ sóŋ rər, a rəəmé, a kètì kay se á bomen, e kaàrí láʼ sho, a bvəʼtí virə́ʼ vé ŋkiy veé kor se kày.

Amos 9:1

Mò‑oò yèn Nyùy Tàr, a wù tíy e ghaa kiy cù, wù suúy e mò jii, «Tsə́y vitóm ve lav cù vi fó yuv, é ví səʼsi, e mèé e kinsə̀ŋ. Tsə́y, é lav keesi e wìr dzə̀m kitu. Wír ve á berin, é m yúyrí e rə́r sí. A wìr fə̀m bàʼàr, bo wù yòʼ wíy lùŋ, a ŋgaà leʼ yòʼ wíy bòy.

Amos 8:3

Kishiíy kin ki wíy gheén, é vikìy ve á yov luŋ e ntoʼo wáa toŋnín, a shèŋ kitú. Dzə́n sé wíri sí wíy a neŋnín virə́ʼ vidzə̀m, a bó à yòʼ dzəə́ yú kikwe ke kifa.» Suuy wun woo Nyùy Tàr woo Taà Ndzə.

Amos 3:6

Aá tòŋ sóŋ rər é ŋkàlaʼ, la wír vee fóo yòʼ a fàn à? A dzə̀ kinyo ke tavín kí kòóy é ŋkàlaʼ, a bó yií Nyùy Tàr á?

Joel 2:1

Vèn tóŋ sóŋé é Sion. Vèn búʼ shirəə́ shi e mǒ gwan wo ranén. Wìr dzə̀m wo wù dzə́ e nsay Juda wáa yàʼ, bìʼ fo kishiíy ké Nyùy Tàr kí sí wiyì, a kí sí méʼ fo mentsə̀m.

Hosea 9:15

Nyùy Tàr suuy jii: «Liì wov wo bi və̀n kù‑uù kèʼ a dzə̀ é Gilgal. Á fo vibàn vé vèr áwune ví‑iì kèʼèn, a m yíi fəə́r áwune fo mǒ nsay, bìʼ liì kisaŋ wo á yii. Kikoŋnìn ke vèr áwune kí kù‑úù seéy, bìʼ kóy wo vilìmbìy vév ví tsə́y vèr áwune.

Hosea 4:6

Wír vémé sí kpúkir bìʼ méŋ ye á meŋen wír wo dzəə̀n mo. Ven vee atàá cùu tèn ne fó kiíy wír wo dzəə̀n mo, bìʼ bey, m mèŋ ne ven fó atàá cù vém. Mo vèn tenen fó a sàmèr yéʼéy Nyùy won, bìʼ bèy, m yíi ten sa fo wón véné wáa dzə atàá cù.

Esiker 16:59

Á bèy, ke suuy Nyùy Tàr woo Taà Ndzə ki dzə̀ jii, «M yíi lovtí e wò réŋréŋ é ntuʼ ye à bùʼtìn vinyo sho. À ŋwày kilìʼ, e shòʼór *mensaŋ mesò.

Esiker 7:14

Á tòŋ ne sóŋ, e bàʼtí, e taàmé rə́r, yii bèy, a bó wìr wo wù‑úù du é shùu rər yòʼ dzə̀, bìʼ fo dòʼshwíiy wom siìn e wìr dzə̀m kitu.»

Jeremia 51:27

Á fəə́r sáʼ, é yí du é vitum, e tòŋ sóŋé, é yí ghánén fó e dzə̀m. Á báʼtí vitúm, é ví taámé Babilon e rə́r sí. Á bí Ararat wùn à Minni, à Ashkenas, aá nəə́ fó. Á shóʼ mfòómé wo wù li vé rərí, e nə̀ə́ sho fo, e tsə̀nsí nyám se ŋkoʼ fo nyanyày moo ŋguùmé bey.

Jeremia 48:40

Nyùy Tàr suuy jii: «Á leéy, e yèn, ŋgaà vibàn wíy sàsìn, e bvəy fo taa moo lùŋ wo wiy, e sàŋrì vav, a səy ji wun gwév Moav.

Jeremia 31:32

A bó mee shoon mè yòʼ dzəə́ wìy a dzə moo me mò‑oò gwàrìn vèr aàtǎr ram véví é ghan se mò‑oò gharin áwune e kiwó kém kí, e fə̀ə́r fo wòŋ woo Ejiv. Áwune‑eè bìvír mee shooy, fə̀m mo mò‑oò dzəə̀n tàr wov. Suuy mo woo Nyùy Tàr.

