Hosea 4:12 - ŊWÀʼ NYÙY

¹² Áwune kù sí mbaa a dzə̀ mebvə̀m, a dzə̀ kicí mo á semen, kwaʼ ji kí yíi suúy kinyo ke kí bvəə́shi, e koóy. Shií wo áwune kér fo mebvə̀m mè yiì ne, á jáy dzə́ə. Á kfə̀n ne ji sàkì, e màʼày mo, e dù, e yèn a dzə̀ anyùy ve səné.

Hosea 4:12 Referans Kwoze

Hosea 5:4

Vinyo ve wíri buʼtì vi shèm ne fo áwune kfə́n é bàm e Nyùy wóv wùn. Shií wo áwune kér fo anyùyi yiì ne, a bó yòʼ dzə̀ á kfə̀n a kiíy Nyùy Tàr.

Jeremia 2:27

Ven vin, vèn yoŋ e kicí kí jii, ‹À dzə̀ tàr wor,› yoŋ e kilán ki jii, ‹À dzə̀ yè wor wo wù‑uù dzəən ver.› Vèn yòʼ wiy fo mǒ wùn, vèn kù sí bin a dzə̀ ndzə̀m e mò. Yii bèy, ŋgeʼ si nəə, vèn nèn a toŋ ji m wiy, e sə̀ ven.

Habakuk 2:19

Lòné dzə̀ wó wìr wo wù suuy e shibvə̀m shi jii, ŋáʼáy, yoŋ e tíyí, a yí yòʼ ŋeʼè ji lò é yuv. A dzə̀ shibvə̀m shí dìn kinyo e wò à? Á fèr ne a dzə̀ e *kisha ke mbàm ke baar kí, à ke fəvír kí, a bó shí yòʼ kér kiyoy fə̀m shishàr.

Remrí 31:16

Wù tiím, e yòŋ e Mooser jii, «Yén ri mbà, à sí lo, e dù, e yen atàr vé aàŋkfəə́ wòŋ. À kpú, bo wír vìne sí lo, a jùmrì anyùy vitum veé nsay yee fo á du, e nəə́. Áwune wíy bìn ndzə̀m e mò, e shoʼór *mensaŋ me mò‑oò gwàrìn vèr áwune.

Kintaŋ 15:39

Vèn wíy lóo yen vijéréŋ vin, é vèn nèn a kuumé nsər se Nyùy Tàr sidzə̀m, a yiì mo sí dzəə̀n, e làa yòʼ dzə́ə a jùmrì a dzə̀ liì kisaŋ wo melív men mè tíy sho. Yii bèy, é la vèn yòʼ dzə́ə a yiì mo síi lévti ven.

Mayka 2:11

Vé kifàʼ vìne dzə̀ ben, aá koŋ ntum a dzə̀ ye kimboʼtì. A wìr lò, e sàsìn, e bvə̀y, a ghan, a levtí wíri jii, wun yíi yiì, aá wáa tsəə̀tìn tsəə̀tìn e meluʼ me tavkín mè, bo wír vìne kù yíi a gbù gbuùn é wùn wó ji á ŋgaà ntum wov.»

Hosea 9:1

Éè wìr veé Isray, vèn yar ŋkàʼ se vèn yí, shéʼri a dzə̀ anyùy vitum si. Vèn bìn ne ndzə̀m e Nyùy won, kù mo wiíy màʼày lúm, e fəə̀ visàkì. Vèn shéʼri anyùy kisaŋe e věn virə̀ʼ ve vèn búʼ sáŋ shó vidzə̀m, shéʼri, ji sì á vilaámé vé cù ye vèn cu áwune.

Esiker 21:21

Fòn woó Babilon yíi a tiy e mentàrnín é ghaa kisəə̀m, a tiy, a sə̀r ŋkoʼ mvə̀n e nsay ji wun shwéŋ, e kfə̀n a beè mebvə̀m mvə, e kfə̀n lì sa báy nyàm ntàŋrí, e tàr fo fo.

Jeremia 10:8

Áwune adzə̀me dzə̀ viyúŋ, aá kfə̀n jiŋè. A dzə̀ áwune yèʼéy ka fo mebvə̀m mè, aá sém a dzə̀ kicí?

Nsùyrì Nyùy 73:27

Rúrú, wír ve á méŋ wòo kù wíy lày. À kù wíy laàr wír ve á bóʼti wò adzə̀m.

2 Wòŋ 21:13

À lò ne, a jùmrì a dzə̀ kiwuú ké afòn veé Isray, e nèn yiì, wír veé Juda wùn à veé Jerusaleme máʼáy Nyùy Tàr, a cù a dzə̀ anyùy, kù mo Ahav wùn à kfə́ə rəə́‑əə̀ yiìn, wír veé Israyi máʼáy Nyùy Tàr. Wò woo Jehoram, à kfən yùyrí afə́r vé vee kfə́ə tàr won, a liì wov bóŋ, e shaà wo.

Cù 20:5

bo m yíi shwivír ŋgaàŋ wùn à kfə́ə rəə́ e dzə̀m, e fəə́r áwune fo wír veé Israyí mvəm. M fəər wùn áwune adzə̀m ve á suusin, e mèŋ Nyùy Tàr, a ghvəm a dzə̀ Molek.

Cù 17:7

Kí lóo dzə bèy, é la wír veé Israyi yòʼ dzə́ə a ghan viŋkar fo anyùy kisaŋe, a see nyám si, a cù anyùy vee bvə́y si shó. Wír veé Israyi kù wíy a lèm nsər rə̀n, e wìy dù, e mày, e ŋgwàʼ sí ŋgwàʼ si mo sí wíy a dzə.

Nsùyrì Nyùy 106:39

Áwune lór vitú vév e liì wov kisaŋ, liì wov wáa beemé e Nyùy si, kù moo wo sàkì.

Hosea 14:3

Yòʼ dzə̀ wír veé Assiriyàa bòyìr ver, a vèr yòʼ yíi a koʼ nyám se ŋkoʼ, a yòy, a tiír sho. Vèr yòʼ dzəə́ wìy yòŋ mebvə̀m ji nyùy wor, vifá, a fer ver e wó yérí. Rúrú, Nyùy Tàr, kù dzə̀ wò wo à shám mendzən me wón tsə̀.»

Atǎr Nsaʼ 18:5

Á nèn sùúy e wun jii, «Vèr kù lón wò lónén, ku dzə̀r e Nyùy ji ghán ye vèr du rə̀ne sà kù yíi bòŋ a?»

2 Afòn 17:7

Vinyo vìn vi‑iì kooy bèn, bìʼ fo wír veé Israyi‑iì yii vinyo ve bi ví e Nyùy Tàr woo Nyùy wov, wo wù‑uù liìn áwune, e kòʼ shó fo Ejiv, e bòyìr fo Farao wo. Áwune‑eè cu anyùy kisaŋe,

Jeremia 23:13

Ké aŋgàa ntum veé Samaria, mò‑oò lo yèn joonè wo áwune‑eè yii. Áwune‑eè tiísi ntum a dzə̀ ye *Baal, e nèn jìʼìr wír vém veé Isray, á jáy dzə́ə.

Esiker 20:32

«Vèn táŋ jii, vèn‑éè wáa dzə moo vitúm vímóʼ ví, a ghvəm vicí, a ghvəm vilán, a bó yòʼ dzə̀ kí wìy kòóy.

Hosea 6:10

«M yèn ne kinsətìshuù ke kinyò e mbìv wòŋ ye dzəə̀n Isray. Wír vémé bìvír ne vitú vév e mebvə̀m me á ghvə́m mè.