Hosea 3:1 - ŊWÀʼ NYÙY

¹ Nyùy Tàr kfən lò, e sùŋnín e mò, a suúy jii, «Kfən dù, e dìn koŋ yée e yeè lav wò. Abaày, wiíy, a taà lav və kóŋ ben, wù gháʼ e gháne, e dù, e yèn lumèn wo sən. Kú a kòŋ wun réŋréŋ mo m kù dzəə́ koŋ wír veé Isray, fə̀m mo áwune loòn ne, a ghvəm anyùy ámóʼó, a kòŋ fó a cù áwune.»

Hosea 3:1 Referans Kwoze

Jeremia 31:20

Nyùy Tàr suuy jii: «Bó rám Efrayime yòʼ dzə̀ ji wán wo m kòŋèn a? Kí m tìír vifií é wùn wó feyì? Fə̀m mo m lo, m wàa suŋnín e wùn wó, m kù dzəə́ kér shíi və. M lo, m kù a yar jíŋ rə, a m kù wíy sham mendzən mvə.

Aysaya 45:22

«Éè wìr dzə̀m woó kitu ke nsay, vèn wiy, e yèn mo, é m wìy lùŋèr ven. Kù jòʼsì mo ji Nyùy, a bó wùmòʼ yòʼ kfə̀n dzə̀.

Mayka 7:7

Yii bèy, fo kém kí, m kù yíi a beè a dzə̀ Nyùy, a shìy a dzə̀ wun wo wù luŋèr mo. Wun woo Nyùy wo m suyrì kù yíi yu tóŋ yém.

Hosea 11:8

«Éè Isray, a dzə̀ m shwèy ven fó wo e le? A dzə̀ m ghàn é le, e bóo màʼtì ven? A dzə̀ m ghàn é le, e bóo laàr ven, mo mò‑oò laàrìn Admaa? A dzə̀ m ghàn é le, e bó a lovtí e vèn, mo mò‑oò lovtin e Tsəboyiim? Bó yòʼ dzə̀ shilív shém shí biìmé. Koŋ ye m kòŋèn ven é ŋàŋé shàʼnín.

1 Pita 4:3

A dzə̀ vèn wàa yiì bèy lèn, a kuumé jii, vèn‑eè jìvír ne ghán fó mbìy sinín, a rəsí, a yiì vinyo a dzə̀ vé wìr ve bó á yòʼ kiìn Nyùy. Vèn‑eè yii liì kisaŋ, à vilum, à vikìy, a dzə̀ mo mensə́ men mè limè. Vèn‑eè nó meluʼ, baákirì, yí vitú vén, ghán, yor e lav se melùʼ, kfə̀n maysì cu anyùy kisaŋe, a Nyùy‑iì shàʼnín ne.

Sekariya 1:16

Á bèy, mo woo Nyùy Tàr nén a suúy jii, m kfə̀n kìʼ ne Jerusalem ji m shám áwune. Á kfə̀n yíi bom lav yem cù fo. Kù suuy mo woo Nyùy Tàr woo Taà Mànjòŋ. Á yíi màʼ kfəə̀ mfìʼ, e bom Jerusalem fo e dzə̀m.»

Jeremia 3:20

Abaày wìr veé Isray, moo wiíy wo wù ŋwayin lúm və, a ghan, kù dzə̀ mo vèn yiìn ne vèsən. Suuy mo woo Nyùy Tàr.»

Nsùyrì Nyùy 123:2

Mo wánlè lìm kù yii kiʼ kifá a dzə̀ fo tàr wov lìm, a woo wiíy kiʼ fo yè wov lìm, bo vèr kù kiʼ sa a dzə̀ wò Nyùy Tàr. Vèr kiʼ wò, Nyùy wor, e meé mo à wíy sham ver.

1 Korin 10:21

Bó yòʼ dzə̀ vèn wàa no fo Tàr wòsən Jesus Kristu bàr, e kfə̀n a no fo wo dzəə̀n wo Satan. Bó yòʼ dzə̀ vèn wàa yi vifá ve yi ve Tàr wòsən, e kfə̀n a yi ve dzəə̀n vé Satan.

Amos 6:6

Vèn nó meluʼ, bvə́ʼti vighín, bor biʼ yeé kilùm e wùn bórin, a bó vèn yòʼ rə́r mendzən me wìr veé Isray ve ŋgeʼ si nəən áwune.

Amos 2:8

Áwune sev e virə̀ʼ vé ŋkàʼ sé cù, sev e ndzə̀y sí wùn, a dzə̀ se á koon fo aghéʼnceyí. Áwune koó meluʼ fo vév vé kaa, nó aáwuné virə̀ʼ vé cù.

