Hosea 4:1 - ŊWÀʼ NYÙY

¹ Éè wìr veé Isray, vèn yuúrí kinyo ke Nyùy Tàr yoŋ e vèn kí. Kí dzə̀ jii, Nyùy Tàr kér nsaʼ wùn à wír veé wòŋàne, suuy jii, «Suuyrú wùn à kikoŋnìn ki mày ne fo nsay fèn, a bó wìr yòʼ kfə̀n gwarìr kinyo kee kùm Nyùy.

Hosea 4:1 Referans Kwoze

Jeremia 4:22

Wír vémé dzə̀ viyúŋ, aá yòʼ kì mo. Áwune dzə̀ vinjìŋ ve won, aá yòʼ kì vinyo. Áwune dzə̀ anjàn yiì ye bií, aá dzə̀ anjìʼ yiì ye juŋe.

Mayka 6:2

Virùmèn, vèn yuúrí mo Nyùy Tàr sáʼ nsaʼ rə. Vinsə̀ŋ ve nsay, ven ve vèn‑eè siìn fó yàŋgùʼ, vèn yuúrí. Nyùy Tàr kér nsaʼ wùn à wír vəə́. Wù yíi tiír wír veé Isray e kibàʼ ke nsaʼ.

1 Korin 15:34

Vèn maʼti kiyúŋsì ki, e lèʼ fó bǎm vinyò ve bi ví. M yén ji wír vén ámóʼó yòʼ kì á Nyùy gheéy. A m suuy bèn, é vèn fíʼ a woomé.

Ŋwàʼ woó Rom 1:28

Mo wíri tenen fó way vifií é vinyò ve ví din rú mo Nyùy dzəə̀n, wù nen màʼtì, vifií vév ví wáa tiy a dzə̀ é liì kisaŋ, á wáa yiì vinyo ve bó ví yoʼ ghèén ji dzə̀ wír, wù wàa yiì.

Hosea 12:2

Ké lèn ki, Nyùy Tàr sí kér nsaʼ wùn à wír veé Judàa. Wù sí lo, e màʼ ŋgeʼ e wír ve dzəə̀n rám Jakoví kitu, e làʼ áwune mo yii yéví dzəə̀n.

Jeremia 25:31

Kiyor ki yíi a koʼ buú se ndzə sidzə̀m, bìʼ fo Nyùy Tàr kér nsaʼ wùn à vitúm vi vidzə̀m. Wù yíi tiír wir dzə̀m e kibàʼ ke nsaʼ, e tsənsí wír ve á méŋ wun, é rə́r sí yúy. Suuy a wun woo Nyùy Tàr.› »

Jeremia 5:4

M leéy bey, e yèn ji vine dzə̀ á ambúʼ, aá yòʼ kér vifií. Áwune yòʼ kì vinyo ve Nyùy Tàr taʼ ji á wáa yiì, aá yòʼ kì nsər se Nyùy wov.

Aysaya 34:1

Ven vee vitúm, vèn kóʼtí e mǒ mentsə̀m, e yuùrí. Wíri, vèn fó vituʼùr ví. Woŋ e dzə̀m wùn à kifá kidzə̀m ke kí dzəə̀n shó ki yuúrí. Kitú ke nsay wùn à kifá kidzə̀m ke kí fəə́ fo fo ki səəm jí sìn.

Aysaya 1:18

«Mo woo Nyùy Tàr nén a suúy e vèn jii, vèn wiy, é vèsən tar, e yèn mo dzə̀ kí wàa dzə. Fə̀m mo ajay véné gháʼ fóo sù moo vishim veé ndzə̀y, bo dzə̀ á sù, é vèn rán, a fər ji páv moo mentíy me mè gbu fo yuv. Fə̀m mo ajay véné baŋ, səə́ne moo nshòm ye á wáy e ndzə̀y, bo dzə̀ á sù, vèn ràn, a fər moo wuy ye á komen fo njiì wùn.

Ŋgaà Yen 2:29

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi.»

Ŋgaà Yen 2:11

«Vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi. Wìr wo wù wíy so vinyo veé ndzə ye bi fen dzə̀ wo bó wù yòʼ dzəə́ wìy nəə́ e kpu yee akàŋ abaà.»

Joon 8:55

Yii bèy, a bó vèn yòʼ kì wun gheéy. Kù kì mo. A m lò, a shaʼnín ji bó m yòʼ kì, bo m dzə̀ ŋgaà kimboʼtì sa moo ven. M kì wun feyì, a m yú kinyo kfə́, lemè.

Amos 7:16

«Ké lèn ki, Amatsiya, yuúrí kinyo ke Nyùy Tàr suuy ki. À lò ne ké, a shèm fo m wáa fìʼtì kinyo ke kí wíy koóy wír veé Isray, e kfə̀n a shaʼnín fo m wáa nyàysì liì kisaŋ wo rám Aysìi kérí.

