Hosea 4:7 - ŊWÀʼ NYÙY

⁷ «Atàá cù, mo ŋgoo yen kuʼù, kù dzə̀ sá réŋréŋ mo vinyo vén ve bi ví kuʼù. Bìʼ bey, m yíi siìr viwìr vén, é ví kfə́n ji nshoórmé.

Hosea 4:7 Referans Kwoze

Hosea 13:6

Yii bèy, m yiír ven, vèn yíkír, e kùr, e lò, e kèʼ wún wo yuúné, e nèn mèŋ mo.

Filipi 3:19

Vee shooy vee wíri wíy jòʼsì kév a dzə̀ é və̀y, bìʼ fo wóov woo Nyùy dzəə̀n shúuyi, aáwune kfə̀n sumrì wún é vinyò ve á kì rə̀ʼ‑ə́ə̀ wáa woomé woomén fó fo, wáy vifií vév a dzə̀ é vinyò veé nsay fèn.

1 Samuel 2:30

Yú ke Nyùy Tàr, Nyùy wìr veé Isray suuy e wò ki. Mò‑oò lo kàʼ rú ji kfə́ə yée wíy a lìm fo mò ghán sidzə̀m ji atàá cù mo rám yée wíy a dzə. Yii bèy, yú ke Nyùy Tàr suuy lèn ki. Bó kí yòʼ dzəə́ yìi koóy bèy. M sí yiì a nàn wír ve á ghvə́m mo, a sèn wír ve á ŋwáy mo.

Malakay 2:9

Bìʼ bey, m yiì ne, wír veé Isray adzə̀me wáa ŋway ven, a leéy ven ntéŋ. M yiì bèy, bìʼ fo vèn yòʼ yúnin mo, lóo yeʼéy wíri ntir sém, á wàa leéy sí wìr.»

Hosea 10:1

Wír veé Israyi‑iì dzə̀ moo kitiír ké *vayin, kitiír, a tútúʼ koóm shó nyanyày. Mo vikuʼùy ví‑iì nəə áwune, kù dzə̀ sá réŋréŋ mo vé‑eè bóm kíy se cù. Mo nsay yev‑iì fəər vifá ve yi nyanyày, kù dzə̀ mo áwune‑eè náŋsin sə́y se anyùy, a sí njaʼkìrì.

Hosea 4:10

Áwune wíy a yi kifá, e kù a tooŋé tooŋén, a ghvəm anyùy ji á fó kidzəə́y, a bó á yòʼ yíi a ker wón, bìʼ fo á màʼàyìn ne mo woo Nyùy Tàr, a cù anyùy ámóʼó.»

Habakuk 2:16

Babilon, vikuʼùy vén ví yíi bìnkìr ji woomé. Kù yíi no ven lèn, a dìn kinshóʼ kén. Nyùy Tàr yíi yiì, é vèn nó mvə́ə mee meluʼ, a dzə̀ ŋgeʼlàʼ, é vikuʼùy vén ví lay, é vèn wáa woomé.

Hosea 6:9

Atàá cùu kù dzə̀ moo ŋgoo ashòŋ ye yì lìrìn, a teʼ wíri. Áwune lo, á yùyrí wíri é dzəə ye yì du e ŋkàlaʼ yee Shekem. Aá kù buʼtì vinyo búʼtin e kúmé.

Hosea 5:1

Nyùy Tàr kú a suŋnín, a suúy jii: «Ven vee atàá cù, vèn yuúrí. Éè vilìmbìy veé Isray, vèn yuúrí. Ven vee wón ntoʼ, vèn yuúrí kinyo kìn ki. Vèn kì yíi a tinén vinyo e nsànloŋ, mo vèn yàrìn, bo nsaʼ sí lo, e bìnkìr e věn kitu. Vèn cu anyùy e Mispa, cu e Gwan Tabor, a sì kitám ke wíri li sho, lálán, wo á ndzə́v sho.

Esra 9:7

E kèʼ fo atǎr atàr vérí, e wìy shem lán, lòn wórí kùʼ ne e ŋàŋ. A yì‑iì yiì ajay vèr aàfon vérí wùn à vé atàá cùu, é bo á wáy ver áàfon vitumé wo, aá wáa gwàtì ver ámóʼó, e koòrí ámóʼó, e dù sho, e faàsì vifá vér, vèr wáa woomé moo lán və̀n bèn.

Hosea 13:14

«A dzə̀ rú, m yiì tìn áwune fo aŋkfəə́ wòŋ à? A dzə̀ m bòyìr áwune fo kpuú wo à? Éè kpu, nyár ye à yii wiy shoo bèé? Éè wòŋ aŋkfə, laar ye à yii wiy shoo bèé? M yòʼ dzəə́ wìy sham mendzən mev.

Hosea 9:11

Viwìr ve wìr veé Isray vi yíi taʼrí, e lày, kù moo shinə́n she shí feŋen, e lày e shwer. Áwune yòʼ dzəə́ wìy a dzəə́ wón, a vikìy vee bvəmeé yòʼ dzəə́ wìy a dzə, a wiíy yòʼ dzəə́ wìy a tiím bvəm.

Hosea 10:6

Rúrú, á wíy lì shibvə̀m she áwune yoy, tiir sho shìn, e dù, e shwi fon woó Assiriya sho, wun woo fon wo wiy. Á wíy shoór wír veé Isray, aáwune wáa woomé, bìʼ vifií ve áwune baʼtin, e wày e shibvə̀m shìn shí wùn.

Remrí 32:15

Yii bèy, Jeshurun yíkír, e fàŋ, a ŋàʼ. Wù fáŋ, e rùn, a nə̀ʼ nə̀ʼə̀n. Lòo nə̀ʼ, e bìn ndzə̀m e Nyùy. Wù‑uù ŋwày Ŋgaà Mbom və, e màʼày Ŋgaà Lùŋèr və woo Kilán kfə́.