Hosea 3:2 - ŊWÀʼ NYÙY

² M ku nèn dù, e tìn yeè lav wom, e fò mbàm *ashekel nshòv sitàn e ghvə̀m, a dzə̀ woo kisha ke mbàm ke fəvír kí, e kfə̀n fò tin se saŋ yee *barli nshòv sitàn e ghvə̀m.

Hosea 3:2 Referans Kwoze

Esiker 45:11

Mfìʼ kigátí wùn à ye mbìʼ kú a dzə e mòʼón, aá ku lì a dzə̀ fo homer. Vigátí ví kér fó nəə́ e homer e ghvə̀m, é tin si nəə́ sá bèy.

Cù 27:16

«A wìr cù Nyùy Tàr e kilíŋ kfə́ ké sum kímóʼ kí wo dzəə̀n vitsə́ʼ, bo á siysì káv sum, a dzə̀ mo a dzə̀ ŋgoòy kifa ke wayín kí nə̀ə́ shó. A súmé lì ŋgoòy sàŋ yee *barli tin e ghvə̀m, bo káv sumé dzə̀ kisha ke mbàm ke fəvír kí ashekel mtàn.

Kèʼlo 34:12

Vèn dzə́r juu ye dzə̀ vèn dzə̀rí, é m fó. Kidzə̀m ki dzə̀ ji vèn ku fò á wiíy və̀n e mò.»

Aysaya 5:10

Á wíy nəə́ e súm vitiír vé vayin, a wú néŋ bèn ji moòr, kám báŋ se vitiír vee fó, é ku fəə̀ joŋ e mòʼón cáʼ. Ké súm vifa ve yi, á li ŋgoòy saàr ŋkaà e ghvə̀m, wáy e nsay, wíy búʼú, é ku fəə̀ ŋkaà e mòʼón.»

1 Samuel 18:25

Saul bìnèr jii, «Vèn suúy e Davir ji fòn yòʼ taʼ a kifá kímóʼ kí fo wun ji juu, e shaà a ji wù fó á vinyè vé vilum ve wìr veé Filistia wií, é fòn ku nèn siìr a ŋkfə́tír áàŋgàa vibàn vəə́.» A Saul‑iì suuy bèy, kwaʼtì ji Davir yíi dù, é wír veé Filistiàa yúyrí á wun.

Ŋwàʼ Fəə 22:17

A tàr à wàn woo wiíy tèn ŋkuuŋkùŋ fo wù wáy é lav, bo wù kù‑úù laʼ mbàm réŋréŋ mo júu wánlè ŋgòne yii dzə́.

Kèʼlo 31:41

Dzə̀ mo kí kù‑uù dzəə̀n bey, fo kiya kee mbaà ke m dzə̀ʼə̀mèn wòsò. Mò‑oò lìm fo wò kiyá nshòv sikweè e ghvə̀m ji m keérí wón vé vee abaà ji vikìy vém, e kfə̀n lèéy fo nyám sé si viyá vímóʼ ví ntuùfú, leey bèy, aà kúvsin vilaʼày vém ghán sidzə̀m.

Ŋwàʼ Rut 4:10

A m kù sí lem sa Rut woo wan wìr Moav, wo dzəə̀n wiiy ŋkfə Maalon. M lem ji vèr wun fíʼ dzəə́ wán wo wù wíy yi vitsə́ʼ vee shooy, fo rám ŋkfəsàyi lay fó kfəə fèn wùn à fó ntèʼ. A vèn tíy vinjen e kishiíy ké lán ki.»

Hosea 3:3

Mò‑oò tìn bey, e kù nèn a shìvìr sho jii, «À kér fó yìi dzə̀ʼə̀m wòsò ntàmda, aà yòʼ kér fóo yiì a ghan viŋkar, kìn ji lumèn wùmòʼ ghár kóy wó. Mómò kitú kém, m kér fó yìi kur tím, e shìy wò.»