Hosea 7:1 - ŊWÀʼ NYÙY

¹ «M lo ji mo‑óò fer yàsi wìr veé Isray, m kù yèn a dzə̀ vinyo ve áwune buʼtì, e yèn virom ve á shóʼ e ŋkàlaʼ Samaria. Wìr kù sí lo, wù wàa boʼ wùmòʼ bóʼón, ámóʼó wàa kivtí a dzə̀ lav se wíri, a shoŋ vifá, ámóʼó wàa faàsì vifá ve ámóʼ vee wír e mentàrnín.

Hosea 7:1 Referans Kwoze

Hosea 7:13

«Lòné dzə̀ wóv, bìʼ fo áwune màʼàyìn ne mo. Á wíy laàr áwune, bìʼ fo á tsə́y kóy vèr áwune. Fo kém kí, m kì yíi bòyìr áwune, yii bèy, aáwune kù bóʼti a dzə̀ kimboʼtì vèr áwune.

Hosea 6:4

Yii bèy, Nyùy Tàr nén a ghay jii, «Éè wìr veé Isray wùn à veé Judàa, kinyo ke dzə̀ m yiì e vèn féyì feyì ki dzə̀ ka? Koŋ ye vèn koŋ moó kù dzə̀ moo mbàʼŋkfəə́mé ye à yén lèn, shishàr, yì nèn ŋeèmé, e lày, kìn moo ŋweʼ ye yí gbu kijàvndzə, yí kù nèn yùm é ghan.

Ŋwàʼ Luk 19:42

a taŋ jii, «Wír veé Jerusalem, e kishiíy ké lán ki, bo vèn ku lò kìíy kinyo ke dzə̀ kí fò ven nyaáŋ. Yii bèy, bó yòʼ dzə̀ vèn dzəə kìíy lèn.

Hosea 4:2

Wíri yii aŋkàʼmé, bin, shóʼorì, bóʼti kimboʼtì, yúyri wíri, shóŋ vishóŋ, aàlúm wírií jaŋ kinjàŋ, a vikǐy wírií ghán viŋkar. Á buʼtì vinyo, tónenè, yúyri wír, tóm wùmòʼ.

Ŋwàʼ Luk 13:34

Wù nèn yòŋ jii, «Éè Jerusalem, éè Jerusalem, à yúyri aŋgàa ntum Nyùy, yúyri wír ve Nyùy túm fo wò adzə̀m e tíyí. M mùm ne akàŋ anín ji m báʼti wón vé mo yeè ŋgvəv kùʼtí wón é sar vàv, la à yòʼ a biimé.

Matio 23:37

Jesus nèn lò, e yòŋ jii, «Éè Jerusalem, éè Jerusalem, à yúyri aŋgàa ntum Nyùy, tsə́mri wír ve Nyùy túm fo wò adzə̀m e tíyí, aá kpúkirì. M mùm ne akàŋ anín ji m báʼtí wón vé mo yeè ŋgvəv kùʼtí wón é sar vàv, la à yòʼ a biimé.

Mayka 6:16

Vinyo vìn vi wíy koóy ven, bìʼ fo vèn bìʼnìn liì kisaŋ Fòn Omri, e bìʼnìn sa wo wan və woo Ahav. Vèn kù shaa fo mbìy, yuúri a dzə̀ ntir sév. Bìʼ bey, m yíi laàr kitúm kén, é vitúm vee fó ghaŋ vi wáa kay ven, a wìr dzə̀m wíy a jàʼ ven.»

Amos 8:14

Ké wìr ve á kan yír Ashima woo nyùy woó Samaria, yéʼti a dzə̀ e nyùy woó Dan wùn, kfə̀n yéʼti e bùnrì ye á du, bunrì e Beersheba, áwune wíy gbù adzə̀m, e làa yòʼ dzə́ə ŋaʼáy.

Hosea 11:12

«Wír veé Efrayime kaàrí ne mo, e kù a boʼtí a dzə̀ kimboʼtì. Áwune veé Israyi ghàʼ ne e lám wo kaŋéné, a wír veé Judàa tíy wùn à Nyùy melív mebaà, a wù dzə̀ kfə́ Ŋgaà wo Ranén, kù tíy wùn áwune.»

Hosea 10:5

Wír ve á dzə́ e ŋkàlaʼ yee Samariàa wíy a dìy, a shèŋ kitú, bìʼ shibvə̀m sheé nsə̀nin wàn nàʼ, she áwune làyìn é Bet‑Aven. Áwune wùn aàtàá cù véví wíy a toŋ, a jeetí, bìʼ vijuŋ ve shibvə̀m shìn she á liìn, e dù sho.

Hosea 8:9

Wír veé Israyi lò ne, a ghan, a tàʼ aŋgàa ntom, kù moo kimbèʼbìy keé kwaʼ ke kí jòyìn, a tàʼ lúm. Á kòʼ ne, a lon sə́mo a dzə̀ fo Assiriya. Isray lò ne, e kfə̀n ji sàkì wo wù laʼ vilum láʼan.

Hosea 8:5

«Éè wìr veé Samaria, m ban shibvə̀m she vèn fèrìn e fèr, shí wáa shwinín wan nàʼ. Dòʼshwiíy kív mo kívín bìʼ ven. Vèn wíy neèr mebvə̀m me vèn cu mèn e ghàn ka?

Hosea 5:1

Nyùy Tàr kú a suŋnín, a suúy jii: «Ven vee atàá cù, vèn yuúrí. Éè vilìmbìy veé Isray, vèn yuúrí. Ven vee wón ntoʼ, vèn yuúrí kinyo kìn ki. Vèn kì yíi a tinén vinyo e nsànloŋ, mo vèn yàrìn, bo nsaʼ sí lo, e bìnkìr e věn kitu. Vèn cu anyùy e Mispa, cu e Gwan Tabor, a sì kitám ke wíri li sho, lálán, wo á ndzə́v sho.

