Hosea 4:3 - ŊWÀʼ NYÙY

³ Bìʼ bey, nsay yùm ne, a dzə e nsòv, a kifá kidzə̀m ke kí dzəə̀n shó ki wèʼ ne wéʼen. Nyám sidzə̀m wùn à menə́n mè, à sə́ si ló kpukír.»

Hosea 4:3 Referans Kwoze

Tsəfaniya 1:3

M wíy laàr wíri, e laàr nyám si. M wíy laàr menə́n, e laàr sə́ si. M wíy laàr wír ve á méŋ mo, e səʼsí wíri fó kitu ke nsay sə́ʼsín. Suuy mo woo Nyùy Tàr.

Nahum 1:4

Wù wám rìbà ndzə̀v, wù yùm. Lo, wù yiì, ndzə́v sí yùmkír sidzə̀m, vifá veé ŋgvən Bashan vi yùm, Gwan Karmel yòvrí, vibuushì veé Lebanon vi keèsí.

Amos 5:16

Kí nén a dzə jii, Nyùy Tàr woo Taà Ndzə, wun woo Taà Mànjòŋ suuy jii: «Wíri wíy a toŋ, a jeetí mentàrnín medzə̀m. Á wíy a rəəmé e ŋgvə̀n kwaʼ jii, ‹Óò, wír a e věr wùn.› Á wíy a jàŋ vé sumé wùn à vindìykpu vi ji á wiy, é wùn áwune tátí, a dìy adzə̀m.

Esiker 38:20

Yì wíy sə̀ʼ, é vifá vidzə̀m vi wáa fàn mo, a yàʼ. Sə́ si wùn à menə́n mè, à nyám seé kwaʼ si, à kifá ke kí ŋaŋrì ŋàŋrìn kí, e bóo lì wir msòŋ e dzə̀m, aá wáa yàʼ. Ké agwan, aá keesi, é vikóŋkóŋ ví kerkir, é kay se ŋkàlaʼ sidzə̀m si sə́y é nsay.

Jeremia 12:4

Nsay wíy yum, e dù, e meé e le? Jíyí wíy kpu, e dù, e meé e le? Nyám si wùn à menə́n mè kpùkír ne, e mày, a dzə̀ bìʼ liì kisaŋ wìr ve á dzə́ e nsay fèn, suuy jii, «Nyùy yòʼ yén vinyo ve vèr yii.»

Jeremia 4:25

M lóo leéy, e làa yòʼ kfə̀n yen wír, e yèn sá, a menə́n meé yuv medzə̀m mè féŋkír ne.

Amos 8:8

Kinyo kìn ki wíy sə̀ʼ woŋ, é wìr dzə̀m wo wù dzə́ sho wáa dìy. Virə́ʼ ví wíy a liynín, a koʼ, a səy moo ndzə́v yee Naay.› »

Amos 1:2

Amos wáa fìʼtì ntum rə, a suúy jii: «Nyùy Tàr wámkir e Sion, tsə́nsi kisúŋnìn fo Jerusalem, a kwáʼ nàʼa yúmé, a jíyí yúm, sə́ʼsi fo Gwan Karmel.»

Aysaya 33:9

Nsay kù sí diy moo wír wo wù dìyìn kpú, vitaáví ví máy. Vicí vé *sidar veé Lebanon vi yùm ne, a tiy moo wír wo wù bùʼùn kinyo, a woomé. Nsay ye borín yee Sharon sì ji wóʼ lèn, vicí veé Bashan wùn à veé Gwan Karmel vi sòóy ne vidzə̀m.

Jeremia 9:10

M nèn yòŋ jii, «M yíi a toŋ, a dìy bìʼ agwan, a yòv lúŋ kpu bìʼ vitsəə̀m vé nyàm veé woʼ. Fóo sì e ghá, a bó wìr yòʼ kfə̀n shaa fo, a bó á yòʼ kfə̀n yú tóŋ nyàm. Menə́n wùn à nyám si lèʼkír ne, e lày.»

Jeremia 23:10

Wír ve á maʼày Nyùyi rùn ne e wòŋàn, aŋgàa ntume dzə́ dzə́ kisaŋe, li kilíŋ kév ké lìm, yii a dzə̀ lím kisaŋe shó. Lǒn Nyùyi shòv ne fó, nsay nén a dìy, yí nyàme yúmkír é virə̀ʼ vé woʼ.

Joel 1:18

Nyám sesən sí sí ghán, ján, toóŋe toòŋén, bìʼ fo sí yòʼ dzəə́ kér yí, a ŋgoo se njiì si yén sa ŋgeʼ, bìʼ yí ye yí buŋen.

Sekariya 5:4

Nyùy Tàr woo Taà Mànjòŋ yoŋ jii, ‹M wíy tsənsí lòn é wòŋ, é wú nəə́ áàshóŋé melav, e nə̀ə́ sa e wír ve á bóʼti kimboʼtì, kan yír yém kisáŋé lav. Wú nəə bèy, é wú goʼ fó, e laàr kifá kidzə̀m, à vicí vé lav vi, à tíyí shó.› »

Jeremia 9:9

A dzə̀ rú la m yòʼ màʼ ŋgeʼ aáwuné kitu, bìʼ vinyo vìn à? A dzə̀ la m yòʼ siìr ŋkfə́tír e kfə́ə kitum kee ben ki a?» Suuy Nyùy Tàr.