Hosea 5:3 - ŊWÀʼ NYÙY

³ M kì kifá ke Isray dzəə̀n kíwun, a bó yòʼ dzə̀ wù lìr fo mǒ si. Ven vee Isray, vèn màʼày ne mo, e kfə̀n moo asàkì, a bó vèn yoʼ ghèén, a sùyrì mo.»

Hosea 5:3 Referans Kwoze

Amos 3:2

«Fo vitum vidzə̀m veé kitu ke nsay, m shòʼ a dzə̀ ven ji wír vém vee jeéy, Kí nén a dzə jii, m kér fó yìi màʼ ŋgeʼ e věn kitu, bìʼ vinyo ve vèn buʼtì.»

Ŋgaà Yen 3:15

M kì vinyo ve vèn rə́si yii vidzə̀m, a m kì ji vèn tíy e mǒ kinyò fo ntìntìn. Bó melív men mè yòʼ lum sho, a bó mè yòʼ rəəy fo fo, a m koŋ feyì ji vèn wàá kaŋ á mbìv yee mòʼón.

Hibru 4:13

A bó kifá kímóʼ kí yòʼ dzə̀ shó e ndzə ye Nyùy bomen rə̀n e dzə̀m ke dzə̀ kí lìtì kinyo fo wun gheéy. Wù yén vinyo vév vidzə̀m, a ví néŋ tèéter, kiránén, a vèsən kù kér fó bìnèr a dzə̀ shó.

Amos 5:12

M kì mo vinyo ve vèn buʼtì vi kùʼùn, e mèé, a m kì vinyo ve bi ve vèn yiìn vidzə̀m. Vèn nyavrì aàlànjòó, sə́ kòyàr, jívir fo á wáa tinén kinyo ke aghéʼncey é nsànloŋ.

Hosea 13:1

Yì‑iì dzə̀ fó ŋgùʼ, a wír veé ram Efrayime‑eè súŋnin, wíri wàa fàn, a yàʼ. Vé‑eè ghvə̀m áwune é ŋàŋ é nsay Isray. Yii bèy, áwune nèn lò, e kèʼ, a ghvəm nyùy woo *Baal, lòné koó áwune, á sénkír.

Hosea 12:1

Kifá ke wír veé Israyi yii ki kù dzə̀ shwér, e kèʼ fo kijàvndzə, e dù meé e ŋkuùr, kù dzə̀ kíwun ke á yii. Antaŋ vév ve bií kù du duùn fó mbìy, aáwune kù siíme a dzə̀ rə́r. Áwune gwar *mensaŋ wùn à wír veé Assiriyàa, li meŋgvə́r me *oliv, béʼ, du sho e Ejiv.

Hosea 8:11

Virə́ʼ vé cù ve wír veé Israyi bàʼrìn vinín ji á lo, a yiì cu ajay fo, ví bìnkìr ne lèn ji virə́ʼ vee fo áwune bin, yii liì joònè.

Hosea 6:4

Yii bèy, Nyùy Tàr nén a ghay jii, «Éè wìr veé Isray wùn à veé Judàa, kinyo ke dzə̀ m yiì e vèn féyì feyì ki dzə̀ ka? Koŋ ye vèn koŋ moó kù dzə̀ moo mbàʼŋkfəə́mé ye à yén lèn, shishàr, yì nèn ŋeèmé, e lày, kìn moo ŋweʼ ye yí gbu kijàvndzə, yí kù nèn yùm é ghan.

Hosea 5:13

«Wír veé Israyi‑iì kìíy yàsí wov, wír veé Judàa kiíy vév vee viváv, Isray nèn dù, e mbaà fon woó Assiriya ji wù sə́ á áwune. Fə̀m mo á yoy, tiir e fòn wo wiy və̀n wùn, wù yòʼ wíy yu fóo fèr yàsí wov, kìn vileémé vév.

Hosea 5:11

Á táy wír veé mbìv wòŋ ye dzəə̀n Isray, a dzə̀ lòn mo wú koon áwune, e rə̀ʼtí. Á faàsì ne nsay ye yì‑iì dzəə̀n yéev féyì feyì, a kù dzə̀ bìʼ fo áwune shwèyìn ne Nyùy Tàr, a jùmrì a dzə̀ mebvə̀m.

Hosea 5:9

M wíy laàr kitúm kee Isray e kishiíy ke m sər áwune, a rám seé Isray si wíy kiíy ji kinyo ke m yoŋ kìn ki kù wíy gheén.

Aysaya 7:17

Nyùy Tàr wíy tsənsí a fon woó Assiriya, é wù maʼ á ŋgeʼ ye tavín e wùn à wír vəə́ kitu, e bóo lì wón ntoʼ adzə̀m wùn à wón atàr və́ vee aŋkfəə. Ŋgeʼ sìn si wíy dzə̀r, e shaà se áwune‑eè yenen á ne, e kèʼ mo Isray wùn Juda‑aà jàvsìn, e kfə̀n ji vitúm jeéy jeéy.

Aysaya 7:5

Dzə̀ rú, fòn woó Siiria suùsín ne wùn wan Remalia, wun woo fon wìr veé Isray, e bà menàŋ e wò bàm, e tàŋ jii,

Remrí 33:17

Shúu rə́r Efrayim wùn à wó Manassèe dzə̀ ansə̀kì ansə̀kì. Wú kùʼ, e kfə̀n tàv é ŋàŋ moo ambòŋ vee dzə́ə mbìyi. Mo nyar yii kuur aŋgaà və́ vibàn e loŋ sə́ sí, dzə̀ mo rám Joosevi wíy a kuúr aŋgaà vév vibàn adzə̀m, a kuúy, a dù, a nəʼə́r e ndzəywoŋ.»

Aysaya 7:16

Kí dzə̀ á jii, wan və̀n wíy lòo jì ji wun kiíy mo dzə̀ wù tèn kinyo ke bi kí, e shòʼ ke juŋ ki, a bó wíri yòʼ dzə̀ə́ e Siiria wùn á Isray anín, a fóo kfə́n á ne ji vifə̀m. Kù dzə̀ á vitúm ve afòn vee abaà ve fòn fan e ŋàŋ vin.

Hosea 1:2

Yì‑iì dzə̀ é ghan se Nyùy Tàr‑iì kèʼèn, a suŋnín e Hosea ji wù lo ntum rə, wù‑uù sùúy shó jii, «Dùu, e tàʼ wiíy, e wày é lav, lóo way, à wàa kiíy ji yeè lav wò və̀n wíy a ghan a ghán kisaŋe, e dzəə́ wón é ndzə. Kù dzə̀ kíwun ke wír vémé yii e mò. Á ŋwày ne mo woo Nyùy Tàr, e toòmé liì kisaŋ, a cù anyùy ve səné.»

Hosea 6:10

«M yèn ne kinsətìshuù ke kinyò e mbìv wòŋ ye dzəə̀n Isray. Wír vémé bìvír ne vitú vév e mebvə̀m me á ghvə́m mè.

Hosea 13:5

Kù‑uù leey mo ven é ghan se vèn‑eè dzəə̀n é woʼ, kirə́ʼ, a fóo ríʼsinè, a nsay yee fó kù yúm yumén.