Hosea 3:4 - ŊWÀʼ NYÙY

⁴ Kù dzə̀ sá réŋréŋ mo wír veé Israyi wíy dzə̀ʼə̀m ntàmda, là fon, kìn taà ntoʼ. Áwune yòʼ wíy a yiì cu, a bó á yòʼ wíy a ker sə́y se á yii cu fo, kìn atàá cù, kìn mebvə̀m mé a ghvəm.

Hosea 3:4 Referans Kwoze

Atǎr Nsaʼ 17:5

Mayka wáa dzə, a wù kér kfə́ kee kirə́ʼ ké nyùy. Wù‑uù fèr mebvə̀m, e kfə̀n tàr shiŋkèéy shé kikum, e lèm wán və wùmòʼ ji ŋgaà cù və.

2 Wòŋ 15:2

Wù fəə́, e dù, e yèn Fòn Asa, e sùúy sho jii, «Wò woo Fòn Asa, e lì wír veé Juda, à veé Benjamine, vèn yuúrí kinyo ke m yoŋ ki. Nyùy kù yíi a dzə vèn áwune, a vèn fèn yéʼti e wun wùn. A vèn lò, a tàʼ wun, wù dìn kitú kfə́ e vèn. Vèn bin ndzə̀m e wun, wù bìn sá e vèn.

Kèʼlo 31:19

Bo wù wáa lò bèy, a Laban ki dù ne e kwaʼ bvəy, e dù, a sheèsì wuy se njiì, Racel nèn sìíy, e kùúy *mebvə̀m me tàr wov fó lav, a dzə̀ anyùy veé laʼ.

Hibru 10:26

Vèsən dzə̀ wír, aá kìíy ne kinyo ke dzəə̀n ke ru kí. A wìr lò, e kfə̀n màʼày kinyo kee shooy, e kù a yiì a dzə̀ vinyo ve bi ví e ŋgeʼ, wù wàa kiíy ji bó ntàŋrí wùmòʼ yòʼ dzə̀ shó wo dzə̀ á dzəə yiì, bo ŋgaàŋ rán fó vinyò foo fèy.

Daniel 12:11

«Á bèy, e kèʼ fo ghan se á wíy màyìr cu yee yiì kishiíy kidzə̀m, aá tiír ne kifá ke kí kóʼoy, bívir virə́ʼ, é vishiíy vímóʼ ví kfə́n a dzə kishóv e mbvə̀ʼə̀ e ghiì baà é nsə̀kì (1,290).

Daniel 9:27

Taà saʼ və̀y wíy gwàr *mensaŋ wùn à vitúm vi vinín, e gwàr, é mè táv é bǎm kiya saàmbà ji wun fiʼ tàvír ntaʼ və. Yii bèy, viyá vìn vi lóo meé e ntìntìn, é wù sháʼnín fo á kfən cù Nyùy, kìn dzə̀ e nyàm, kìn e fómo wùmòʼ. Wù wíy lèm kifá ke kí kóʼoy, bívir virə́ʼ é mbìv lav cù yìmòʼ, é kí kú a dzə fo, e dù, e meé e ghan se Nyùy wíy laàr wun woo taà saʼ.»

1 Samuel 23:9

Davir yú ji Saul bàʼtí a ne ji wun nəə́ wun e rə́r sí, wù suúy e Abiyatar woo taà cù ji wù wiy á e shiŋkèéy shé kikum shí.

Atǎr Nsaʼ 8:27

Gidiyon nèn lì ayèreŋ vìy, e fèr kifá sho e njà shiŋkèéy shé kikum, e lèm e wun ŋkàlaʼ yee Ofra. Wír veé Isray adzə̀me nèn màʼày Nyùy, e wìy, a ghvəm a dzə̀ kifá kìn, kí nen kfə̀n ji kitám ke Gidiyon wùn à kfə́ə rəə́‑əə̀ liìn shó.

Ŋwàʼ Fəə 28:4

Ndzə̀y se áwune wíy fèr si dzə̀ jii, kifin keé nsaŋ wùn à shiŋkèéy shé kikum shí, à kikúm ke səənén kí, kikúm ke da ke fəvír kí, à tán ye ndzəméné, à kikuúví kí. Á mo áwune kù wíy fèr ndzə̀y sé Aaron woo fər wò, e fèr sé won və́, é sí kú a dzə ji see jeéy, aá fiʼ wìy a lìm ji atàá cù vém.

Joon 19:15

Áwune nèn kfə̀n a waamé jii, «Á yúyrí wír woo shooy yúyrín. Á ku yùyrí yuyrín. Á tá taán é kintam.» Payler dzə́r aáwune jii, «Bo dzə̀ ji m tá fon won é kintam à?» Vitú ve atàá cù vi bìnèr jii, «Vèr kù kér fon e mòʼón, a dzə̀ Fon woó Rom.»

