Hosea 7:2 - ŊWÀʼ NYÙY

² Áwune yòʼ gwarìr feyì ji m shoóshi a vinyo ve á buʼtì vìn, leey vidzə̀m. Vinyo vév ve bi vin vi sùm ne áwune, a bó yòʼ dzə̀ féyì m yiì bìn ndzə̀m, e làa yòʼ a way sí sho.»

Hosea 7:2 Referans Kwoze

Ŋwàʼ Luk 12:2

Vèn wáa kiíy ji kinyo ki yòʼ dzə̀ shó ke á sətin, ke bó kí yòʼ wíy yensín, kìn ke á lìtìn, ke bó á yòʼ wíy kiíy.

Nsùyrì Nyùy 90:8

À neèr ne vinyo vér ve bi ví e wò si, aà yén sa ve vèr yii e kilìr.

Amos 8:7

Nyùy Tàr yén bey, e kàn kitú kfə́, e lìʼ jii, «Wun woo Nyùy Tàr wo rám Jakov rə̀ne saa wún shó, suuy a jii, ‹Bó yòʼ dzə̀ féyì m làysìn kinyo ke wír veé Israyi buʼù.

Jeremia 14:10

Nyùy Tàr nèn sùúy kùm wír vìn jii: «Áwune sí koŋ a ghan, a jan janén. Áwune yòʼ kim vitú vév. Bó m yòʼ kfə̀n bínsi áwune. M yíi kuumé yii yév ye bií, e màʼ ŋgeʼ aáwuné kitu.»

Jeremia 2:19

Yii yé ye bií yíi way wò e ŋgeʼ. Bin ye à bìnèn ndzə̀m e mòó yíi dìn kisáŋ ké. Kú a kiíy, a yen kinyo ke à yii ki. Maʼày ye à màʼàyìn Nyùy Tàrí bìr féyì, a kí kfə̀n kér nyár e ŋàŋ. À yòʼ yii fan mo gheéy. Suuy mo woo Nyùy Tàr woo Taà Ndzə, mo woo Taà Mànjòŋ.»

Hibru 4:13

A bó kifá kímóʼ kí yòʼ dzə̀ shó e ndzə ye Nyùy bomen rə̀n e dzə̀m ke dzə̀ kí lìtì kinyo fo wun gheéy. Wù yén vinyo vév vidzə̀m, a ví néŋ tèéter, kiránén, a vèsən kù kér fó bìnèr a dzə̀ shó.

1 Korin 4:5

Mo kí dzəə̀n bey, bo kí yoʼ ghèén ji vèn wáa sayrí kinyo ke wìr, a tav, a toʼ mo vèn yén, a kí dzə̀. Wíy lóo dzə e ghan se Tàr wòsən Jesus Kristu wíy kfən, é bo din wun mo kí dzəə̀n. Wù wíy fəə́r vinyo ve ví dzəə̀n lèn e kilìr vidzə̀m fo meranén, e kfə̀n dìn vinyo ve wíri kwaʼtì aáwuné meliv. Wù yii bèy, é nèn a sheʼrí Nyùy wír réŋréŋ mo kinyo kfə́ kí dzəə̀n.

Hosea 9:9

Áwune nə̀ə́ ne e vinyò ve bi ví wuu baà, e bìvír vitú, kí fóy fóyin, kù mo atàr véví‑iì yii e Gibea fo ŋgùʼ. Nyùy kù yíi a kuumé vinyo ve á buʼtì. Wù wíy màʼ ŋgeʼ aáwuné kitu bìʼ vinyo vév ve bi ví.

Jeremia 32:19

À kér vifií vé ntir ve ghaʼán ví, yii viŋgaʼnìn ve vinyò. À yii yén vinyo vidzə̀m ve wíri yii, laáme wir dzə̀m mo liì və wùn à yii rəə́ dzəə̀n.

Jeremia 16:17

M yén kinyo kidzə̀m ke áwune yii. Ke kí dzəə̀n é kilìr fo mò kí yòʼ dzə̀. M kù yén vinyo vév ve bi ví vidzə̀m e sí yémé.

Jeremia 4:18

Yii yé ye bií wìy ne e vinyo vìn vi e wò kitu. Jerusalem, liì wò kisaŋ wày ne wò e lòn. Kù dzə̀ seʼ vinyò vé ve bi ví, a wù bìr é ŋàŋ. Wù sòv ne wò a dzə̀ é shiliv.»

Aysaya 5:12

Áwune du fo ŋkàʼ, á kù a yu kinyo ji lúŋ yee rəy wùn à yé nshìí, e bóo lì nshùm wùn à loŋ ye toŋén, aá kù sí nó meluʼ, sev sèvìn. Aáwune yii bèy, e làa yòʼ dzə́ə a gwàrìr lím Nyùy Tàr, e bóo jòkìnyàʼ, a rə̀m ji Nyùy sà lim vinyo vìn e wó rəə́ e le á.

Nsùyrì Nyùy 25:7

Ku làysìn vinyo vém ve bi ví ve mò‑oò jayin e mǒ vinsùm. Éè Nyùy Tàr, kuúmé mo mo koŋ yée dzəə̀n, bìʼ fo à yii yii vinyo ve juŋ vi.

Nsùyrì Nyùy 9:16

Nyùy Tàr yiì ne, á kiíy mo wù dzəə̀n. Wù tìnén nsaʼ, e yiì, wír ve á méŋ wune ku lì e kitam ke koʼorin áwune.