Jeremia 6:1

«Ven vee wír veé Benjamin, wìr wáa leʼ, e kitú kfə́ kí. Vèn léʼ, e fəə̀ fó Jerusalem. Vèn tóŋ sóŋé fó Tekoa, e bùʼ shirəə́ fo Bet‑Hakkerem. Ŋgeʼ ye tavín lo, e wìy fo vitum veé mbìv yee kuy. Rə́mrə́m kinyòo lo, e gbù.

Jeremia 4:5

«Á wáa dù, e tòŋ sóŋ, é yí ghánén woŋ e dzə̀m. Á wáa fìʼtì e Juda, e kfə̀n fùŋ sá e Jerusalem ji Nyùy Tàr yoŋ a jii, ‹Á báʼtí, a nyeŋ, a dù e ŋkà se laʼ see vikum.

Aysaya 58:1

Nyùy Tàr suuy jii: «Vèn fúŋ kitávín, e tiìsí ntum rə̀n. Vèn nan jí si, é sí wáa koo mo á tóŋ a dzə̀ sóŋ. Vèn tóʼ ajay ve wír vémé jáyíi, e sàr vinyo ve bi ve áwune vee rám Jakovi yii vi, aáwune yú.

Aysaya 24:5

Wír ve á dzə́ e kitu ke nsayi yiì ne kitú ke nsay ki bír birín kidzə̀m. Áwune ŋwày ne yéʼéy Nyùy, e bìvír kitú ke nsay. Á jwìvrì ne sáʼ Nyùy, e yàʼáy *mensaŋ me wù‑uù gwàrìn wùn áwune ji mè kù wíy a tiy fo.

Aysaya 18:3

Á bèy, vitúm vidzə̀m, à wìr dzə̀m wo wù dzəə̀n é kitu ke nsay, á lóo koʼór cícíwàr e yuv é gwan ji á tooy vé rərí, vèn wàa yen, lóo toŋ sóŋ yee loŋ kiyaʼ ji rə́r sí tsə̀ŋén ne, vèn yuùrí, é wìr wáa tiy e wun shwin.

2 Afòn 18:27

Yii bèy, mfòómé bìnèr aáwune jii, «Vèn kwaʼ ji fòn tùm mo ji m tiísí ntum rə̀n a dzə̀ e vèn à fòn cáʼcáʼ à? M súŋnin sa e wír ve á dzə́ e kitu ke kàyi. Áwune dzə̀ ben, aá kù yíi a yi sa jáŋ yév, a no mejiiyì mev moo ven.»

Joel 2:15

Vèn tóŋ sóŋé é Sion. Vèn fó sáʼa ji á wáa lèm jíŋ, a lon Nyùy. Vèn jaŋri wíri, aá báʼtí e Nyùy Tǎr si.

Jeremia 34:18

Wìr dzə̀m wo wù‑uù yaʼayin kilìʼ ke wù‑uù lìʼìn vèr wun, e làa yòʼ lèm ntò se kilìʼ ke vé‑eè yiìn e mǒ si, m yíi yiì e ŋgaàŋ mo á yiìn e nàʼ wo vé‑eè toʼnin viwaŋ vibaà.

Jeremia 49:22

Á ku lèéy, e yèn, ŋgaà vibàn wíy sàsìn e bvəy fo taa moo lùŋ wo wiy, e sàŋrì vav, a səy ji wun gwév Bosra. Melív me vé rər veé Edom mè wíy a buʼ e kishiíy fóo fèy, moo shilív shé wiíy wo wù lúmé bèy.

Esiker 17:3

Yòŋ ji ke Nyùy Tàr woo Taà Ndzə suuy ki dzə̀ á jii, ‹Kintìŋ ké lùŋ wo wiy kímóʼ kí‑iì lò, a kí kér fəə ye juŋe nshòm si jeéy jeéy, a vav si sáŋrí wún, e fàŋkìr, kí féŋ, e wìy aàgwan veé Lebanon, e bèʼ kitú ke kici ké *sidar.

Esiker 11:4

Bo dzə̀ jii, wàn wìr msòŋ, beèmè áwune, e nyàysì. Ku beèmè.»