Hosea 7:3 - ŊWÀʼ NYÙY

³ Nyùy Tàr suuy jii: «Vé ntir veé ntoʼo lo, á bà antaŋ ve bií, a levtí fon, wù kù a sheʼrí sheʼrín. Á lo, á lì kimboʼtì, a boʼtí vé saʼa shó, á wàa sheʼrí.

Hosea 7:3 Referans Kwoze

Ŋwàʼ woó Rom 1:32

Aá yii bèy, aá kì jii, Nyùy‑iì tìnén ne a ji dzə̀ á kù yùy wír ve á yii bèy. Yii bèy, aáwune kù yii, kfə̀n sheŋrì ámóʼó vee wír ve á yii sa bèy.

Mayka 7:3

Áwune kù sí buʼtì a dzə̀ vinyo ve bi ví, aá kì móo bùʼtì feyì. Vé wòŋe kù sə́ a dzə̀ kòyàr. Atǎr saʼa kù diy a dzə̀ shúuyi. Wír ve kuʼkìné kù sí yii mo á taʼà, a wùn à vé saʼa nèn suúsinè, bá menàŋ.

1 Joon 4:5

Áwune dzə̀ kév, a dzə̀ wír veé ndzə fèn. Á nén a fìʼtì sa vinyo a dzə̀ veé ndzə fèn, wír veé ndzə fène wáa yuurí.

Mayka 6:16

Vinyo vìn vi wíy koóy ven, bìʼ fo vèn bìʼnìn liì kisaŋ Fòn Omri, e bìʼnìn sa wo wan və woo Ahav. Vèn kù shaa fo mbìy, yuúri a dzə̀ ntir sév. Bìʼ bey, m yíi laàr kitúm kén, é vitúm vee fó ghaŋ vi wáa kay ven, a wìr dzə̀m wíy a jàʼ ven.»

Hosea 7:5

Yì‑iì dzə̀ é kishiíy ké ŋkàʼ woó ntoʼ, áwune noór fon wùn à vibay və́ ví, á nó meluʼ mè koó, á wáa tùŋkìr, la fòn yòʼ kìíy ji wun fèn sí suúsin a wùn à vé antaŋ ve bií,

Hosea 5:11

Á táy wír veé mbìv wòŋ ye dzəə̀n Isray, a dzə̀ lòn mo wú koon áwune, e rə̀ʼtí. Á faàsì ne nsay ye yì‑iì dzəə̀n yéev féyì feyì, a kù dzə̀ bìʼ fo áwune shwèyìn ne Nyùy Tàr, a jùmrì a dzə̀ mebvə̀m.

Hosea 4:2

Wíri yii aŋkàʼmé, bin, shóʼorì, bóʼti kimboʼtì, yúyri wíri, shóŋ vishóŋ, aàlúm wírií jaŋ kinjàŋ, a vikǐy wírií ghán viŋkar. Á buʼtì vinyo, tónenè, yúyri wír, tóm wùmòʼ.

Jeremia 37:19

Aŋgàa ntum fòne sà bèé lèn, áwune ve vé‑eè tiísi ntum Nyùy e fòn ji bó fòn woó Babilon yòʼ yíi kìʼ wun, e kìʼ woŋ və́ e rə́r sí á?

Jeremia 9:2

Kì yée fó a dzə ji kirə́ʼ kí dzə̀ é woʼ, kirə́ʼ kee fo a dzə̀ vé ghane wàa shiíy, bo m kì màʼtì wír vér, e lò fo áwuné ghaŋ. Áwune dzə̀ vé kinjàŋe adzə̀m, ŋgoo wìr ve á buʼtì vinyo.

Jeremia 5:31

Aŋgàa ntume sí tiísi a dzə̀ ntum kimboʼtì, aàtàá cùu fó sáʼ a dzə̀ ye yí gheen áwune. Wír vémé nén a kòŋ a dzə̀ kee shoon. Bo kimaysì kév kí wíy a dzə ka?»

1 Afòn 22:13

Nshìylav ye yì kì duùn, e tòóy Mikayia kì dù bey, e sùúy sho jii, «Leéy, e yèn mbà, aŋgàa sii yèn kinyo kimòʼón ji fòn du, e so a rə́r. Ku mùm ji jí sé si tárnín wùn à sév sí, áà kfən tòmrí tomrín.»

1 Afòn 22:6

Fòn woó Isray nèn tòóy aŋgàa si və́, aá dzə̀ moo wír ghii kweè bèy, e dzə̀r aáwune jii, «M nəə́ Ramot‑Gilead e rə́r sí moo ŋgáŋ á?» Á bìnèr ji fòn wàá nəə́. Fòn waà du, e tòn a áwune. Nyùy Tàr yíi dù, e way a Ramot‑Gilead e fòn kiwo.

Hosea 10:13

«Yii bèy, vèn wày ne ŋgoòy, a dzə̀ liì wo bi, e kàv a dzə̀ kinyo ke bi kí. Vèn sí yí séʼ a dzə̀ kimboʼtì ke vèn rə́si bóʼti, bìʼ fo vèn tiirin vifií a dzə̀ e věn antaŋ, e kù a yòy, a tiír a dzə̀ é mànjòŋ vé rər wo vèn kér nyanyày.

Hosea 11:12

«Wír veé Efrayime kaàrí ne mo, e kù a boʼtí a dzə̀ kimboʼtì. Áwune veé Israyi ghàʼ ne e lám wo kaŋéné, a wír veé Judàa tíy wùn à Nyùy melív mebaà, a wù dzə̀ kfə́ Ŋgaà wo Ranén, kù tíy wùn áwune.»