Biblia Todo Logo
Bib sou entènèt

- Piblisite -




Hosea 4:11 - ŊWÀʼ NYÙY

11 «Meluʼ mè bvə̀ə́r ne vifií vé wìr vém, mo á nó mee lán, nó me shiiyín mè. Wír vémé yòʼ dzəə́ kiiy fo á dzəə̀n.

Gade chapit la Kopi




Hosea 4:11
15 Referans Kwoze  

Meluʼ mè dzə̀ ŋgaà jàʼ a me tavín mè dzə̀ ŋgaà melaà, a wìr wo wù nó, a mè koó, dzə̀ kiyúŋ.


«Vèn wáa leéy fo věn vitu, a yen fó a ghan, a yi a dzə̀ vitú, a nonín, a baa, a way vifií a dzə̀ é dzə̀ʼə̀m yee fen fo melív men mè rəə́y, é kishiíy kee shooy ki wìy sàsìn, e koò ven moo kitám.


Kí foy kí dzə̀ jii, atàá cù wùn aàŋgàa ntum Nyùyi kù sí ghán, fénkir bìʼ meluʼ me á noon, mè wáa jivír vifií vév. Á sí ghán, tuŋkìr tùŋkìn, a kù sí caacà meluʼ áwune. Á yòʼ dzəə́ yén ntum ye Nyùy Tàr din aáwune é njà kinjeenjèm, a bó áwune yòʼ dzəə́ kiiy móo tinén, e shù kinyo kee tìítiy.


Áwune kù sí mbaa a dzə̀ mebvə̀m, a dzə̀ kicí mo á semen, kwaʼ ji kí yíi suúy kinyo ke kí bvəə́shi, e koóy. Shií wo áwune kér fo mebvə̀m mè yiì ne, á jáy dzə́ə. Á kfə̀n ne ji sàkì, e màʼày mo, e dù, e yèn a dzə̀ anyùy ve səné.


Áwune du fo ŋkàʼ, á kù a yu kinyo ji lúŋ yee rəy wùn à yé nshìí, e bóo lì nshùm wùn à loŋ ye toŋén, aá kù sí nó meluʼ, sev sèvìn. Aáwune yii bèy, e làa yòʼ dzə́ə a gwàrìr lím Nyùy Tàr, e bóo jòkìnyàʼ, a rə̀m ji Nyùy sà lim vinyo vìn e wó rəə́ e le á.


Rúrú, fiì lóo kùvrì kiŋkùvrì, wù kfə̀n é kiyuŋ, a kòyàr bívir wír.


Wìr wo wù li wiiy wìr yòʼ kér vifií, wù yii bèy, a wù kfə́r a dzə̀ kitú kfə́,


«Vèn lóo nəə́ e kibàn ké ntàsín, lá wìr yòʼ nò meluʼ, kìn kifá ke noón ke tavín kímóʼ kí, kìn dzə̀ wò, kìn wón vé, fo wìr kpú. Kù sí wìy a dzə nsər bèy, e wìy dù, e mày e ŋgwàʼ sí ŋgwàʼ si.


Abigail kfə́n fó laʼ, e yèn Nabal, a wù kér ŋkàʼ wo yii kér afon, a wù nó ne feyì, wúné wáa bòŋ wun bóŋen, la Abigail yòʼ dzəə sùúy kinyo sho, e dù meé mo ndzə‑əə̀ ranen.


Lemuel, bó kí yoʼ ghèén ji fòn wáa baŋrí meluʼ me noón mè, kìn ji atǎr saʼa wáa baŋrí meluʼ me tavkín mè.


Wír veé Israyi sí tuʼtìn moo kibìŋ, lón sə́mo fo wír veé Ejivi, léʼ, du a dzə̀ fo wír veé Assiriyàa.


Ké aŋgàa ntum veé Samaria, mò‑oò lo yèn joonè wo áwune‑eè yii. Áwune‑eè tiísi ntum a dzə̀ ye *Baal, e nèn jìʼìr wír vém veé Isray, á jáy dzə́ə.


Vinyo ve wíri buʼtì vi shèm ne fo áwune kfə́n é bàm e Nyùy wóv wùn. Shií wo áwune kér fo anyùyi yiì ne, a bó yòʼ dzə̀ á kfə̀n a kiíy Nyùy Tàr.


Swiv nou:

Piblisite


Piblisite