Hosea 5:1

Nyùy Tàr kú a suŋnín, a suúy jii: «Ven vee atàá cù, vèn yuúrí. Éè vilìmbìy veé Isray, vèn yuúrí. Ven vee wón ntoʼ, vèn yuúrí kinyo kìn ki. Vèn kì yíi a tinén vinyo e nsànloŋ, mo vèn yàrìn, bo nsaʼ sí lo, e bìnkìr e věn kitu. Vèn cu anyùy e Mispa, cu e Gwan Tabor, a sì kitám ke wíri li sho, lálán, wo á ndzə́v sho.

Jeremia 34:4

« ‹Mo kí fə̀m dzəə̀n bey, éè Fòn Tsədekiya woó Juda, yuúrí kinyo ke Nyùy Tàr yòŋèn kí. Nyùy Tàr suuy kùm wò jii: Bó à yòʼ wíy kpu a yé rər.

Jeremia 19:3

M yií du, m yòŋ á jii, éè afon veé Juda wùn à wír veé Jerusaleme, á yuúrí á kinyo ke Nyùy Tàr woo Taà Mànjòŋ, wun woo Nyùy wìr veé Isray suuy ki. Wù suuy jii, «Vèn yuúrí e yù, m yíi màʼ ŋgeʼ ye tavín é kirə̀ʼ fen, wìr wíy yú, é wúné kuúsí wun.

Jeremia 9:20

M nèn yòŋ jii, «Éè vikìy, vèn yuúrí, e yù jí Nyùy Tàr. Vèn mvəʼti vituʼùr vén ví, e yuùrí kinyo ke wù suuyì. Vèn yéʼéy wón vén vee vikìy mo á diy kpú, é wìr yéʼéy ŋgaà və shùu lav lúŋ kpu.

Jeremia 7:28

Á bèy, áà nèn yòŋ aáwune jii, ‹Vèn dzə̀ kitúm ke kí yòʼ yúnin Nyùy Tàr woo Nyùy won, a kí yòʼ sə́ ntir. Suuyrú lày ne fo věn mvəm, a kinyo ke ru kí yòʼ dzəə́ fəə́ fo věn shuù.

Jeremia 6:13

«Wìr dzə̀m kù dzə̀ wir bvə̀mkúʼ, diy a dzə̀ seʼ ŋgwaákínyé. Feyì feyì, e kèʼ fo wo terí, e dù e wo kuʼùn, à wìr wo dzəə̀n ji ŋgaà ntum wom, à taà cù, wìr dzə̀m kù sí shwiv a dzə̀ kinshwìv.

Jeremia 4:28

Nsay kù yíi a dìy, é yúví wáa sən sənén. M sùúy ne bèn, a bó yòʼ dzə̀ kí kfə̀n kùvsín. M wày wáyín féyì, a bó yòʼ dzə̀ m kfə̀n lèéy bám.»

Jeremia 2:4

Rám Jakov, vèn yuúrí jí se Nyùy Tàr sí, ven adzə̀m vee rám seé Isray.

Aysaya 66:5

Vèn yuúrí kinyo ke Nyùy Tàr suuy ki, ven ve á kér shií ji á yuúrí jí Nyùy Tàr, fan fó lì fo tèr. Wù suuy e vèn jii, «Afə́r vén veé Isray ámóʼó ban ven, méŋ ven, bìʼ fo vèn yoy, tiir a dzə̀ e mǒ wùn. Áwune té lám jii, ‹Nyùy din ri vikuʼùy və́, e bòyìr ven, é vèr yén mo vèn shéʼri.› Áwune té lám bey, a dzə̀ áwune ve m yíi yiì, aá wáa woomé.

Aysaya 34:8

Kí dzə̀ jii, Nyùy Tàr lèm ne kishiíy ke wù wíy siìr ŋkfə́tír. Kishiíy ke wù wíy kwàŋ kinyo ke wìr veé Sion, bìʼ kinyo ke wír veé Edome yiìn aáwune.

Aysaya 28:14

Á bèy, ven vee vilìmbìy veé Juda ve vèn dzəə̀n é Jerusalem fèn, ven ve vèn shéʼ mo shéʼén, vèn yuúrí ntum Nyùy Tàr, a yì dzə̀ jii:

Aysaya 5:3

Nyùy Tàr woo ŋgaà sùm suúy jii, «Ké lèn ki, éè wìr ve á dzə́ e Jerusalem, éè wìr veé Juda, kii vèn, vèn tar ó ji lòné sà lò fo mò moo fo mǒ súm vitiír á?