Hosea 8:13

«Áwune koŋ a cù mo e nyám si, a kù dzə̀ ji á koóy nyám yée kfər, a bó yòʼ dzə̀ mo woo Nyùy Tàr, m səə̀sí áwune gheéy. Ké lèn ki, m lo, e kiv njò yev, e màʼ ŋgeʼ aáwuné kitu. M yíi siìr áwune é bàm é Ejiv.

Aysaya 1:3

Nyàm yee mbòŋ kì wír wo wù kér wun, a kimbèʼbìy kí kì wír wo wù yiir wun. Yii bèy, a wír veé Israyi yòʼ kì fo á binè. Bó wír vémé yòʼ kiiy kinyo ke m yii aáwune.»

Nsùyrì Nyùy 50:22

«Ven ve á laysìn Nyùy, vèn səəm kin ki. Vèn səəm, fo m yiì sàtì ven, é la wìr yòʼ a dzə wóo sə ven.

Ŋwàʼ Jov 34:21

«Wù kù túyti sí e wìr msǒŋ njiìn, kaʼày mo ghán rəə́ dzəə̀n.

Remrí 32:29

A vé‑eè kér vifií, bo vé‑eè lo kìíy kinyo kìn, bo á kù‑uù kìíy mo kí wíy a kìʼ aáwuné kitu fo bàm.

Kintaŋ 32:23

Yii bèy, a kí shaà fo bèy, bo vèn jày ne kinyo e Nyùy Tàr, é vèn nèn a kiíy ji jay woo shooy yíi ròn wúu yén, e dìn.

Aysaya 44:19

Wìr fo áwune wo wù tar vinyo réŋ yòʼ kfə̀n dzə̀. Wìr fo áwune yòʼ kfə̀n kér vifií vé a ghay jii, «Mò‑oò li mbìv kicì yìmòʼ ji shiŋkaʼ, ton kibán ke tonèn kí é kay, ton nyám, kfə́rí, fer vifá ve yi, yí. A dzə̀ m kfə̀n lì kibér ke kici, e fèr kifá ke Nyùy ban sho e le? A dzə̀ m kfə̀n tsə̀m, a ghvəm kicí fó kici á?»

Aysaya 26:16

Nyùy Tàr, e ghan se wír vée‑eè dzəə̀n é nsòvkìtu, vé‑eè bìnkìr, a lon ji à ku sə̀ áwune. Wò‑oò màʼ ŋgeʼ aáwuné kitu, á wáa bùnrì wò e nyárí wùn.

Jeremia 17:1

Nyùy Tàr kú a suúy jii, «Ven vee Juda, ajay véné sì ji nóliì won. Dzə̀ moo ji á toòŋé ne e věn meliv, ye bó yòʼ dzə̀ á sə̀ʼsí, e kfə̀n toòŋé e věn kor se kiy cù, kù mo wìr toòŋé kifá e tiy ye tavíné, kìn wù bùʼ e kimbùʼ ke kishà ki.

Jeremia 44:21

«Vèn kwaʼtì ji Nyùy Tàr yòʼ‑oò ló a yen, a bàn kiláy ke vèn‑eè ton e ŋkà se laʼ seé Juda, ton e dzəə seé Jerusalem, cu anyùy sho à? Vèn kù‑uù ton vèn aàtàr véné, e lì afon wùn à vé saʼa, wìr dzə̀m woó wòŋ tátí sá, a tòn.

Hosea 4:9

Yii bèy, lòn wo wìr líi kù dzə̀ wo taà cù wíy lì. M wíy tatí wír adzə̀m, e lovtí sho mo yii yéví dzəə̀n. M kù wíy màʼ ŋgeʼ aáwuné kitu ji vilaʼày vé vinyò ve á rə́si buʼtì.

Hosea 9:15

Nyùy Tàr suuy jii: «Liì wov wo bi və̀n kù‑uù kèʼ a dzə̀ é Gilgal. Á fo vibàn vé vèr áwune ví‑iì kèʼèn, a m yíi fəə́r áwune fo mǒ nsay, bìʼ liì kisaŋ wo á yii. Kikoŋnìn ke vèr áwune kí kù‑úù seéy, bìʼ kóy wo vilìmbìy vév ví tsə́y vèr áwune.

Hosea 12:2

Ké lèn ki, Nyùy Tàr sí kér nsaʼ wùn à wír veé Judàa. Wù sí lo, e màʼ ŋgeʼ e wír ve dzəə̀n rám Jakoví kitu, e làʼ áwune mo yii yéví dzəə̀n.

Jona 1:2

«Lò fó fèn, e dù e ŋkàlaʼ ye kuʼùn yeé Nineve rə̀y, a ghan, a fuŋ jii, lòné shòv ne a áwune. M kìíy a ne liì wov kisaŋ.»

Nsùyrì Nyùy 10:11

Ntav suuy kfə́ jii, «Nyùy làysìn ne, e lìtì sí rə́, a bó yòʼ dzə̀ wù dzəə yèn mo.»

Esiker 21:29

Á wíy nàn nyùy rə̀r, e shoʼtí vitú ve wìr ve á méŋ Nyùy sho. Wír vìy, a dzə̀ vé *kifàné. Kishiíy kév ké kinjòʼsì kí wìy ne. Kishiíy, ke á maʼ ŋgeʼ aáwuné kitu. Vinjeenjèm ve vé‑eè yén bìʼ nyùy rə̀r rə̀n vi kù‑uù dzə̀ kimboʼtì. Vé fùú kù‑uù fəər sa a dzə̀ kimboʼtì.

Hosea 6:2

Ké lèn ki, wù lo, e taŋ vèsən fo kpúu. Ntàm yòʼ‑óò dar, a bó wù fér vèsən, aá táv, e fíʼ a dzə sho e wun si, a wàrkìr.