Hosea 4:6 - ŊWÀʼ NYÙY

⁶ Wír vémé sí kpúkir bìʼ méŋ ye á meŋen wír wo dzəə̀n mo. Ven vee atàá cùu tèn ne fó kiíy wír wo dzəə̀n mo, bìʼ bey, m mèŋ ne ven fó atàá cù vém. Mo vèn tenen fó a sàmèr yéʼéy Nyùy won, bìʼ bèy, m yíi ten sa fo wón véné wáa dzə atàá cù.

Hosea 4:6 Referans Kwoze

Aysaya 5:13

Bìʼ bey, á yíi koorí wír vém, e dù sho e kwaʼ nsàm, aá koóri áwune, bìʼ fo á yòʼ gwarìr lím Nyùy Tàr. Jìŋ yíi a kom vitó ve kfə́m sé wìr sév komén, é wír ve áwune sáʼáa wáa kpu kilòŋ ke yumén kí.

Ŋgàn 19:2

Kí yoʼ bòŋ ji wìr wáa ker shilív, a buŋ vifií. Wìr girì, wù tò é kinyò ke bi kí.

Hosea 6:6

Ke m kér shií shó ki dzə̀ jii, wíri wáa kòŋ mo woo Nyùy rú, e shaà fó a rəsí, a seerí a dzə̀ nyám si, a cù mo shó. Shií wom féyì feyì dzə̀ ji wíri kiíy mo, e shaà fó a rəsí, a yiì a dzə̀ cu ye tonèné.

Hosea 4:1

Éè wìr veé Isray, vèn yuúrí kinyo ke Nyùy Tàr yoŋ e vèn kí. Kí dzə̀ jii, Nyùy Tàr kér nsaʼ wùn à wír veé wòŋàne, suuy jii, «Suuyrú wùn à kikoŋnìn ki mày ne fo nsay fèn, a bó wìr yòʼ kfə̀n gwarìr kinyo kee kùm Nyùy.

Matio 15:8

« ‹Wír vìne ghvə́m mo a dzə̀ fó shuù, a bó melív mev mè yòʼ tíy e mǒ wùn.

Hosea 8:14

Wír veé Israyi bàʼrì ne ntoʼ sév, e làysìn Ŋgaà Mbóm wov. Wír veé Judàa bóm a dzə̀ ŋkà se laʼ se tavkín sí, sí wáa dzə sinín. Yii bèy, m yíi tsənsí və́y, é wú ton ŋkà se laʼ sév, e tòn virə́ʼ vév ve tavkín ví.»

Aysaya 17:10

Kí wíy koóy bèy, bìʼ fo ven veé Israyi làysìn Nyùy wo wù luŋèr ven. Vèn yòʼ kfə̀n kuúme ŋgaà wo dzəə̀n Kirùmèn kén ké nsàm. Kí nén a dzə jii, vèn gísin kisáŋ, táy vifá tayín, e bó a bìy e sum, taʼ run se vifa se wiyìn sí, e bó a bìy.

Jeremia 2:8

Atàá cùu yòʼ‑oò ló a beè mo woo Nyùy Tàr. Wír ve á yoŋ nsəri yòʼ‑oò ló a kiíy mo, vilìmbìy vi‑iì ŋwày mo, aàŋgàa ntume tiísi ntum a dzə̀ ye *Baal, cu vifá, a yòʼ dzə̀ ví sə̀ áwune.»

2 Wòŋ 15:3

Ghán símóʼ sí‑iì dàrnìn se Isray yòʼ‑oò ló a cù Nyùy wo ru. Taà cù woo ji wun yéʼéy áwune yòʼ‑oò dzə̀. Bìʼ bey, la áwune yòʼ dzə́ə a jùmrì nsər Nyùy.

Hosea 13:6

Yii bèy, m yiír ven, vèn yíkír, e kùr, e lò, e kèʼ wún wo yuúné, e nèn mèŋ mo.

