Hosea 4:9 - ŊWÀʼ NYÙY

⁹ Yii bèy, lòn wo wìr líi kù dzə̀ wo taà cù wíy lì. M wíy tatí wír adzə̀m, e lovtí sho mo yii yéví dzəə̀n. M kù wíy màʼ ŋgeʼ aáwuné kitu ji vilaʼày vé vinyò ve á rə́si buʼtì.

Hosea 4:9 Referans Kwoze

Jeremia 5:31

Aŋgàa ntume sí tiísi a dzə̀ ntum kimboʼtì, aàtàá cùu fó sáʼ a dzə̀ ye yí gheen áwune. Wír vémé nén a kòŋ a dzə̀ kee shoon. Bo kimaysì kév kí wíy a dzə ka?»

Aysaya 24:2

Kinyo kìn ki wíy a kùm wir dzə̀m réŋréŋ. Kí wíy a kùm taà cù réŋréŋ mo kí kum wír woo və̀y, a kùm wír ve kuʼkìné réŋréŋ mo kí kum akwàn vév. Kí wíy a kùm vikìy veé lav réŋréŋ moo wón ve á lim e lav, a kùm wír ve á yún vifá réŋréŋ moo aŋgàa fiìnè. Kí wíy a kùm wír ve á foor wíri mbàm réŋréŋ moo aŋgàa mfoòmé, a kùm wír ve á sámer wír vifá réŋréŋ moo aŋgàa sam.

Matio 15:14

Vèn maʼti dzə́ə wìr vee shooy, dzə̀ amfìr. A mfìr lò, a caàcà mfìr, bo wùn wun yíi tatí, e gbùkìr e bii wír adzə̀m.»

Sekariya 1:6

Yii bèy, kinyo kidzə̀m ke mò‑oò yiìn aŋgàa ntum vémé yíysí, e kàntì atàr vén shó, kí kù‑uù ghèén aáwuné kitu. Áwune nèn bìnèr melív mev, e sùúy jii, ‹Nyùy Tàr woo Taà Mànjòŋ lòvtí e vèr mo wù‑uù kàʼàn, réŋréŋ mo liì wor kisaŋ wùn à njiìn wor wo bi‑iì dzəə̀n.› »

Hosea 9:9

Áwune nə̀ə́ ne e vinyò ve bi ví wuu baà, e bìvír vitú, kí fóy fóyin, kù mo atàr véví‑iì yii e Gibea fo ŋgùʼ. Nyùy kù yíi a kuumé vinyo ve á buʼtì. Wù wíy màʼ ŋgeʼ aáwuné kitu bìʼ vinyo vév ve bi ví.

Hosea 8:13

«Áwune koŋ a cù mo e nyám si, a kù dzə̀ ji á koóy nyám yée kfər, a bó yòʼ dzə̀ mo woo Nyùy Tàr, m səə̀sí áwune gheéy. Ké lèn ki, m lo, e kiv njò yev, e màʼ ŋgeʼ aáwuné kitu. M yíi siìr áwune é bàm é Ejiv.

Hosea 1:4

Nyùy Tàr nèn sùúy e Hosea jii, «Shù yír wan və̀ne ji ‹Jesreel›, bìʼ fo ntàm yòʼ‑óò dar, a bó m máʼ ŋgeʼ e fòn woó Isray kitu, bìʼ yúyrí ye Jehu woo tàr à ràm yév‑iì yuyrin wíri é Jesreel. M wíy màyìr sáʼ yév fó Isray.

Aysaya 3:10

Ké wìr ve á yúnin Nyùy, á ku sùúy aáwune á ji á yíi a ker a vishí ve juŋ vi, aáwune kù yíi sòʼ a sóŋ, bìʼ vinyo ve juŋ ve vé‑eè yii e wír ámóʼó.

Ŋgàn 5:22

Vinyo ve wìr wo wù méŋ Nyùy yii vi dzə̀ kitám kfə́, a wù kù yíi bìnkìr, e lì e wun vinyò ve bi ví.

Ŋgàn 12:14

Jí se ru sí kù dzə̀ wùn à vilaʼày və́ ví, réŋréŋ mo ŋgaà lìm kù yii dzə́ sa wùn à vilaʼày və́ ví.

Hosea 7:2

Áwune yòʼ gwarìr feyì ji m shoóshi a vinyo ve á buʼtì vìn, leey vidzə̀m. Vinyo vév ve bi vin vi sùm ne áwune, a bó yòʼ dzə̀ féyì m yiì bìn ndzə̀m, e làa yòʼ a way sí sho.»

Hosea 9:15

Nyùy Tàr suuy jii: «Liì wov wo bi və̀n kù‑uù kèʼ a dzə̀ é Gilgal. Á fo vibàn vé vèr áwune ví‑iì kèʼèn, a m yíi fəə́r áwune fo mǒ nsay, bìʼ liì kisaŋ wo á yii. Kikoŋnìn ke vèr áwune kí kù‑úù seéy, bìʼ kóy wo vilìmbìy vév ví tsə́y vèr áwune.

Hosea 10:10

Ké lèn ki, m lo, e màʼ ŋgeʼ e věn kitu, bìʼ kóy wo vèn tsə́y vèsən. M lo, e baʼtí vitúm vímóʼ ví, aá nəə́ ven e rə́r sí, e sə̀r ven, bìʼ ajay vén ve á kù kuʼ, du duùn fó mbìy.

Hosea 12:2

Ké lèn ki, Nyùy Tàr sí kér nsaʼ wùn à wír veé Judàa. Wù sí lo, e màʼ ŋgeʼ e wír ve dzəə̀n rám Jakoví kitu, e làʼ áwune mo yii yéví dzəə̀n.

Ŋgàn 11:31

A Nyùy laáme wír ve á yúnin wun, laáme, aá dzə̀ə́ e kitu ke nsay, bo ké wìr ve á méŋ wun ki wíy a dzə e le, áwune ve á dzəə̀n aŋgàa yiì ye bií?

Esiker 44:10

«Ké wìr veé ram Levi ve vé‑eè bìnèn ndzə̀m e mò, a ghvəm mebvə̀m e ghan se wír veé Israyi‑iì màʼàyìn mo, áwune kù wíy a beʼ ŋgeʼ kinyò ke áwune‑eè mùmèn.

Esiker 44:12

Mo áwune‑eè duùn ne, e tsəə̀né wír veé Isray, á nəə́ é jay, a ghvəm mebvə̀m, bo m kan, kér kiwó e yuv, liʼì, ji áwune kù wíy a beʼ a ŋgeʼ vinyò vév ve bi ví.

Hosea 12:3

Bo á wìy a dzəə́ Jakov, a wù sí sə́ kóy wùn fər və Esav. Wù wìy kùy, e fùnèn wùn Nyùy,