Ŋwàʼ Luk 21:24

Á wíy gwàtì ámóʼó gwátin, e tayrí ámóʼó ji akwàn, a jàvtì vitúm vidzə̀m. Á mo vitúm ve bó ví yòʼ kiìn Nyùy vi wíy tòn Jerusalem, a koʼrí e kitu wo, e dù, e meé mo ghán sév sí wíy mày.

Sekariya 13:2

Nyùy Tàr woo Taà Mànjòŋ kfən sùúy jii, «Wíy lòo dzə e kishiíy fóo fèy, é m laar kinyo ke mebvə̀m fo nsay foo fèy, é la á yòʼ dzəə wìy a kuumé. M wíy laàr sa aŋgàa ntum kimboʼtì, e laàr kiyoy ke kí bánri áwune, aá yii joonè.

Hosea 13:11

Mò‑oò fò afon e vèn é mvə̀m dòʼshwiíy, kilòŋ kí shwiíy mo, m shóv áwune, e lì, e dù sho.

Hosea 2:11

M wíy màyìr ŋkàʼ sidzə̀m fo Isray, kìn dzə̀ woó kitu ke kiya, kìn dzə̀ wo á rə́si kishiíy ké mbìy ki fó ŋwee, kìn wo á bám a dzə̀ vishiíy vímóʼ ví é kiya, kìn dzə̀ sá wo á lem kishiíy ké bam keé kitu ke ŋgàm.

Daniel 11:31

Wù wíy fəə́r vé rər və́, aá nəə́ é kirə̀ʼ ke tavín kí ke dzəə̀n lav cù, e bivír fó. Wù wíy màyìr cu ye vé‑eè yii fo kishiíy kidzə̀m, é wù nèn tìír kifá e mbìv lav cù yìmòʼ, a dzə̀ ke kí kóʼoy, bívir virə́ʼ.

Esiker 21:21

Fòn woó Babilon yíi a tiy e mentàrnín é ghaa kisəə̀m, a tiy, a sə̀r ŋkoʼ mvə̀n e nsay ji wun shwéŋ, e kfə̀n a beè mebvə̀m mvə, e kfə̀n lì sa báy nyàm ntàŋrí, e tàr fo fo.

Esiker 20:32

«Vèn táŋ jii, vèn‑éè wáa dzə moo vitúm vímóʼ ví, a ghvəm vicí, a ghvəm vilán, a bó yòʼ dzə̀ kí wìy kòóy.

2 Afòn 23:24

Fòn Josia kfə̀n‑eè jùm vé ŋgàŋe wùn à wír ve á mbaa aŋkfəə fó wòŋ, e shàʼàr anyùy veé lav, à mebvə̀m mè, à vifá ve koʼoyín ví vidzə̀m ve wíri‑iì lim sho e wòŋ woo Juda wùn ǎ Jerusalem, e bó a cù anyùy. Wù‑uù yii bèy ji wun yuŋri á nsər se sí dzəə̀n é ŋwàʼ wo Hilkia woo taà cù‑uù boŋen fo Nyùy Tǎr lav.

2 Samuel 6:14

Davir wáa dzən vitaáví və́ vidzə̀m e mbìy ŋkùv mensàŋ Nyùy Tàr, a wù máʼ shiŋkèéy shé kikum.

1 Samuel 30:7

Davir lò, e sùúy e Abiyatar woo taà cù woo wan Ahimelek jii, «Dù, e lì shiŋkèéy shé kikum shí, e wìy yèn mo shó.» Wù nèn dù, e lì, e wìy sho.

1 Samuel 23:6

A kù‑uù dzə̀ é Keyla fèn fo Abiyatar woo wan Ahimelek‑iì wìyìn, e tàtí Davir, a wù kér shiŋkèéy shé kikum shé taà cù she wù‑uù lóo leʼ Saul, e lì, e wìy sho.

1 Samuel 22:18

Fòn nèn sùúy e Doeg jii, «Shaà, e yùyrí atàá cùu.» Wù nèn yùyrí áwune adzə̀m. Wù‑uù yùyrí atàá cù nshòv sitàn e mwaamé é kishiíy fóo fèy, aàdzə̀me‑eè sí maʼ shiŋkèéy shé kikum.

1 Samuel 21:9

Ahimelek bìnèr jii, «M kér nyùy Goliat woo wír woo Filistia, wo wò‑oò yuyrin é Kiwoóy ké Ela. Yì dzə̀ é bǎm shiŋkèéy shé kikum, aá ndzə́m e ndzə̀y sí. Aà kòŋ, à lì. Á nyùy rə̀r ye yì dzəə̀n fen cáʼ.» Davir bínsí jii, «Fó ri e mò. Bó nyùy yìmòʼ yòʼ kfə̀n dzə̀ rú moo rə̀n.»

