Hosea 4:10 - ŊWÀʼ NYÙY

¹⁰ Áwune wíy a yi kifá, e kù a tooŋé tooŋén, a ghvəm anyùy ji á fó kidzəə́y, a bó á yòʼ yíi a ker wón, bìʼ fo á màʼàyìn ne mo woo Nyùy Tàr, a cù anyùy ámóʼó.»

Hosea 4:10 Referans Kwoze

Mayka 6:14

Vèn yíi a yikír, e làa yòʼ a yu. Jìŋ kù yíi a kom vitó vén komén. Vèn wíy a kav vifá, a dù, a lèm, a bó ví yòʼ wíy a tiytíy. Kifá kidzə̀m ke vèn kavin, e lèm e kitàv, é m tsə́nsí rə́r e vèn aŋgaà vén vibàné nsàn, aá laar.

Cù 26:26

M yíi shèr dzə́ə yen viyikìr. Kibán ke vikìy kì yíi a fèr lav e ghvə̀m, kí yíi kfən ji kee lav e mòʼón cáʼ, aá wáa ŋèvtì ŋèvtìn, a yi, e kù a shwaa shwaán.

Hagay 1:6

Vèn‑eè wày vifá e nsay nyanyày, e kàv shishàr. Vèn yí shishàr she á kérí, kù toóŋe toòŋén, nó meluʼ, a kilòŋ kí kù yúm ven yúmén. Vèn suumè ndzə̀y é wùn, a kintòn ki kù yúy ven yúyín. Ŋgaà lìm lim lim, li mbàm, wù kù wày a dzə̀ é kinshùʼ ke kibàm.

Tsəfaniya 1:6

M wíy laàr wír ve á bìnèn ne ndzə̀m e mò, a bó á yòʼ dzəə́ taʼ mo, a bó á yòʼ dzəə́ bee mo woo Nyùy Tàr é kinyò.»

Hosea 4:14

Fə̀m mo wón véné ghán visàkì, a vikǐy won véné ghán viŋkar, feyì feyì, bó m yòʼ yíi màʼ ŋgeʼ aáwuné kitu, bìʼ fo ven vee alúme du, shiiy vèn aàsàkì veé virə̀ʼ vé cùu, vèn áwune shiiyì, cu anyùy kisaŋe. Kitúm kee là vifií kí kù wíy lày ŋkuuŋkùŋ.

Esiker 18:24

«Yii bèy, a wìr wo wù yii réŋ lò, e kfə̀n bìn ndzə̀m e wun yiì yee réŋé, a yiì a dzə̀ liì kisaŋ, kfə́ə wo ambùʼtìvìnyòo yii kérí, wù wàa dzə sho e tin a? Bó yòʼ dzə̀ á kfə̀n a kuumé kinyo fo vinyò vee réŋ ve wù‑uù yii. Mo liì və kù siìn wo bi, wù lì ne njò, a wù kér fóo kpu bìʼ vinyo ve bi ví ve wù buʼtì.

Ŋgàn 13:25

Wìr lóo yu Nyùy, wù wàa yikír, a kur. Wìr méŋ Nyùy, wù kpù jíŋ.

Nsùyrì Nyùy 125:5

Yii bèy, ké wìr ve á bin kév é dzəə sé kisaŋ si, Nyùy Tàr ku jùm áwune júmen fo wun si wùn à wír ve bií. Nyaáŋ wáa dzə e Isray.

Nsùyrì Nyùy 36:3

Wù mvəʼ shuu, kù fəə̀ kinyo ke bi kí, lóo suŋnín, kù a fəə kimboʼtì, a bó wù yòʼ dzəə́ yii yii ye juŋe moo fií.

2 Wòŋ 24:17

Jehoyiada‑aà kpù, á dìy kpú rə́, yí mày, vilìmbìy veé Juda vi wìy, e bùn fon, wù yuúrí kinyo kév.

Jeremia 34:15

Vèn ló kén lèn, e bìnkìr, a yiì a dzə̀ kinyo ke m wáa yen, é kí wáa gheén mo. Vèn‑eè màʼtì afə́r vén, á bóy fó vikwàn, a vèn yií ne kilìʼ e mǒ si, e lav ye dzəə̀n yéem ji á ku yiì a bèy.

Esiker 22:9

Vilum ámóʼó dzə̀ e věn mvəm ve á kár menàŋ áàfə́rí bàm ji á fiʼ yùy. Ámóʼó wáy wún, a yi nyám ye á cuùn anyùy kisaŋe shó e virə̀ʼ vé agwan, aámóʼó kù buʼtì vinyo e věn mvəm mo jav yev wùn taʼà.

Hosea 7:4

Áwune soóne moo vé kinjàŋe. Á sì moo kíy wo á ton birer sho, a wú sí lum ji rǐŋ, ŋgaà kiy yár fó a koʼór və́y, e kù a shìy a dzə̀ meŋkfəŋ ji mè maysi, e kòʼ, é bo á ton.

Jeremia 9:12

M nèn dzə̀r e Nyùy Tàr jii, «Nsay yèe, e bóo bir, e kfən e ghá moo wóʼ, a bó wìr yòʼ kfə̀n shaa fo? Dzə̀ la wo wù kér vifií vée kiíy kinyo kìn? Nyùy Tàr, à naàrì kinyo kìn a dzə̀ e la wo dzə̀ wù sùúy e wíri?»