Nehemia 9:31

Yii bèy, bìʼ shammèndzə̀n wò wo ghaʼán, à yòʼ‑oò lo laàr áwune, aà yòʼ‑oò lo bìn ndzə̀m aáwune. À dzə̀ Nyùy wo wù yii rə́r mendzən me wíri, kfə̀n shám áwune.

2 Afòn 13:23

Yii bèy, Nyùy Tàr kú a leéy áwune, a sham mendzən mev. Wù kù‑uù sə́ áwune bìʼ *mensaŋ me wù‑uù gwàrìn wùn à Abraham, à Aysi, à Jakov, a bó yòʼ‑oò dzə̀ wù biìmé ji á laar áwune. Wù yòʼ‑oò yiì ne jùm áwune fo wun si, e shem lán.

2 Samuel 6:19

e nèn tàr áwune, a wìr mòʼón mòʼón sə́ kibán, sə́ nyám, kfə̀n sə́ shintuʼ she baŋ se *vayin se saŋèn sí. Wìr dzə̀m nèn a dùkìr aáwuné melaʼ.

Atǎr Nsaʼ 10:16

Wír veé Israyi nèn tsə̀ʼ mebvə̀m mee anyùy kisaŋe fo áwuné ghaŋ, a sùyrì a dzə̀ Nyùy Tàr. La Nyùy Tàr yòʼ dzəə yù fóo kur tím, a yen mo wír veé Israyi yén ŋgeʼ e ŋàŋ.

Atǎr Nsaʼ 9:27

Wáa dzə e ghan fóo fèy, wíri wáa fəə e kwaʼ, a baʼtí báŋ se vitiír vé vayin, a fèr meluʼ sho, e nèn lò, e wìy, a yi ŋkàʼ e nyùy wóv lav. Áwune wáa yinín, a nonín, á nèn lò, a shov Abimelek.

Ŋwàʼ Fəə 32:6

Wù yòŋ bèy, yì bvəə́shí, e jàv, wír veé Israyi wìy e nyám si, a yiì cu sho, ton se tonèn sí, seéri se á yíi kfər ji cu kikòŋnìn. Á yiì bèy, e nèn dzə̀ʼə̀m, a yi vitú vév, a no meluʼ, e yiì lò tsə̀ə́m ceŋ, a sheʼrí shibvə̀m.

1 Korin 10:7

Lá vèsən yòʼ a ghvəm kifá kímóʼ kí ji Nyùy mo wír vìne‑eè ghvə́mé. Vé‑eè sàŋ é Ŋwàʼ Nyùy jii, «Wír vìne dzəʼə̀m, yí vitú vév, nó meluʼ, á nèn tsə̀ə́m a dzə̀ ceŋ, a sheʼrí shibvə̀m.»

Matio 26:50

Jesus yòŋ jii, «Ŋkar yèm, yiì ri mo à kì taʼ, e yiì.» Wír vìyi nèn tò, e bàm Jesus, e ghàr kitávín.

Hosea 7:5

Yì‑iì dzə̀ é kishiíy ké ŋkàʼ woó ntoʼ, áwune noór fon wùn à vibay və́ ví, á nó meluʼ mè koó, á wáa tùŋkìr, la fòn yòʼ kìíy ji wun fèn sí suúsin a wùn à vé antaŋ ve bií,

Hosea 4:11

«Meluʼ mè bvə̀ə́r ne vifií vé wìr vém, mo á nó mee lán, nó me shiiyín mè. Wír vémé yòʼ dzəə́ kiiy fo á dzəə̀n.

1 Wòŋ 16:3

e nèn tàr wir dzə̀m woó Isray, à vilum à vikìy, a wìr mòʼón mòʼón sə́ ntuʼ kiban, sə́ nyám, kfə̀n sə́ shintuʼ she baŋ se *vayin se saŋèn sí.

Yòv Viŋgér 2:5

M sí joy yàsí kikòŋnìn, weʼ wèʼèn. Tàr à wíri, ku yìír mo e tútúʼ wo á fer meluʼ sho, e yìír e báŋ se vici se sí rəʼtìn si, é m rəsin.

Hosea 2:5

Yè wov dzə̀ sàkì, a wù yòʼ kér dzə̀rkìtu, bóŋ bvəm e ndzə, là woómé. Wù lo, wù wàa sevtí jii, ‹M kér fó a jùmrì vilum ve á koŋ mo, aáwune wáa geʼ e mò, a fo viyíkìr, a fo mendzə́v, a fo ndzə̀y wùn à meŋgvə́r me *oliv mè, é m kfə́n a koóy bàr kifa wó a bàʼ shuu sho.›