Aysaya 1:10

Ven vee atǎr saʼ ve á noon fo atǎr saʼ veé Sodomé loŋ, vèn yuúrí kinyo ke Nyùy Tàr suuy ki. Ven vee anjiì vinyò ve bi ví moo wír veé Gomorra, vèn fó vituʼùr ví, e yuùrí ntir se Nyùy wòsən sí kijuŋ.

1 Afòn 22:19

Mikayia nèn kfə̀n a suúy jii, «Fòn ku yuùrí a kinyo ke Nyùy Tàr. M kì yèn á Nyùy Tàr, a wù dzə́ e wun kàvàʼ, a nsheèlav sə́ sí tíy e wun ghaŋ, à fó koy ŋkoòvìi, à fo wó yìyí,

Aysaya 59:4

Wìr fo vèn wo wù taʼ kinyo kee tínén é nsànloŋ yòʼ kfə̀n dzə̀. Wìr yòʼ kfə̀n sáʼ nsaʼ, suuy suuyrú, kù ghaa a dzə̀ vinyo ve kisaŋ vi, e bó a suúy, bóʼti a dzə̀ kimboʼtì e ŋàŋ. Wìr dzə̀m kù sí kér a dzə̀ bvə́m ŋgeʼe, a yí kù sí bvə́ysin a dzə̀ é kinyò ke bi kí,

Aysaya 59:8

Áwune yòʼ dzə̀ wír kimane gheéy, aá yòʼ tíy e kinyò kee ji á tínén réŋ. Áwune kù kér a dzə̀ liì kisaŋ, a bó wìr yòʼ shèm ŋgoo yev, ŋgaàŋ wìy a lèm nyaáŋ.

Jeremia 9:3

Nyùy Tàr suuy jii: «Kimboʼtì ki fəə́ fo áwuné kiliimé, fəə́ feyì mo mvəne fəə̀ fó kinte. Áwune tàv a dzə̀ é kimboʼtì, suuyrú nen mày fo wòŋ. Á yii jay e kintuŋ kintuŋ, aá yòʼ kfə̀n kiiy mo.

Jeremia 51:5

Mo woo Nyùy Tàr woo Taà Mànjòŋ, mo wo m dzəə̀n Nyùy Isray wùn Juda, m yoʼ màʼày áwune, fə̀m mo áwune bùʼtìn ne vinyo woŋ wóv e dzə̀m, e jày e mò, mo wo m dzəə̀n Ŋgaà wo Ranén woó Isray.»

Joel 1:2

Éè ŋgày sé wìr, vèn yuúrí. Wìr dzə̀m wo wù dzə́ e nsay Juda ku mvə̀ʼtì vituʼùr, e yuùrí. Feyì feyì, naaŋkàntì kinyò kee ben ki‑iì ghàn ne kòóy e věn ghan á? Fə̀m áàtàr véné ghan, kí‑iì ghàn ne kòóy a?

Nsùyrì Nyùy 81:9

lá vèn yòʼ a lèm anyùy kisaŋe e věn mvəm, lá vèn yòʼ a ghvəm anyùy vee shooy.

Jeremia 2:9

«Bo m kfə̀n‑éè din ajay vén. Suuy mo woo Nyùy Tàr. M yíi dìn sa, à vé ram yéné shó.

Jeremia 9:7

Á bèy, wun woo Nyùy Tàr woo Taà Mànjòŋ nén a suúy jii: «Vèn yú, m yíi mùmrì áwune lèn e və́yí, e yen mo á dzəə̀n. Wír vémé kù sí yii a dzə̀ liì kisaŋ, bo a siì dzə̀ m kfə̀n yèe le lèn?

Jeremia 11:7

Ku fìʼtì ji m yoŋ a jii, ‹E kèʼ mo mò‑oò fəərin atàr vén fó nsay Ejiv, a kàntì áwune akàŋ akàŋ, m kù dzəə́ kantì ven, e wìy shem lán ji vèn wáa yunín a mo.

Esiker 16:35

Àbaày Jerusalem, vifǔmbèʼ, yuúrí kinyo ke Nyùy Tàr yoŋ ki.

Hosea 5:4

Vinyo ve wíri buʼtì vi shèm ne fo áwune kfə́n é bàm e Nyùy wóv wùn. Shií wo áwune kér fo anyùyi yiì ne, a bó yòʼ dzə̀ á kfə̀n a kiíy Nyùy Tàr.

Hosea 12:3

Bo á wìy a dzəə́ Jakov, a wù sí sə́ kóy wùn fər və Esav. Wù wìy kùy, e fùnèn wùn Nyùy,

Amos 3:1

Wír veé Isray, vèn yuúrí kinyo ke Nyùy Tàr roomè ven shó ki. Wù roomè ven wír adzə̀m ve wù‑uù fəərin fó wòŋ woo Ejiv, suuy jii: