Hosea 3:5 - ŊWÀʼ NYÙY

⁵ Yii bèy, a ghán sí wíy gheén, é wír veé Israyi binkir, a leéy a dzə̀ Nyùy Tàr woo Nyùy wov, e kfə̀n a leéy wír wo wù wíy fəə fo Davir ram, a dzə fon wov. Wíy lòo dzə e ghan sé bàm sí, aáwune wáa koʼtí e Nyùy Tǎr si, a fàn, a yàʼ, a kìʼ kisəəvì a dzə̀ ke fó wun woo Nyùy.

Hosea 3:5 Referans Kwoze

Jeremia 30:9

Á bèy, aáwune wíy a lìm a dzə̀ fo mò woo Nyùy Tàr woo Nyùy wov, a yunín njìlaʼ Davir woo fon wov, wo m wíy koʼór, e fo aáwune.

Aysaya 2:2

Wíy lòo dzə e ghan se sí wiyì, é gwan wo lav cù Nyùy Tàr tíy sho, wáa dzə gwan wo wù shaàn agwan adzə̀m. Wù wíy a tiy e yuv, a shaà virùmèn vidzə̀m, a vitúm vidzə̀m vi wíy a mèʼèm, a wìy fo.

Ŋwàʼ woó Rom 2:4

A dzə̀ é ghanmóʼ, à wàa kwàʼtì ké jii, mo Nyùy kfəmen, a leéy wíri ji nyaáŋ, a rər mendzən mev, bo bó wù yòʼ wíy màʼ a ŋgeʼ e wò. Aà kwaʼtì bèy, à kù yòʼ a kuumé jii, Nyùy yii lèn bèy a dzə̀ cáʼ ji à fiʼ yèn jay wò, e bìnèr shilív shé.

Mayka 4:1

Wíy lòo dzə e ghan sé bàm sí, é gwan wo lav cù Nyùy Tàr tíy sho wáa dzə gwan wo wù shaàn agwan adzə̀m. Wù wíy a tiy e yuv, a shaà virùmèn vidzə̀m, a màŋgòŋ wíy a mèʼèm, a wìy fo.

Esiker 38:8

Vishiíy ví wíy lòo shaà, aá wám wò ji à du á rə́r. Kí dzə̀ jii, wíy lòo dzə e ghan sé bàm sí, áà du, e taàmé kitúm ke wó rərí kù dzəə́ fəə́ fəə́n fo áwuné wùn. Kitúm, a wír vəə́ kfə́nkír fó vitum vinín, e wìy, a dzə aàŋkoŋ veé Isray, ve yì‑iì siìn vifə̀m e bǎm viya vímóʼ ví vinín. Vé‑eè sìy áwune fo vitúm vímóʼ ví mvəm, e wìy sho aáwuné nsay, á wáa neŋ fo lèn adzə̀m ji dèʼ, là kindzə́m.

Esiker 16:63

M yuŋrì bèy, é m mán vinyo ve à bùʼtìn vidzə̀m, é shúu má wò, áà wáa woomé. Suuy mo woo Nyùy Tàr woo Taà Ndzə.»

Jeremia 23:5

«Vèn leéy, e yèn, ghán sí wiyì, se m wíy yiì, é tám woo réŋé fəə́ e Davir ram, é m kóʼór ji fon. Wù wíy a saʼ vifon və́ é dzəə yee réŋ, a tinén vinyo tìítiy, a yiì a dzə̀ vinyo ve ru ví é wòŋ. Suuy mo woo Nyùy Tàr.

Ŋwàʼ woó Rom 11:25

Afə̀r vem, m nén a tàʼ ji vèn kiíy á kilìtì ke kinyò ke kí dzəə̀n é bǎm kinyò fèn. Vèn kiiyì, é la á yòʼ a sùmrì wún ji vèn kòóy kilíŋ bèn, a sì á vifií. A kí dzə̀ jii, kùʼùn wìr veé Israyi tàv kitú, tèn kinyo ke Kristu lèn, a bó á yòʼ waà wíy ten ŋkuuŋkùŋ. Ghán sí wíy gheén, a wír ve Nyùy‑iì shoʼon fo vèn ve bó yòʼ dzəə̀n veé Israyi biímé ne adzə̀m, aáwune vee wír veé Israyi nèn gbù sa sho.

Amos 9:11

Wíy lòo dzə e kishiíy fó, é m shám wír vém, e nàŋsín lav Davir ye yì‑iì gbuùn ne. M wíy siìr kinsàʼ ke lav kee shooy fo, siirì, é yì wáa dzə mo yì‑iì dzəə̀n fó mbìy,

Hosea 5:15

M wíy bìn ndzə̀m e wír vémé, kfə́n e mǒ kirə̀ʼ, aáwune yén ŋeʼndzə. Ŋgeʼ gháʼá, á yén jay wov, aá nèn kfə̀n e mǒ wùn.»

Hosea 5:6

Áwune yíi lì anjiì wùn aànàʼa, lóo dù ji á yii cú Nyùy Tàr shó, é la á yòʼ yèn wun. Á wíy a dù, a wù báʼár ne áwune, aá goʼ, kù áwune áwune.

Daniel 10:14

M wìy ne lèn ji m yii, áà kiíy kinyo ke kí wíy a koóy wír vé e ghan se sí wiyì, bìʼ fo kinjeenjèm kìn ki din a dzə̀ ghán se sí dzəə́ wìy a wìy.»

Daniel 2:28

Yii bèy, a Nyùy dzə̀ á e yuv, wo wù yii sar vinyo veé kilìtì. Wù dìn a ne e fòn kinyo ke kí dzəə́ bvəə́shi a koóy. Mo‑óò fiʼti á e fòn njèm ye fòn‑ee neèmèn é mbvə̀ʼ, yì shí wun, vinyo ve fòn‑ee yenen é njà vinjeenjèm.

Esiker 38:16

À wíy wìy, e ghiʼ wír vém veé Isray e rə́r sí mo mbàʼ sùm woŋ. Gog, wíy lóo dzə e kishiíy kin e ghan sé bàm sí, é m ku yiì, áà nəə́ wír vém e rə́r sí. M wíy yiì bèy ji m fiʼ dìn e vitúm vi ji m dzə̀ e ránén ji Nyùy, aá wíy a yen e sí yéví a dzə̀ fó vinyò ve m wíy yiì e wò.

Jeremia 33:17

Bó rám Daviri yòʼ wíy a buŋ wír wo wù wáa saʼ vifon veé Isray. Suuy mo woo Nyùy Tàr.

1 Afòn 12:16

Wír veé Isray adzə̀me yén ji fòn yoʼ biìmé a kinyo kév, e nèn sùúy e fòn jii: «Vèr kér ka e Davir mvə̀m kfəə? Vèr yòʼ kér kilíŋ e wàn Jessi mvəm. Éè wìr veé Isray, wír a e wun kibàn. Kfə́ə Daviri wáa leey rì fo rə́ə yee lav.» Á bèy, wír veé Isray veé mbìv yee kuyi nèn kfə̀nkír aáwuné melaʼ.

Remrí 4:30

Vinyo vee shoon vi wíy lóo koóy ven, ŋgeʼ ye tavín nəə ven, é vèn nèn bìnkìr, e kfə̀n e Nyùy Tàr woo Nyùy wón wùn, a yunín wun.

Kintaŋ 24:14

Balaam lò, e sùúy e Balak jii, «Bo mo‑óò du, e yèn wír vém. Yii bèy, wìy ó, m lo, e yiì, áà kiíy kinyo ke wír vìne lo, e yiì e vèn é vishiíy ve ví wiyì.»

Jeremia 33:9

Ŋkàlaʼ rə̀n wíy a fo mo vijuŋ wùn à kishéʼrì ki, à ghvə́me, é wáa dzə kiŋkoʼòrwùn kém e vitúm ví si. Vitúm vidzə̀m veé kitu ke nsay vi wíy lòo yu vinyo ve juŋ ve m yii e wír vémé, à mo m səəvì ŋkàlaʼ rə̀n, aá wáa fàn, a yàʼ.»

Jeremia 30:24

Dòʼshwiiy Nyùy Tàr wo ghaʼán və̀n yòʼ wíy mày, a bó wù máysí lim rə́ ye yí dzəə̀n e wun kwàʼtì. Wíy lòo dzə e vishiíy ve ví wiyì, é vèn nèn kìíy vinyo vìn.

Aysaya 2:3

Vitúm vi wíy a wìy fo vinín, a suúy jii, «Vèn wáa wìy, é vèsən wáa koʼ e Nyùy Tǎr gwan, gwan, a dzə̀ lav Nyùy wo Jakov ghvə́mé. Nyùy yíi a yeʼéy vèsən kinyo ke wù taʼ ji vèsən wáa yiì, a vèsən kù yíi a ghan a dzə̀ e wun mbòv.» Kí dzə̀ jii, ntir se Nyùy Tàr sí kù wíy a lò a dzə̀ fó Sion, a wù kù wíy a suŋnín e wíri, a dzə̀ fó Jerusalem foo fèy.

Aysaya 9:13

Bó wír vìne yoʼ màʼtì yii yév ye bií, e fíʼ a jùmrì ŋgaà wo wù maʼ ŋgeʼ aáwuné kitu. Áwune yòʼ fə̀m mum ji bo á kì yúnin Nyùy Tàr, wun woo Taà Mànjòŋ.

Aysaya 17:7

Wíy lòo dzə e kishiíy fóo fèy, é wíri binkir, e kìʼ Ŋgaà Mbom wov ji wù ku sə̀ aáwune. Áwune wíy a yeʼtí a dzə̀ e wun wùn, wun woo Ŋgaà wo Ranén woó Isray.

Hosea 1:11

Wíy lòo dzə e ghan see shooy, é wír veé Juda wùn à veé Israyi tár shuu, a dzə kifá kimòʼón, tár bèy, aá nèn shòʼ kilìmbìy kév kimòʼón. Áwune kfə̀n wíy taʼám moo vifá veé sum ve ví fəən, a tèʼ. Rúrú, kishiíy ké Jesreel kìn ki wíy a dzə kishiíy ke tavín kí.»

Hosea 11:10

«Kishiíy kí wíy gheén, é mo woo Nyùy Tàr tóŋ moo bvərə̀ʼ. Tóŋé, é wír vémé wáa jùmrì mo. Wón vémé wíy a lò fo mbìv kintoŋrìshùy, a wìy, a yàʼ.

Aysaya 60:5

Á wíy kfən e bàm fo věn wùn, é vishí vén ví bvərkir. Kí wíy nyànyày ven, é kishéʼrì ki rún e věn meliv. Á wíy bèʼèy bùʼ woó vitum, e wìy, e yen ven shó, á wíy bèʼèy, e tumsín rìbà ndzə̀v shó, e fo e vèn.

Hosea 6:1

Wír veé Israyi nèn lò, e sùúy jii: «Vèsən kfə́n é bàm e Nyùy Tǎr wùn. Wù sàʼtì ne vèsən, yii bèy, a wù yíi fèr. Wù lèmér ne vèsən, yii bèy, a wù yíi kur vileémé vesən.