Hosea 7:7 - ŊWÀʼ NYÙY

⁷ Wìr dzə̀m kù sí lum moo və́y woó kiy birer, lo, á yùyrí vé saʼ vév. Á yùyrí ne afon vév, a wùmòʼ lay e wùmǒʼ bàm, a bó wìr wo wù tóŋ, mbaa mo yòʼ dzə̀.»

Hosea 7:7 Referans Kwoze

2 Afòn 15:30

Hoshea woo wan Ela nèn lò, e kàr menàŋ e Peka woo wan Remalia bàm, e koò, e yùyrí, e nèn yì vifon. A kí‑iì kòóy a dzə̀ é ghan se Jotam woo wan Ussiya‑aà sí sáʼ Juda ji kiyá mbaà.

2 Afòn 15:25

Peka woo wan Remalia, wo yì‑iì dzəə̀n mfòómé və nèn kùr menàŋ wùn à wír veé Gileadi mtàn, e nèn yùyrí wun e faáy kishiíyí e Samaria. Peka yúyrí bey, e nèn yì vifon, a saʼ e wun ntaʼ.

2 Afòn 15:14

A kí‑iì dzə̀ jii, Menahem woo wan Gad‑iì kòʼ fó Tirsa, e wìy e Samaria, e ghàr Shallum woo wan Jabesh, e yùyrí, e nèn dzə̀ʼə̀m e kàvàʼ.

2 Afòn 15:10

Shallum woo wan Jabesh nèn lò, e kàr menàŋ kùm Sekariya. Wù‑uù ghàr wun e wírí si, e yùyrí, e nèn yì vifon.

Hosea 8:4

«Áwune lo, á ghaà wír, e kòʼór ji fon, a bó á yoʼ mbaà mo, lo, á shòʼtí vilìmbìy, a bó m yòʼ kì fó fo. Á li kisha kév ké mbàm ke baar kí wùn à ke fəvír kí, fer a dzə̀ mebvə̀m sho. Áwune yii bèy, a kù yíi lày kitú kév.

Hosea 7:10

Kiràʼsìwùn ké wìr veé Isray ki mvə̀ʼ ne kinyè kév, yii bèy, la áwune yòʼ kfə̀n é bàm fo mò woo Nyùy Tàr woo Nyùy wóv wùn. Fə̀m mo vinyo vìn vidzə̀m vi kooyin áwune, bó áwune yoʼ fə̀m tàʼ mo gheéy.

Aysaya 64:7

Nyùy Tàr, wìr wo wù kfə̀n bunrì wò yòʼ dzə̀, a wo wù kfə̀n yéʼti e wò wùn ji à sə́ wun yòʼ dzə̀. Bìʼ bey, à bìn ne ndzə̀m e vèr, e màʼtì ver, á wáa rèŋ vikwàn vé vinyò ve bi ví.

Aysaya 43:22

«Éè rám Jakov, abaày, bó vèn yòʼ fə̀m‑eè lo ghàn sùyrì mo. Bó ven vee wír veé Israyi yòʼ kfə̀n‑eè taʼ ji m méʼ ven.

Aysaya 9:13

Bó wír vìne yoʼ màʼtì yii yév ye bií, e fíʼ a jùmrì ŋgaà wo wù maʼ ŋgeʼ aáwuné kitu. Áwune yòʼ fə̀m mum ji bo á kì yúnin Nyùy Tàr, wun woo Taà Mànjòŋ.

Ŋwàʼ Jov 36:13

«Wír ve á yòʼ yú fo Nyùyi kù biy kév dòʼshwiíy bíyin é wùn. A Nyùy fə̀m kùr áwune é le, bo bó yòʼ dzə̀ á wàa toŋ ji wù sə́ áwune.

Hosea 7:14

Áwune yòʼ‑oò tóŋ e mò é shiliv she juŋ shi. Á kù tóŋ kév, dzə́ŋri a dzə̀ é vikun, lón vifá ve yi wùn à meluʼ mè, jàʼtì wún wóv, a mensə́ mè fəə́, kù moo wír ve á mbaa a dzə̀ anyùy. Yii bèy, aá kù sə́ a dzə̀ kóy vèr áwune.

Hosea 5:15

M wíy bìn ndzə̀m e wír vémé, kfə́n e mǒ kirə̀ʼ, aáwune yén ŋeʼndzə. Ŋgeʼ gháʼá, á yén jay wov, aá nèn kfə̀n e mǒ wùn.»

Daniel 9:13

Ŋgeʼ sidzə̀m se á saŋen é Ŋwàʼ Nsər Mooser si gbù ne e věr kitu. Yii bèy, a bó vèr yoʼ tòŋ e wò ji à shám ver, é vèr maʼti vinyo vér ve bi ví, a kiíy a dzə̀ suuyrú wò.

Esiker 22:30

M nə̀ə́ ne e wír vémé mvəm ji sà dzə̀ m yèn wír wo dzə̀ wù tìím fo káy wìr vémé gbuùn, e siìr suuyrú fó, é la m yòʼ dzəə laàr áwune á. M leéy bey, e làa yòʼ yen wír.

2 Afòn 10:14

Jehu nèn sùúy ji á koórí á áwune atin. Á nèn kù koòrí áwune atin, e dù sho, e seèrí e ghaa bii é Bet‑Eked fèy. Áwune‑eè dzə̀ wír nshòv sibaà e mkweè, a wìr mòʼón yòʼ‑oò lo bèr.

2 Afòn 10:7

Mo ŋwàʼ və̀ne toon e wír ve kuʼkìné kiwo, á nèn kù tìnrí vitú ve won vee msaàmbà, e wàyrí e ŋkaà si, e tsə̀nsí e Jehu e Jesreel.

2 Afòn 9:33

Wù suúy jii, «Vèn maʼ Jesebel fo nsay.» Á nèn màʼ fo nsay, mensə́ mvə mè saámé é wǔn lav wùn à e nyám se ŋkoʼ sí wùn. Jehu jùm nyám se sí səŋ kár rə́, e shaà sho e kitu wo.

2 Afòn 9:24

Jehu sə̀ŋ kinte kfə́ e vitaáví ví, e tè Joram sho fo ndzə̀m, mvəne nəə́ e wun tim, wù gbù e wun mvə̀m kar.

1 Afòn 16:18

Mo Simri yenen ji á sí ton a ŋkàlaʼ Tirsa, wù nèn dù, e nə̀ə́ e kirə̀ʼ ke tavín kí é mvə̀m ntoʼ, e wày və́y shó, e shwì.

1 Afòn 16:22

Wír ve vé‑eè tóm Omrìi nèn ghàʼ ve vé‑eè tóm Tibni woo wan Ginat. Á nèn yùyrí Tibni, e bìysí Omri ji fon.

1 Afòn 15:28

Baasha‑aà yùyrí wun, a Fòn Asa woó Juda sí sáʼ ji viyá vitaár. Wù yúyrí bey, e nèn yì vifon, a saʼ e wun ntaʼ.

Hosea 13:10

Ké lèn ki, fòn won bèé, é wù sə́ ven? Atǎr saʼ vee věn ŋkà se laʼa bèé lèn? Áwune ve vèn‑eè lonen ji m ku fò ven afon wùn à vé saʼa.

Mayka 2:1

Ŋgeʼ dzə̀ ye wìr ve á táŋ a dzə̀ kinyo ke bi kí. Wír ve á lóo neŋ e kikun, á kù a baʼtí a dzə̀ kighèʼ, ndzə javì, á nèn kèʼ a bùʼtì vinyo ve vé‑ee siyin, a ba vitsə́ʼə́, bìʼ fo áwune kér vitaáví ve dzə̀ á yiì kinyo ke áwune koŋè.

Nsùyrì Nyùy 14:4

Nyùy Tàr gháy jii, «Wír ve á buʼtì vinyo vìn adzə̀me yòʼ kér vifií a? Á nəʼsì wír vém, yí vifá a dzə̀ ve á faàsìn fo áwune, a bó á yòʼ yii bunrì sa mo woo Nyùy Tàr.»

Aysaya 64:4

Kèʼ fo ŋgwàrìn wòŋ, bó wìr yòʼ‑oò ghàn ne yù, a bó wìr yòʼ‑oò ghàn ne yèn Nyùy wo wù dzəə̀n moo wò, Nyùy, wo wù leey fo wír ve á yoy, tiir e wun wùné.

Aysaya 64:6

Vèr kfə̀n ne ji vé *kifàné adzə̀m, fə̀m vinyo ve juŋ ve vèr yiìn ví kù kóʼoy kòʼòyín, kóʼoy, kù moo kinsàr ke ndzə̀y ke mensə́ mè lorin ne. Vinyo vér ve bi ví yiì ne, vèr soóy moo vav se vici, vav se shwéri feer, du sho.