1 Samuel 14:3

Taà cù wo wù maʼ shiŋkèéy shé kikum wáa dzə sa fo, a yír rəə́‑əə̀ dzə̀ Ahija, a dzə̀ wan Ahituv woo lúmer Ikabod woo wan Finehas. A Finehas dzə̀ wan Eli, a Eli dzə̀ taà cù wo wù‑uù dzə́ e Shilo. Jonatan yiì lò lò, la wìr yòʼ kìíy.

1 Samuel 2:18

A wan woo Samuel kù dzə́, lim fo Nyùy Tàr, a wù maʼ shiŋkèéy shé kikum ké cù, aá bá e làv wo fəvír.

Cù 8:7

Wù màysì, e lì kikúm ke da ke fəvír kí, e màʼ e Aaron wùn, e kùr kikuúví. Wù kúr, e lì kikúm ke səənén kí, e màʼ sa e wùn wó, e nèn màʼ shiŋkèéy shé kikum é kitu wo, e nàŋsín, e lì kinsiŋ keé shiŋkèéy ke á bonen, e tsə̀m, e kùr e Aaron mentìntìn ji kí ghár.

Kèʼlo 49:10

Kitoómé ké vifòn ki yòʼ wíy buú fo Juda. Kitoómé ké saʼ ki yòʼ wíy buú fo wun nsàn vibìy, e dù, e meé e ghan se ŋgaà kitoòmé wiyì, a dzə̀ wun wo vitúm vidzə̀m vi wíy a yunín.

Kèʼlo 31:34

A Racel‑iì lì mebvə̀m me anyùy vìy, e wày é kibàm ke kí yii kér e wǔn kidzə̀ʼmè ké nyàm, e nèn dzə̀ʼə̀m e kitu wo, e sə̀tí. Laban mùmrì virə́ʼ vidzə̀m e kibàn fóo fèy, e làa yòʼ yen anyùy və́.

Atǎr Nsaʼ 18:14

Vé ŋkiy vee atàn ve vé‑eè duùn, e lèéy woŋ Laishi nèn sùúy aàfə́r véví jii, «Vèn kì ji lav sìn si dzə̀, a yìmòʼ kér shiŋkèéy shé kikum, kér anyùy veé lav ámóʼó, kfə̀n kér shibvə̀m she á semen, e laàrì kisha e wun wó a? Bo a dzə̀ lèn, vèn lèéy ji á sà‑áà yée le á?»

1 Samuel 15:23

Kitú ke tavín kí bìr réŋréŋ moo fú wo shweŋéné, kiŋkoʼòrwùn kí bír sá réŋréŋ moo mebvə̀m me cuùn mè. À tèn ne fóo yu jí Nyùy Tàr, wù nen mèŋ wò fo fòn.»

Yòvdìy 2:9

Wù‑uù shètì kóŋ sé mfìn e vintsə̌m vintsə̀m, shuu se kày si keésí, a neŋ e mvə̀m kibvə̀r. Fòn wùn à vé saʼa sì é kwaʼ nsàm, a bó taà cù yòʼ kfə̀n dzə̀ wó a yeʼéy wíri nsər se Nyùy. Nyùy Tàr yòʼ dzəə́ ghém ndzə aàŋgàa ntum vəə́, á yòʼ dzəə́ yén vinyo e njà vinjeenjèm.

Hosea 13:10

Ké lèn ki, fòn won bèé, é wù sə́ ven? Atǎr saʼ vee věn ŋkà se laʼa bèé lèn? Áwune ve vèn‑eè lonen ji m ku fò ven afon wùn à vé saʼa.

Sekariya 10:2

Mebvə̀m mè dzə̀ kimboʼtì, a vé fùú táŋ sa a dzə̀ kimboʼtì. Vé səme tiísi njèm se kisaŋ si, yii, a wíri tiir vifií é vinyò vee là mvə́m. Wíri nén a jan janén moo njiì, aá yén ŋgeʼ bìʼ kibúŋ ke nshìy.

Ŋwàʼ Fəə 28:6

«Áwune wíy fèr shiŋkèéy shé kikum e ndzə̀y ye á baan e làv wo fəvír woo fèm, e nàŋsín, e tsə̀m e làv woo kisha ke mbàm ke baar kí wùn à wo wù səə́ne moo yúv, à wo wù səə́ne moo yòm, à wo wù baŋ ji rèm.

Esiker 19:14

Və́y wo wú‑uù loòn fó tam wo tavíné, wú lòo shwi, e tòn kibér ke tam si, e tòn báŋ si, la tám wo tavíné yòʼ bèr shó, tám wo dzə̀ wàa dzə kitoómé ké fòn. Yòv və̀n dzə̀ yòv mendzə̀n, a kù sí wìy a dzə yòv dìy bèy.› »

Esiker 21:31

M wíy màʼ dòʼshwíiy wom e wò kitu. M wíy fam wò e və́y dòʼshwíiy womé, e way wò e wír tàkìŋàʼá wo. Wír, aá táŋ ne mo á yii laar wír, e màysì.