Hosea 4:2 - ŊWÀʼ NYÙY

² Wíri yii aŋkàʼmé, bin, shóʼorì, bóʼti kimboʼtì, yúyri wíri, shóŋ vishóŋ, aàlúm wírií jaŋ kinjàŋ, a vikǐy wírií ghán viŋkar. Á buʼtì vinyo, tónenè, yúyri wír, tóm wùmòʼ.

Hosea 4:2 Referans Kwoze

Hosea 6:9

Atàá cùu kù dzə̀ moo ŋgoo ashòŋ ye yì lìrìn, a teʼ wíri. Áwune lo, á yùyrí wíri é dzəə ye yì du e ŋkàlaʼ yee Shekem. Aá kù buʼtì vinyo búʼtin e kúmé.

1 Tesalonika 2:15

A dzə̀ áwune vee wír veé Juda vìn ve vé‑eè yúyri *aŋgàa ntum Nyùy, e kfə̀n yùyrí sa Tàr wòsən Jesus. Ku kfə̀n a dzə sa áwune ve á ron wúu yér lèn. Mo áwune yii bèy, á tínsin a dzə̀ Nyùy, kfə̀n téʼtin wíri,

Mayka 7:2

Rúrú, wìr woo ji wù ghán e Nyùy mbòv mày ne fo kitu ke nsay, a bó wìr wo wù yii réŋ yòʼ kfə̀n dzə̀ə́ e wìr msǒŋ mvəm. Wìr dzə̀m kù sí taʼ a dzə̀ dzəə kinjuyrìwìr, tám alálán, jwím a dzə̀ afə́r shó.

Hosea 7:1

«M lo ji mo‑óò fer yàsi wìr veé Isray, m kù yèn a dzə̀ vinyo ve áwune buʼtì, e yèn virom ve á shóʼ e ŋkàlaʼ Samaria. Wìr kù sí lo, wù wàa boʼ wùmòʼ bóʼón, ámóʼó wàa kivtí a dzə̀ lav se wíri, a shoŋ vifá, ámóʼó wàa faàsì vifá ve ámóʼ vee wír e mentàrnín.

Jeremia 6:7

Jerusalem buʼtì vinyo là meemè, moo ndzə́v ye tuŋéné, ye yí fəər mendzə́v là meemè. M kù yú a dzə̀ ŋgeʼ ye wù fó, kfə̀n yú vifá ve wù bívirì. M leey fó, yén a dzə̀ yàsí wùn à kileémé kí.

Ŋgaà Yen 17:6

M yén, a wiíy və̀y baá mo koò meluʼ, a koó mensə́ me wìr Nyùy ve wù‑uù rə́si yúyri, a mè shaa e si wo, bìʼ fo á kù‑uù tíy kév a dzə̀ wùn à Jesus. M ku nèn a leéy wiíy və̀y bèy, a jaáy.

Lim Aŋgàa Ntum 7:52

Ŋgaà ntum Nyùy wùmòʼ dzə̀ shó wo atàr véné yòʼ‑oò ló a ròn wúu rə́ á? Áwune kù‑uù yúyri aŋgàa ntum Nyùy yúyrín, a vé‑eè fiʼtì ji Ŋgaà Lìm Nyùy woo rú waà wíy wìy. A dzə̀ wùwun woo shooy mo wù‑uù wìyìn ne, vèn sháʼnín, e yùyrí.

Matio 23:35

Vèn yii bèy, é Nyùy nèn dzə̀r mensə́ me wìr və́ ve vé‑eè yuyrin é nsay fèn adzə̀m a dzə̀ e vèn. A wù wíy kèʼ dzə́r a dzə̀ fo me Abel wo vé‑eè yuyrin là njò, e dù, e meé e me Sekariya woo wan Barakia wo vé‑eè yuyrin é shùu lav cù, e bǎm kiy wo á cu Nyùy sho, e bó a nəə́ e lav cù.

Sekariya 7:9

Nyùy Tàr woo Taà Mànjòŋ suuy a jii, «Vèn wáa tinén kinyo kidzə̀m là kiloʼ, a kòŋ wir dzə̀m, é wìr wáa sham fə́r və.

Sekariya 5:3

Wù suúy e mò jii, «Ŋwàʼ və̀ne ghán ndzə e dzə̀m, a wú kér lòn. Á sàŋ lǒn ashòŋ é mbìv yìmòʼ, e sàŋ lǒn wìr ve á bóʼti kimboʼtì, kan yír Nyùy kisáŋ, e yìmòʼ yee mbìv. Lòné koó wír, á fə̀ə́r ŋwèrín fo wírí mvəm.

Tsəfaniya 3:1

Lǒn Nyùyi shòv ne Jerusalem. Dzə̀ ŋkàlaʼ a yì táv kitú. Yì shoor kitú, kfə̀n nəʼsì wír və́.

Mayka 6:10

A dzə̀ rú féyì m làysìn bùʼ wo wír ve bií shwìvìn wíri, a ker aáwuné melav a? A dzə̀ rú, m làysìn mfìʼ kinshwìv ye áwune lo, á wàa fìʼ vifá ve wíri shó a?

Mayka 3:9

Ven vee atǎr saʼ rám Jakov, vèn yuúrí, ven ve á sáʼ kitúm kee Isray. Vèn ŋwáy kinyo kee tínén é nsànloŋ, kù jwivrì kinyo ke ru kí jwívrin.

Mayka 3:2

Yii bèy, vèn ban kén kinyo ke ru kí bánen, kóyti a dzə̀ ké kisaŋ ki. Yìiy, vèn yuv júv fo wír vémé wùn, aá dzə̀ə́ atin. Vèn kfə̀n ne ji aŋgwàrnyàm, shóʼoy jáv fo wírí vighvər.

Hosea 12:14

Yii bèy, wír veé Israyi ló kév, e tìnsín Nyùy Tàr, wù shwiíy kilòŋ. Bìʼ bey, Nyùy Tàr yíi siìr yúyrí ye áwune yúyri wíri, é yí kfə́n a dzə̀ aáwuné kitu. Nyùy Tàr wíy màʼ ŋgeʼ aáwune, bìʼ ŋwáy ye á ŋwayin wun.

Hosea 10:4

Áwune fəər jí si fo shuù, a sí yòʼ kér mvə́m, yii aŋkàʼmé, a bó á yòʼ wíy lìm, yí kilìʼ kisáŋ. Nsaʼ yee tínén e kiloʼ ki nəə̀nín ne aáwuné mvəm, kù moo kikwiíy ké njoŋ ke kí ràmtìn é sum.

Hosea 7:3

Nyùy Tàr suuy jii: «Vé ntir veé ntoʼo lo, á bà antaŋ ve bií, a levtí fon, wù kù a sheʼrí sheʼrín. Á lo, á lì kimboʼtì, a boʼtí vé saʼa shó, á wàa sheʼrí.

Hosea 5:2

Vèn tùŋ ne bií é Shittim, wú shoó, a teʼ wíri shó. Bìʼ bey, m lo, e màʼ ŋgeʼ e věn kitu wir dzə̀m.

Yòvdìy 4:13

Kí‑iì kòóy bey, bìʼ jay aŋgàa ntum Nyùy vee fó, e kòóy, bìʼ vinyo ve atàá cùu‑uù buʼtì. Áwune‑eè yúyri alànjò aáwuné mvəm, wíri, a dzə̀ vee Nyùy mbòv.

Aysaya 48:1

Ven vee rám Jakov, vèn yuúrí kin ki. Vèn yuúrí, ven ve á yoŋ e meŋkfəm ji Isray, ven vin ve dzəə̀n rám Juda. Vèn dzə̀ kén wír, aá lóo yiì kilìʼ, á wàa kàn a dzə̀ yír Nyùy Tàr, a vèn naarì vitú vén ji á ghvə́m Nyùy wìr veé Isray. Yii bèy, vèn kù ghvə́m wun a dzə̀ fó shuù, a bó vèn yòʼ tíy rú e wun wùn.

Aysaya 24:5

Wír ve á dzə́ e kitu ke nsayi yiì ne kitú ke nsay ki bír birín kidzə̀m. Áwune ŋwày ne yéʼéy Nyùy, e bìvír kitú ke nsay. Á jwìvrì ne sáʼ Nyùy, e yàʼáy *mensaŋ me wù‑uù gwàrìn wùn áwune ji mè kù wíy a tiy fo.

Kèʼlo 4:8

Keen nèn lò, e bì fə́r və woo Abel ji wùn wun du á e kwaʼ. Á dù, e mèé fo, wù koó Abel, e yùyrí.

Remrí 5:11

« ‹Lá vèn yòʼ yòŋ yír Nyùy Tàr woo Nyùy won kisáŋ, bìʼ fo mo woo Nyùy Tàr wayin ji wìr wo wù yoŋ yír yém kisáŋ kù li njò.

Remrí 5:18

« ‹Lá wìr yòʼ lì wiiy wìr, kìn ji wiíy wáa ghan viŋkar.

Remrí 5:19

« ‹Lá wìr yòʼ a shoŋ vishóŋ.

Jeremia 51:5

Mo woo Nyùy Tàr woo Taà Mànjòŋ, mo wo m dzəə̀n Nyùy Isray wùn Juda, m yoʼ màʼày áwune, fə̀m mo áwune bùʼtìn ne vinyo woŋ wóv e dzə̀m, e jày e mò, mo wo m dzəə̀n Ŋgaà wo Ranén woó Isray.»

Esiker 7:23

«Kirə́ʼ kidzə̀m ki kù sí bvəə́ri bvəə̀rín, a nsay sì mensə́ mensə́, a wíri kù buʼtì vinyo búʼtin é ŋkà se laʼ. Bìʼ bey, á fer sháŋ e nín, wóo koo áwune, e kur sho.

Hosea 6:8

«Ŋkàlaʼ yee Gilead dzə̀ ye aŋgàa yiì vinyò ve bi ví, a vé kinjuyrìi fúm fo fumén, mvəmlaʼ e dzə̀m.

Hosea 7:4

Áwune soóne moo vé kinjàŋe. Á sì moo kíy wo á ton birer sho, a wú sí lum ji rǐŋ, ŋgaà kiy yár fó a koʼór və́y, e kù a shìy a dzə̀ meŋkfəŋ ji mè maysi, e kòʼ, é bo á ton.

Hosea 10:13

«Yii bèy, vèn wày ne ŋgoòy, a dzə̀ liì wo bi, e kàv a dzə̀ kinyo ke bi kí. Vèn sí yí séʼ a dzə̀ kimboʼtì ke vèn rə́si bóʼti, bìʼ fo vèn tiirin vifií a dzə̀ e věn antaŋ, e kù a yòy, a tiír a dzə̀ é mànjòŋ vé rər wo vèn kér nyanyày.

Hosea 11:12

«Wír veé Efrayime kaàrí ne mo, e kù a boʼtí a dzə̀ kimboʼtì. Áwune veé Israyi ghàʼ ne e lám wo kaŋéné, a wír veé Judàa tíy wùn à Nyùy melív mebaà, a wù dzə̀ kfə́ Ŋgaà wo Ranén, kù tíy wùn áwune.»