Hosea 4:17

Wír veé Israyi suùsín ne wùn à mebvə̀m mè, vèn maʼti dzə́ə yev.

Esiker 23:4

Woo ŋgàywìr‑iì dzə̀ Ohola, bám rəə́ wáa dzə Oholiba. M nèn lò, e wày áwune é lav, vèr áwune dzəə́ wón. M yoŋ Ohola bèn a dzə̀ Samaria, a Oholiba dzə̀ Jerusalem.

Esiker 16:46

Jemèr yè yee ŋgàywìr dzə̀ Samaria, wo wù dzə́ wùn à wón vəə́ e mbìv yee kuy. Jemèr yè yee wánlè dzə̀ Sodom, a wù dzə́ wùn à won vəə́ é mbìv yee tsə́n.

Jeremia 51:9

A yì‑ii dzə vèsən sə̀ wír veé Babilon, á bèy, a dzəə̀ sə yòʼ kfə̀n‑ee ló a dzə. Vèsən maʼti nsay Babilon, a lò, é wìr wáa kfən e kév kee kitúm ki. Wóŋ Babilone gbù ne e dzəə ye biibí. Fóo gbù ne, kitú ke nsay ki yúʼnín, léŋe kóʼ, e dù, e mèé e ntoò yùv.

Aysaya 59:12

Éè Nyùy Tàr, kí dzə̀ bey, bìʼ fo à kiiyin ne nyanyày vinyò vér ve bi ví. Vinyo vér ve bi ví sí tíy e wò si, fiʼtì ajay vér e wò. Feyì feyì, vèr yòʼ méŋ ajay vér. Vèr kì féyì mo vinyo vér ve bi ví dzəə̀n.

Aysaya 28:1

Ŋgeʼ dzə̀ ye ŋkàlaʼ ye yì bòŋèn moo ntáráʼ, ŋkàlaʼ ye yì dzəə̀n é mbìv kùy mboʼ ye nsay yee fó borin kijuŋ, e dù, e mày. Ŋkàlaʼ ye amfoòkìnó veé ram Efrayime kóʼor wún shó. Vijuŋ və́ ve ghaʼán ví kfə̀n ne ji kibuushì ke kí yúmé, kí sòóy.

Esiker 24:13

«Jerusalem, à yiì ne liì visàkì, e lì *kifàn. M mùm ne feyì ji à maʼti á liì joònè visàkì, e fíʼ ran, à gháʼ. Bó yòʼ kfə̀n dzə̀ à ràn, a bó m máysí dòʼshwíiy wom wo wù koʼon, e kfə̀tì e wò kitu.

Hosea 11:8

«Éè Isray, a dzə̀ m shwèy ven fó wo e le? A dzə̀ m ghàn é le, e bóo màʼtì ven? A dzə̀ m ghàn é le, e bóo laàr ven, mo mò‑oò laàrìn Admaa? A dzə̀ m ghàn é le, e bó a lovtí e vèn, mo mò‑oò lovtin e Tsəboyiim? Bó yòʼ dzə̀ shilív shém shí biìmé. Koŋ ye m kòŋèn ven é ŋàŋé shàʼnín.

Aysaya 59:13

Vèr tàv ne kitú, e mèŋ wò woo Nyùy Tàr. Vèr bìn ne ndzə̀m e wò woo Nyùy wor. Vèr nə̀ʼsì ne wír ámóʼó, e ŋwày kinyo ké. Vèr kù sí baʼrì a dzə̀ kimboʼtì e věr meliv, fəər a dzə̀ kíwun fo shuù.

Aysaya 59:14

Wíri yòʼ dzəə́ taʼ feyì ji á kfən tìnén kinyo e nsànloŋ, a bó á yòʼ dzəə́ taʼ feyì ji bo á kì ghán e Nyùy mbòv. Suuyrú yòʼ kfə̀n dzə̀ə́ e wìr msǒŋ mvəm, aá yòʼ kfə̀n fó kilíŋ e kinyo kee tìítiy ki.

Hosea 12:1

Kifá ke wír veé Israyi yii ki kù dzə̀ shwér, e kèʼ fo kijàvndzə, e dù meé e ŋkuùr, kù dzə̀ kíwun ke á yii. Antaŋ vév ve bií kù du duùn fó mbìy, aáwune kù siíme a dzə̀ rə́r. Áwune gwar *mensaŋ wùn à wír veé Assiriyàa, li meŋgvə́r me *oliv, béʼ, du sho e Ejiv.

Hosea 12:2

Ké lèn ki, Nyùy Tàr sí kér nsaʼ wùn à wír veé Judàa. Wù sí lo, e màʼ ŋgeʼ e wír ve dzəə̀n rám Jakoví kitu, e làʼ áwune mo yii yéví dzəə̀n.

Amos 3:9

Kí nén a dzə jii, á ku dù, e fùŋ á e ntoʼ yeé Ashdod, e fùŋ sáa e yeé Ejiv jii, áwune ku fəə̀, e bàʼtí aàgwan veé Samaria, e yèn á mbvəərì wo wù dzəə̀n fó, á leéy á táy ye á táy wíri fó.

Amos 3:10

Nyùy Tàr suuy a jii, «Wír vìne bìn ne ndzə̀m é suuyrú, e shòŋ vifá, e faàsì ve faasìn ví fo aghéʼnceyí, e sə̀tí aáwuné virə̀ʼ ve tavkín ví.»