Aysaya 1:3

Nyàm yee mbòŋ kì wír wo wù kér wun, a kimbèʼbìy kí kì wír wo wù yiir wun. Yii bèy, a wír veé Israyi yòʼ kì fo á binè. Bó wír vémé yòʼ kiiy kinyo ke m yii aáwune.»

Jeremia 4:22

Wír vémé dzə̀ viyúŋ, aá yòʼ kì mo. Áwune dzə̀ vinjìŋ ve won, aá yòʼ kì vinyo. Áwune dzə̀ anjàn yiì ye bií, aá dzə̀ anjìʼ yiì ye juŋe.

Ŋwàʼ Jov 36:12

Yii bèy, aáwune lò, e làa yòʼ a yunín, bo á kù wíy kpu kpú mensəə, e kpu, a bó á yòʼ kì jeéyjeéy fó vinyò.

Jeremia 5:21

«Vèn yuúrí, ven vee viyúŋ, ven vee vinjìŋ ve wíri. Vèn kér sí, a bó vèn yòʼ yén virə́ʼ. Vèn kér vituʼùr, a bó vèn yòʼ yú vinyo.

Aysaya 3:12

Ke Nyùy Tàr suuy ki dzə̀ jii, «Wónlè ve terií lò ne, a tay wír vém, a sáʼ wìr vémé kù sí lo a dzə̀ fo vikìy. Éè wìr vem, vilìmbìy vén ví sí tuʼùr ven túʼurin, jívir ven fo vèn wáa ghan e mǒ mbòv.»

Nsùyrì Nyùy 119:139

Dòʼshwiíy kív mo, bìʼ fo aŋgaà vém vibàné laysìn jí sé.

Nsùyrì Nyùy 119:61

Wír ve á méŋ wòo gìm ne mo, e tàr áàlíŋé. Yii bèy, a bó m yòʼ laysìn Nsər yè.

Matio 15:14

Vèn maʼti dzə́ə wìr vee shooy, dzə̀ amfìr. A mfìr lò, a caàcà mfìr, bo wùn wun yíi tatí, e gbùkìr e bii wír adzə̀m.»

Hosea 8:12

Fə̀m mo m foon nsər sém aáwune sineénín, aá sáŋ é ŋwàʼ, áwune tèn féyì ji bó nsər sìn si yoʼ kùm a áwune.

Hosea 8:1

Nyùy Tàr suuy jii: «Tóŋ sóŋé, aŋgàa vibàné sí ghíʼ nsay Nyùy Tàr, ghíʼ moo lùŋ wo wiy wo wù féŋ, giimè kifá. Dzə̀ bìʼ fo wír vémé bivirin ne *mensaŋ mem, e tèn fó a yunín yéʼéy yém.

Hosea 4:12

Áwune kù sí mbaa a dzə̀ mebvə̀m, a dzə̀ kicí mo á semen, kwaʼ ji kí yíi suúy kinyo ke kí bvəə́shi, e koóy. Shií wo áwune kér fo mebvə̀m mè yiì ne, á jáy dzə́ə. Á kfə̀n ne ji sàkì, e màʼày mo, e dù, e yèn a dzə̀ anyùy ve səné.

Hosea 2:13

Rúrú, m wíy màʼ ŋgeʼ e Isray kitu, bìʼ ŋwáy ye wù‑uù ŋwayin mo, e ŋwày mo, e dù a tòn kiláy, a cù mebvə̀m mee Baal sho, e lò, a wayrí a dzə̀ vifá ve sùsù, a ghan sho aàŋgàa ŋkòŋmé vəə́ bàm. Ghán bèy, laysìn mo. Suuy mo woo Nyùy Tàr.»

1 Samuel 2:12

A wón wun woo Elií‑iì dzə̀ wír kisaŋe, a bó á yòʼ‑oò kér shií fo Nyùy Tàr.

Aysaya 45:20

«Ven vee vitúm veé kitu ke nsay, vèn bánén. Wìr dzə̀m wo wù bòyìn fó rər se sí tònèn woŋ, vèn báʼtí. Á ku kòʼtí e mǒ mentsə̀m, e neèr vinyo, aá tar. Wír ve á béʼ mebvə̀me yòʼ kì kifá ke á yii, áwune ve á ghvə́m mebvə̀m, a bó yòʼ dzə̀ mè sə̀ áwune.

Aysaya 27:11

Sí sooyì, tám se vici sí yúm, béʼkirì, é vikìy wáa wìy, a siv ji meŋkaʼ. Rúrú, wír vìne ter fo vinyò e kúmé, a Nyùy Tàr wo wù‑uù bomen áwune yòʼ wíy sham áwune. Wun wo wù‑uù bomen áwune yòʼ wíy dìn shammèndzə̀n aáwune.

Aysaya 28:7

Kí foy kí dzə̀ jii, atàá cù wùn aàŋgàa ntum Nyùyi kù sí ghán, fénkir bìʼ meluʼ me á noon, mè wáa jivír vifií vév. Á sí ghán, tuŋkìr tùŋkìn, a kù sí caacà meluʼ áwune. Á yòʼ dzəə́ yén ntum ye Nyùy Tàr din aáwune é njà kinjeenjèm, a bó áwune yòʼ dzəə́ kiiy móo tinén, e shù kinyo kee tìítiy.

Nsùyrì Nyùy 119:153

Ku lèéy ŋgeʼ ye m yéné, e fə̀ə́r mo fó fo, bìʼ fo m yòʼ laysìn Nsər yè.

Ŋgàn 10:21

Wìr yúnin Nyùy, wù yìír ŋgòŋ e jí si, du e kiyuŋ, wù kpù kibúŋ ke vifii.

Esiker 44:23

«Áwune ku wìy a yeʼéy wír vém, aá wáa kiíy jeéyjeéy fo kifá ke dzəə̀n ji ké Nyùy wùn à kee kiy ki, e kfə̀n a naàrì sa áwune, aá wáa kiíy jeéyjeéy fo kifá ke *kifàn kí, à kee là kifàn kí.

Hosea 4:14

Fə̀m mo wón véné ghán visàkì, a vikǐy won véné ghán viŋkar, feyì feyì, bó m yòʼ yíi màʼ ŋgeʼ aáwuné kitu, bìʼ fo ven vee alúme du, shiiy vèn aàsàkì veé virə̀ʼ vé cùu, vèn áwune shiiyì, cu anyùy kisaŋe. Kitúm kee là vifií kí kù wíy lày ŋkuuŋkùŋ.

Hosea 5:4

Vinyo ve wíri buʼtì vi shèm ne fo áwune kfə́n é bàm e Nyùy wóv wùn. Shií wo áwune kér fo anyùyi yiì ne, a bó yòʼ dzə̀ á kfə̀n a kiíy Nyùy Tàr.

Hosea 7:9

Vitúm ve áwune yoy, tiir sho vi rèŋèr ne vitaáví vév, a wír veé Israyi yòʼ fə̀m gwarìr kee shooy. Fúv si fəə́ aáwuné kitu, aá yòʼ kiiyì.

Hosea 7:11

Wír veé Israyi sí tuʼtìn moo kibìŋ, lón sə́mo fo wír veé Ejivi, léʼ, du a dzə̀ fo wír veé Assiriyàa.

Nsùyrì Nyùy 18:27

À sə́ wír ve á yòʼ yén vitú vév, sen wír ve á kóʼor wún.

Aysaya 29:12

Wù lòo dzə, e lì, e dù sho fo wìr wo wù yòʼ kiìn móo yòŋ, e sùúy sho jii, «Yòŋ ŋwàʼ və̀ne, e fò e mò,» bo ŋgaàŋ kù du, e bìnèr jii, «Bó m yòʼ kì móo yòŋ.»

Hosea 9:17

Nyùy wo m ghvə́mé yíi meŋ wír veé Isray. Wù yíi meŋ áwune, bìʼ fo á tenen fóo yunín wun. Áwune yíi a ghan, a jan janén e vitúm ví mvəm, aá yòʼ yíi a ker kirə́ʼ kée teʼ kitú sho.